Հավասարազոր է ազգին վիրավորելուն

Իսլամական հեղափոխության պահապանների կորպուսին վիրավորելը հավասարազոր է իրանական ազգին և երկրի զինված ուժերին վիրավորելուն։ Այս մասին հայտարարել է Իրանի նախագահ Հասան Ռուհանին՝ մեկնաբանելով ԻՀՊԿ-ն ահաբեկչական կազմակերպությունների ցուցակում ընդգրկելու ԱՄՆ-ի որոշումը՝ հայտնում է Mehr-ը։

«Մեր թշնամիները կարծում են, որ ԻՀՊԿ-ն ուղղակի մեր զինված ուժերի մի մասն է, սակայն նրանք սխալվում են։ Նրանք պետք է իմանան, որ ԻՀՊԿ-ն ներկա է ողջ Իրանում, և իրանական ազգը նրան համարում է իր մի մասը։ ԻՀՊԿ-ին վիրավորելը հավասարազոր է իրանական ազգին և երկրի զինված ուժերին վիրավորելուն»,- ասել է Ռուհանին։

Նա դատապարտել է ԱՄՆ-ի և «սիոնիստական ռեժիմի» միջամտությունը տարածաշրջանային գործերում՝ հայտարարելով, որ «խոշոր տերությունները, մասնավորապես՝ ԱՄՆ-ը և սիոնիստները, կայունություն, միասնականություն, անվտանգություն և եղբայրություն չեն ուզում»տեղեկացնում է News.am-ը։