Գործընթացը ոգեշնչում է Լին Թրեյսիին

ԱՄՆ-ը հասկանում է, որ Հայաստանը Ռուսաստանի հետ կապում են աշխարհագրական և պատմական կապերը։ Այս մասին հայտարարել է Հայաստանում ԱՄՆ Արտակարգ և լիազոր դեսպան Լին Թրեյսին։

Սակայն, ավելացրել է նա, շատերը կհամաձայնեն, որ հայ-ռուսական հարաբերությունները չեն սահմանափակում ԵՄ-ի, ԱՄՆ-ի կամ այլ հնարավոր գործընկերների հետ հարաբերությունները։ «Հայաստանը պատմականորեն և աշխարհագրորեն կապված է Ռուսաստանի հետ, բայց մշակութապես և արժեհամակարգով կապված է Արևմուտքի հետ»,- կարծում է դեսպանը։

Հիշեցնենք, որ ավելի վաղ նախագահի անվտանգության հարցերով խորհրդական Ջոն Բոլթոնը կոչ էր արել հրաժարվել Ռուսաստանի հետ կապերի պատմական կլիշեներից և անգամ հայտարարել էր, որ «ամերիկյան զենքն ավելի լավն է ռուսականից»։