«ԳԵՈՊՐՈՄԱՅՆԻՆԳ» ԸՆԿԵՐՈՒԹՅՈՒՆԸ ԻՐ ԳՈՐԾՈՒՆԵՈՒԹՅԱՆ ՄԱՐԶԵՐՈՒՄ ԻՐԱԿԱՆԱՑՆՈՒՄ Է ԴՊՐՈՑՆԵՐԻ ԳԱԶԱՖԻԿԱՑՄԱՆ ՆԱԽԱԳԻԾ (ՏԵՍԱՆՅՈՒԹ)

«ԳեոՊրոՄայնինգ» ընկերությունը ռեգիոնների դպրոցների գազաֆիկացման նախագծի իրականացմանը տրամադրել է 110 մլնՀՀ դրամ (230 հազդոլար):

 

«ԳեոՊրոՄայնինգ» ընկերությունն Գեղարքունիքի եվ Արարատի մարզերի հանրակրթական հաստատություններում ավարտին է հասցնում ջեռուցման համակարգերի անցկացման ծրագիրը։ Ծրագրի առաջին փուլը նախատեսում է հինգ դպրոցների գազաֆիկացում և ջեռուցման համակարգերի տեղադրում, որտեղ գրեթե 30 տարի, դասասենյակների ջեռուցման խնդիրը լուծվում էր «բուրժույկաների» և հեղուկ վառելիքի միջոցով։

Ծրագրի առաջին փուլն ավարտվել է: Վարդենիսի 3 հիմնական դպրոցներն այդ արդեն օգտվում են ջեռուցման լոկալ համակարգից:

Սոթք գյուղի դպրոցում և դպրոցին կից գործող մանկապարտեզում և Արարատ քաղաքի դպրոցներից մեկում ջեռուցման համակարգերի մոնտաժման աշխատանքները ևս մոտենում են ավարտին, և 2020թ մարտին նախատեսվում է դրանք հանձնել շահագործման ։

Ծրագրի իրականացման կոորդինատոր, «ԳեոՊրոՄայնինգ» ընկերության արտաքին կապերի և սոցիալական քաղաքականության ղեկավար Ռուզաննա Գրիգորյան «Ծրագրի իրականացման արդյունքում ներդրվել են ջեռուցման ժամանակակից և անվտանգ համակարգեր, կառուցվել է 1350 գծամետր լոկալ գազատար, մոնտաժվել են ընդհանուրը 15 000 քառակուսի մետր մակերեսով ջեռուցման համակարգեր ։ Ծրագրի ամբողջ արժեքը կազմում է 150 մլն ՀՀ դրամ, որից 40 մլն դրամը ներդրվել է դպրոցների խնայված միջոցներից, իսկ 110 մլն դրամը /230 հազ դոլարը/ տրամադրել է «ԳեոՊրոմայնինգ» ընկերությունը։

Երկու տարի շարունակ մենք աշխատել ենք այս ծրագրի նախապատրաստման և իրականացման ուղղությամբ և այսօր շատ ուրախ ենք դրա հաջող ավարտի համար։ Մեր երեխաների ուսման համար տաք և հարմարավետ պայմանների ապահովումը մեր գործընկերների և կապալառուների համատեղ աշխատանքի այդյունքն է, որոնք աջակցեցին մեզ այս նախագծի իրականացման գործում։

ԳեոՊրոՄայնինգ ընկերության նախագահ Ռոման Խուդոլիյ «Կրթական ենթակառուցվածքներում սոցիալական ներդրումները մեր ընկերության կորպորատիվ և սոցիալական քաղաքականության առաջնահերթություններից են։ Մենք մեր սոցիալական ծրագրերում շեշտը դնում ենք երիտասարդ սերնդի կրթության և առողջության ապահովման վրա, որին հնարավոր չէ հասնել առանց այդ գործընթացների համար հարմարավետ պայմանների ստեղծման և ճիշտ մոտիվացիայի։ Կրթությունը և սպորտը այն ոլորտներն են, առանց որոնց հնարավոր չէ դաստիարակել ուժեղ և արդյունավետ ապագա սերունդ, և այդ հարցում մենք միշտ աջակցում ենք տեղական իշխանությունների և քաղաքացիների առողջ նախաձեռնություններին»։

Հաշվի առնելով ծրագրի առաջին փուլի հաջող փորձը, մենք մտադիր ենք շարունակել այս գործընթացները։ Մենք վճռականորեն կաջակցենք, որպեսզի Հայաստանի Հանրապետության մեր ներկայության մարզերի բոլոր դպրոցներում և նախադպրոցական հաստատություններում ապահովենք ուսման հարմարավետ պայմաններ:

Գեղարքունիքի մարզպետ Գնել Սանոսյան «Մեր դպրոցներում ժամանակակից և քաղաքակիրթ ջեռուցման կազմակերպման հարցը իսկապես բարդ խնդիր է։ Ցավոք տեղական բյուջեն թույլ չի տալիս այդ մասշտաբի նախագծեր իրականացնել։ Ամեն տարի մենք վառելիք ենք գնում դժվարությամբ տնտեսած միջոցներով, ինչը մեր երեխաների ուսման համար հարմարավետ պայմաններ չի ապահովում։ Այս խնդրի լուծման գործում «ԳեոՊրոմայնինգ» ընկերության ֆինանսական օժանդակությունը ու ավանդն անգնահատելի է. այն տեղից շարժեց և լուծելի դարձրեց երկար տարիներ օդում կախված հարցը։ Բացի դրանից, ընկերությունն աշխատում է նաև մարզում առկա մի շարք այլ սոցիալական խնդիրների լուծման ուղղությամբ, որոնցով էլ սոցիալական լուրջ աջակցություն է ցուցաբերում սահմանամերձ բնակավայրերի զարգացմանը:

Основная тема:
Теги: