Ռոբերտ Քոչարյանի և մյուսների գործով նիստը կշարունակվի (ՏԵՍԱՆՅՈՒԹ)

Հայաստանի երկրորդ նախագահ Ռոբերտ Քոչարյանի և մյուսների գործով նիստը Հուլիսի 14-ին կշարունակվի Երևանի ընդհանուր իրավասության դատարանի Շենգավիթի նստավայրում:

Հիշեցնենք, որ նախորդ նիստին դատարանը մերժեց դատախազների կասկածելի միջնորդությունը՝ այս փուլում պաշտպանական կողմին նոր միջնորդություններ ներկայացնելու իրավունքից զրկելու մասին: Մեղադրող կողմն իր պահանջը հիմնավորեց «գործընթացի ձգձգմամբ»:

Պաշտպանությունը պնդում էր նման պահանջի անօրինականությունը, ինչը փաստորեն կնշանակեր փաստաբաններին զրկել խոսքի իրավունքից:

Արդյունքում, երկու նիստ ծախսվեց դատախազության միջնորդության քննարկման վրա, տեղեկացնում է News.am-ը։