Արմեն ԱՇՈՏՅԱՆ. ԱԴՐԲԵՋԱՆԱԿԱՆ ՎԵՐՆԱԽԱՎՆ ՉԻ ԿԱՐՈՂԱՆՈՒՄ ԹԱՔՑՆԵԼ ԻՐ ՄԱՂՁԸ

Ադրբեջանական վերնախավն անգամ այսօր չի կարողանում թաքցնել իր մաղձը ՀՀ երրորդ նախագահի հանդեպ, ում պաշտոնավարման օրոք նրանք ուժգին հարվածներ էին ստանում թե մարտի, թե դիվանագիտական դաշտերում։ Այս մասին իր ֆեյսբուքյան էջում գրել է ՀՀԿ փոխնախագահ Արմեն Աշոտյանը:

«Կանխատեսելի էր ադրբեջանական վայրահաչոցը Սերժ Սարգսյանի ասուլիսին հնչած մի շարք բացահայտումներին և կոշտ հայտարարություններին ի պատասխան։

Ադրբեջանական վերնախավն անգամ այսօր չի կարողանում թաքցնել իր մաղձը ՀՀ երրորդ նախագահի հանդեպ, ում պաշտոնավարման օրոք նրանք ուժգին հարվածներ էին ստանում թե մարտի, թե դիվանագիտական դաշտերում։

Այդպիսի մի հարված էր նաև Սերժ Սարգսյանի այսօրվա ասուլիսը։

Ադրբեջանի ՊՆ-ի արձագանքը նաև կանխատեսելի խղճուկ էր՝ «հերքենք անհերքելին» տրամաբանության մեջ։

Ադրբեջանական բանակին ինտենսիվ խորհրդատվություն ապահովող և ուղղակի մասնակցություն ցուցաբերող թուրք և իսրայելական ռազմական կադրերի մասին կարելի բազում տեղեկություններ գտնել համացանցում։ Օրինակ՝ իսրայելական դրոնների հետ կապված սկանդալների և ներքին հետաքննությունների տեսքով»։

News.am