ՄԱԿ-ի ԱԽ-ը դէմ է Իրանի նկատմամբ պատժամիջոցների վերականգնմանը

ՄԱԿ-ի Անվտանգութեան խորհրդի 15 անդամներից 13-ը դէմ են Իրանի հանդէպ այդ Կազմակերպութեան սահմանած բոլոր պատժամիջոցները վերականգնելու մասին ԱՄՆ պահանջին:

Պատժամիջոցները վերականգնելու մասին ԱՄՆ պետաքարտուղար Մայք Պոմպէոյի ներկայացրած ծանուցումից ընդամենը 24 ժամ անց, յայտնի է դարձել, որ Ռուսաստանը, Չինաստանը, Մեծ Բրիտանիան, Ֆրանսիան, Գերմանիան, Բելգիան, Նիգերը, Հարաւային Աֆրիկան, Վիետնամը, Ինդոնեզիան, Էստոնիան, Թունիսը, Սենթ Վինսենթ և Գրանադինները դէմ են ԱՄՆ պահանջին:

Այն պաշտպանում է միայն Դոմինիկեան Հանրապետութիւնը: