Հայկ ՔՈԹԱՆՋՅԱՆ․ ԽՆԴՐՈՒՄ ԵՄ ՁԵԶ ԸՆԴՈՒՆԵԼ ՈՐՈՇՈՒՄ ՀԱՅԱՍՏԱՆԻ ԵՐԿՐՈՐԴ և ԵՐՐՈՐԴ ՆԱԽԱԳԱՀՆԵՐԻ ԴԱՏԱԿԱՆ ՀԵՏԱՊՆԴՄԱՆ ԿԱՍԵՑՄԱՆ ՎԵՐԱԲԵՐՅԱԼ
Հայաստանի Հանրապետության մեծարգո նախագահ պարոն Արմեն Սարգսյանին և Հայաստանի Հանրապետության մեծարգո վարչապետ պարոն Նիկոլ Փաշինյանին։
Հաշվի առնելով Ադրբեջանի կողմից Արցախում պատերազմի սանձազերծումը, որը վերջին մեկ ամսվա ընթացքում հայտարարվող Արցախի Հանրապետության և Հայաստանի Հանրապետության դեմ Ադրբեջանի և Թուրքիայի կողմից համատեղ պատերազմի ուղղակի սպառնալիքի իրականացումն է, ինչպես նաև ուխտադրուժ թշնամու դեմ պայքարում հայ ժողովրդի բոլոր ուժերի համախմբման և ադրբեջանական ագրեսիայի՝ տարածաշրջանային պատերազմի վերաճման կանխման անհրաժեշտությունը, խնդրում եմ Ձեզ ընդունել որոշում Հայաստանի երկրորդ և երրորդ նախագահների, Ազգային Ժողովի պատգամավոր Գագիկ Ծառուկյանի, և 2008 թ. մարտի մեկի գործով անցնող գեներալների և պաշտոնատար անձանց դատական հետապնդման կասեցման վերաբերյալ։
Հայկ Քոթանջյան, պաշտոնաթող գեներալ-լեյտենանտ, քաղաքական գիտությունների դոկտոր, պրոֆեսոր (ռազմավարական անվտանգային հետազոտություններ ՀՀ, ՌԴ, ԱՄՆ), Քաղաքական գիտության Հայաստանի ասոցիացիայի պատվավոր նախագահ
