ԵԱՀԿ գործող նախագահը կոչ է արել անհապաղ ապաէսկալացնել իրավիճակը ղարաբաղյան հակամարտության գոտում

ԵԱՀԿ գործող նախագահ, Ալբանիայի վարչապետ և ԱԳ նախարար Էդի Ռաման կոչ է արել անհապաղ ապաէսկալացնել իրավիճակը ղարաբաղյան հակամարտության գոտում:

«Ես կոչ եմ անում բոլոր մասնակիցներին անհապաղ վերադառնալ հրադադարի ռեժիմին, քանի դեռ այդ հակամարտության մեջ զոհերի թիվը չի ավելացել»,-ասվում է Ռամայի հայտարարության մեջ:

Նա նշել է, որ ԵԱՀԿ Մինսկի խմբի համանախագահները և դեսպան Անջեյ Կասպշիկի անձնական ներկայացուցիչը սերտ կապ է պահպանում կողմերի հետ: Նա լիարժեք աջակցություն է հայտնել իրավիճակի կայունացմանն ուղղված ջանքերին և կրկնել, որ հակամարտության խաղաղ կարգավորման համար բանակցություններն այլընտրանք չունեն: Նա ընդգծել է, որ սատարում է առանց նախապայմանների առարկայական բանակցությունները վերսկսելու ուղղությամբ համանախագահների ջանքերը:

ԵԱՀԿ գործող նախագահը նաև ցավակցել է բռնության հետևանքով զոհվածների ընտանիքներին, տեղեկացնում է News.am-ը։