Պնդումները, թե իբր Մատաղիսը գտնվում է Ադրբեջանի վերահսկողության տակ, սուտ են (ՏԵՍԱՆՅՈՒԹ)

Արցախի պաշտպանության բանակը տեղեկացնում է, որ ադրբեջանական կողմի պնդումներն այն մասին, թե իբր Մատաղիսը գտնվում է իրենց վերահսկողության ներքո, իրականությանը չեն համապատասխանում:

ՊԲ–ն նաև տեսանյութ է հրապարակել, որտում հակառակորդի ավտոշարասյան խոցումը տեղի է ունենում Մատաղիս տանող ճանապարհին:

«Արցախա-ադրբեջանական հակամարտության գոտու ողջ երկայնքով մարտական գործողությունները շարունակվում են: Առավել համառ մարտեր են ընթանում հյուսիսային և հարավային ուղղություններում: Հակառակորդն անընդհատ ձեռնարկում է հարձակման փորձեր»,–նշված է ՊԲ–ի հաղորդագրության մեջ։

Հակառակորդի հարձակման փորձերը մատնվում են անհաջողության ՊԲ ստորաբաժանումների վճռական գործողությունների արդյունքում, տեղեկացնում է Sputnik Armenia-ն։