Նախքան հումանիտար հրադադարի հաստատումը, ադրբեջանցիները փորձել են ներթափանցել Հադրութ

Պաշտպանության բանակը տեղեկացնում է, որ նախքան հումանիտար հրադադարի հաստատումը, ադրբեջանական կողմը դիվերսիոն-հետախուզական ներթափանցման փորձ է ձեռնարկել Հադրութի ուղղությամբ:

«Չնայած հրադադարի հաստատումից անցել է շուրջ 3 ժամ՝ ներթափանցած խմբի շրջափակման և ոչնչացման գործողությունները շարունակվում են: Ռազմաճակատի մյուս հատվածներում համեմատաբար հանգիստ է»,–նշված է ՊԲ հայտարարության մեջ:

ՊԲ–ն հայտնում է նաև, որ ադրբեջանական կողմի գործողությունները, ըստ երևույթին, թելադրված են Ադրբեջանի նախագահի` Հադրութը գրավելու հայտարարությունն ապացուցելու նպատակով, տեղեկացնում է Sputnik Armenia-ն։