Էդիտա ԳԶՈՅԱՆ. ՀԱՅՈՑ ԲԱՆԱԿԸ ԹՈՒՅԼ ՉԻ ՏԱԼԻՍ ՆՈՐ ՀԱՅՈՑ ՑԵՂԱՍՊԱՆՈՒԹՅՈՒՆ ԻՐԱԿԱՆԱՑՆԵԼ
Պատմական գիտությունների թեկնածու Էդիտա Գզոյանը «Նովոստի-Արմենիա» գործակալությանը տված բացառիկ հարցազրույցում ներկայացրեց իր դիրքորոշումը Թուրքիայի ու Ադրբեջանի կողմից վարվող հայատյաց քաղաքականության վերաբերյալ:
«Թուրքիայի և Ադրբեջանի գործողությունները կրում են Հայոց ցեղասպանությանը հաջորդող բնույթը, որը սկսվել է 105 տարի առաջ: Վերջերս մենք ականատես եղանք Էրդողանի հայտարարություններին, որոնք հստակ ցույց էին տալիս այդ գործողությունների հաջորդականությունը: Օրինակ, Էրդողանը հայերին անվանեց չսպանված. նա դիմում է նրանց, ովքեր 1915 թվականից հետո ողջ են մնացել: Ցավով ասում եմ, որ այդ վերաբերմունքը կարելի է գտնել ոչ միայն Թուրքիայի և Ադրբեջանի իշխանությունների գործողություններում, այլ նաև հասարակության մեջ: Սոցիալական ցանցերում հաճախ եմ բախվում ատելության հայտարարությունների և վիրավորանքների, որոնք հիմք են հանդիսանում նոր Հայոց ցեղասպանություն իրականացնելու փորձի համար»,- ասաց Գզոյանը:
Նրա խոսքով, այսօր միակ կառույցը, որը թույլ չի տալիս նոր Հայոց ցեղասպանություն իրականացնել, հայկական բանակն է: Եթե Թուրքիան և Ադրբեջանը կարողանան մուտք գործել Հայաստանի այն բնակավայրեր, որտեղ ապրում են խաղաղ բնակիչներ, նրանք կկատարեն այն, ինչ նրանք արեցին ավելի քան հարյուր տարի առաջ:
««Ցեղասպանության հանցագործության և դրա համար պատժի մասին» կոնվենցիան պարունակում է հոդված ցեղասպանության հրահրման և նախապատրաստման մասին, որոնք նույնպես համարվում են պատժելի արարքներ: ՄԱԿ-ի Ցեղասպանության մասին կոնվենցիան ամենավավերացվածներից մեկն է, մոտ 153 անդամ պետություններ այն ստորագրել են, այսինքն` նրանք նաև ստանձնել են ցեղասպանության դեպքում ինչ-որ կերպ կարգավորելու պատասխանատվությունը: Մենք տեսնում ենք, որ այս պահին ոչ մի արձագանք չկա: Համաձայն կոնվենցիայի, այդպիսի գործառույթ վերապահվում է ՄԱԿ-ի որոշ մարմինների, բայց, ցավոք, նրանք նույնպես չեն իրականացնում այն, հետևաբար, ես հայտարարում եմ, որ Հայաստանի Հանրապետությունը և հատկապես հայկական բանակը այսօր խաղում են միջազգային հանրության դերը և պաշտպանում են հայերին ցեղասպանության սպառնալիքից», - ասաց Գզոյանը:
