Դատական համակարգից շուրջ 85 հոգի առաջնագծում է

Դատական համակարգից շուրջ 85 հոգի առաջնագծում է, խորհրդարանում լրագրողների հետ զրույցում ասաց Դատական դեպարտամենտի ղեկավար Կարեն Փոլադյանը:

Նա նաև տեղեկացրեց, որ, իրավիճակով պայմանավորված, որոշ դատական նիստեր հետաձգվում են:

Փոլադյանի խոսքով՝ կողմերից ոմանք առաջնագծում են կամ համապատասխան գործընթացներում են ներգրաված, և դատարանը, ողջամտորեն գնահատելով իրավիճակն ու նիստերը հետաձգելով, նրանց հնարավորություն է տալիս գալու և իրացնելու իրենց իրավունքը, տեղեկացնում է Aysor.am-ը: