Արծրուն Հովհաննիսյան. Շուշիի մերձակայքում մարտերը շարունակվում են

Շուշիի մերձակայքում մարտերը շարունակվում են։ Տեղեկությունը Facebook-ի իր էջում հայտնել է ՀՀ ՊՆ ներկայացուցիչ Արծրուն Հովհաննիսյանը։

Ինչպես արդեն տեղեկացրել ենք, ԱՀ արտակարգ իրավիճակների պետական ծառայությունը հայտնել էր, որ նոյեմբերի 5-ի լույս 6-ի գիշերը խաղաղ բնակավայրերում անհանգիստ է եղել։ Ադրբեջանա-թուրքական ուժերն ամբողջ գիշեր ինտենսիվ կրակի տակ են պահել Շուշի և Ստեփանակերտ քաղաքները։

Իսկ ցերեկային ժամերին հայտնի դարձավ, որ Շուշիի շրջակայքի հրոսակախմբերի մաքրման աշխատանքները շարունակվում են։ Հայկական կողմը մեկ զոհ ու մեկ վիրավոր ուներ։

Արցախի Արտակարգ իրավիճակների պետական ծառայությունն էլ հայտնել է, որ Ստեփանակերտը հրթիռակոծվում է կասետային ռումբերով։ Հրթիռներից մեկն ընկել է բնակելի տան վրա, զոհվել են քաղաքացիական 3 անձ, տեղեկացնում է Sputnik Armenia-ն: