Արփինե ՀՈՎՀԱՆՆԻՍՅԱՆ. ԱՅՍՕՐ ՁԵՐ ԸՆՏՐՈՒԹՅԱՆ ՕՐՆ Է՝ ՆԻԿՈԼԻ ՈՒ ՀԱՅՐԵՆԻՔԻ ՄԻՋԵՎ
Այսօր նոյեմբերի 11-ն է, 4 օր անց կնքված խայտառակ կապիտուլյացիոն պայմանագրով, արդեն գործողություն պիտի արվի՝ զինվորազրկվի ու հայաթափվի Քարվաճառը։ Այս մասին Facebook-ի իր էջում գրել է ԱԺ նախկին փոխնախագահ Արփինե Հովհաննիսյանը:
Նա, մասնավորապես, նշել է. «Ինձ բազմաթիվ նամակներով երեկվանից հարցնում են՝ բա ինչ է լինելու, բա ինչ անենք։ Պատասխանում եմ՝ ԴԵՌ շանս կա։ Դրա համար խնդրեք, պահանջեք համոզեք ու էլի ինչ կարող եք անել՝ արեք, որ Փաշինյան Նիկոլը հեռանա։ Միայն Նիկոլի հեռացումը հույս կտա, որ կարող ենք փոխել ինչ որ բան։
Իմքայլականների մեջ, եթե մարդ կա, եթե հայրենասեր կա, ապա ասեմ՝ ժամանակն է ցույց տալու։ Երբ 2 տարի առաջ դագաղով, սև ժապավենով ու հայհոյանքի աննախադեպ չափաբաժնով եկել էիք մեր տուն ու պահանջում էինք ընտրել Նիկոլին՝ ես ընտրություն ունեի՝ Նիկոլի ու արժանապատվության, նիկոլի ու հայրենիքի միջև ու ես ընտրեցի արժանապատվությունն ու Հայրենիքը։ Բայց այն ժամանակ ակնհայտ չէր սա։ Թվում էր՝ ես չեմ ընտրում մեր ժողովրդին, ոչ թե ընտրում եմ հայրենիքը։
Այսօր ձեր ԱԿՆՀԱՅՏ ընտրության օրն է՝ էլի նիկոլի ու Հայրենիքի միջև։
Թուրքը հայի արյուն է թափել 44 օր շարունակ ու հիմա հարց՝ ով է թուրքից հետո, թուրքին հավասար Հայի արյուն թափելու։ Ո՞վ։ Որ ոստիկանը, որ իմ քայլականը։ Ո՞վ է թուրքին հավասար հրաման տալու կամ տալու է արդյ՞ոք։