Ապարանում նշվում է Հայաստանի առաջին Հանրապետության օրը։ Տոնական միջոցառումները նվիրված են Արցախին, ելույթ են ունենում արցախյան մշակութային խմբեր։ Ապարանում են Արցախից Հանրապետության ԱԺ պատգամավորներ և քաղաքացիներ։
Ապարանում այսօր՝ մայիսի 28–ին, նշվում է Հայաստանի առաջին Հանրապետության օրը։ Տոնական միջոցառումները նվիրված են Արցախին, ելույթ են ունենում արցախյան մշակութային խմբեր։ Ապարանում են Արցախից Հանրապետության ԱԺ պատգամավորներ և քաղաքացիներ։
Առաջիկայում կհայտարարվի Ռուսաստանի և Ուկրաինայի միջև բանակցությունների նոր փուլի մասին։ Այս մասին հայտարարել է ՌԴ ԱԳ նախարար Սերգեյ Լավրովը:
Հայաստանն Ադրբեջանի հետ երկկողմ խորհրդակցություններ է անցկացնում խաղաղության համաձայնագրի ստորագրման ժամկետների և հանգամանքների շուրջ համաձայնության հասնելու համար։ Սարդարապատի հուշահամալիրում Հանրապետության օրվա առթիվ իր ելույթում այս մասին նշեց ՀՀ վարչապետ Նիկոլ Փաշինյանը։
Մեր անկախությունը մեր հայրերի սրբազան ավանդն է մեզ, որը պիտի փայփայենք և շարունակենք համատեղ ջանքերով շենացնել մեր երկիրը, զորացնել մեր պետականությունը։ Ինչպես հայտնում է Մայր աթոռի տեղեկատվական համակարգը, Հանրապետության տոնի առիթով իր ուղերձում այս մասին նշել է Ամենայն հայոց կաթողիկոս Գարեգին Բ–ն։
Գերմանիայի արտաքին գործերի նախարար Յոհան Վադեֆուլը եվրոպական երկրների և ԱՄՆ-ի միջև համերաշխություն կոչ է արել՝ կապված Ուկրաինայի դեմ շարունակվող ագրեսիայի, մասնավորապես վերջին զանգվածային հրետակոծության պատճառով Ռուսաստանի վրա պատժամիջոցային ճնշման հետ, գրել է ZDF Heute-ը։
Սարդարապատի ոգին մեր ժողովրդից օտարելն անհնար է և վտանգավոր այդ փորձը կատարողների համար։ Այս մասին Հանրապետության տոնին նվիրված ուղերձում նշել է ՀՀ 2–րդ նախագահ Ռոբերտ Քոչարյանը։
Ռուս քաղաքագետ, դոցենտ, ՌԴ կառավարությանն առընթեր Ֆինանսական համալսարանի թեկնածու Դմիտրի Ժուրավլյովը Alpha News-ի հետ զրույցում անդրադարձել է Ադրբեջանի նախագահի օգնական Հիքմեթ Հաջիևը հայտարարությանը, որը, խոսելով Հայաստանի հետ բանակցությունների մասին, նշել է՝ տարածաշրջանում տեղակայված օտարերկրյա ռազմական ուժերի ներկայության անհրաժեշտություն չկա:
Մի խումբ իրավապաշտպաններ մայիսի 25-ին հայտարարություն էին տարածել, որում ԱԳՆ-ից պահանջում էին պարզաբանել, թե ինչո՞ւ է օկուպացված Ստեփանակերտում ադրբեջանական ֆորումին մասնակցած Մեծ Բրիտանիայի Արտաքին քաղաքականության կենտրոնի ավագ խորհրդատու Կրեգ Օլիֆանտը հրավիրվել Երևանում 26-ից 27-ն անցկացվող «Երևանյան երկխոսություն» համաժողովին: Հայտարարությունից 3 օր անց էլ արտգործնախարարությունից արձագանք չի եղել, սակայն ԱԳՆ գլխավոր քարտուղար Դավիթ Կարապետյանը մայիսի 26-ին լրագրողներին ասել է, որ տեխնիկական խնդրի պատճառով Կրեգ Օլիֆանտը չի կարողացել ժամանել Հայաստան: «Միջազգային և համեմատական իրավունքի կենտրոն» ՀԿ-ի նախագահ Սիրանուշ Սահակյանը, որը ստորագրել է իրավապաշտպանների հայտարարությունը, Alpha News-ի հետ զրույցում չբացառեց, որ Կրեգ Օլիֆանտի Հայաստան չգալը կարող է կապ ունենալ իրավապաշտպանների բարձրացրած աղմուկի հետ:
ՀՀԿ-ի նախաձեռնած Մեծ Հաղթանակի 80-ամյակի հայտարարության մերժումը անարգանք է նացիզմը հաղթած հերոսների նկատմամբ։ Այս մասին ֆեյսբուքյան իր էջում գրել է Հայաստանի հանրապետական կուսակցության գործադիր մարմնի անդամ Էդուարդ Շարմազանովը։