Ապրիլի 24-ին Փարիզի քաղաքապետարանում քաղաքապետ Անն Հիդալգոյի հրավերով կայացել է Հայոց ցեղասպանության 110-րդ տարելիցին նվիրված ընդունելություն, որին ներկա էին խորհրդարանականներ, Փարիզի քաղաքային խորհրդի անդամներ, համայնքային, մշակութային և եկեղեցական կառույցների ներկայացուցիչներ, հարյուրավոր ֆրանսահայեր։ Այս մասին տեղեկացնում են Ֆրանսիայում ՀՀ դեսպանությունից:
«Իմ ընտանիքի, համայն հայության համար այս օրը հիշատակի օր է։ Ծանր օր է։ Ազգային մեծ հիշատակության օր է»,- Ծիծեռնակաբերդի հուշահամալիրում Panorama.am-ի հետ զրույցում ասաց կոմպոզիտոր, ՀՀ ժողովրդական արտիստ Տիգրան Մանսուրյանը։
Լոս Անջելեսի և Գլենդելի միացյալ դպրոցական շրջանների դպրոցները հինգշաբթի փակ կլինեն՝ նշելու համար Հայոց ցեղասպանության հիշատակի օրը, հայտնում է NBC Los Angeles-ը։
«Շատ վատառողջ է այն նարատիվը, որ փորձում են ձևակերպել Հայաստանի իշխանությունները. ակնհայտ է, որ այս դիսկուրսը թուրքական ճնշումների հետևանքով է ձևավորվել»։ Այս մասին լրագրող Ազա Բաբայանի հետ հարցազրույցում ասաց Ֆրանսիայի հայ համայնքի ակտիվ ներկայացուցիչ, արևելագետ, միջազգային հարցերով փորձագետ Տիգրան Եգանյանը՝ խոսելով այն մասին, որ Հայաստանի իշխանությունների կողմից փորձեր են արվում կասկածի տալ դնելու Ցեղասպանության հանգամանքները և հանելու Ցեղասպանության միջազգային ճանաչման հարցը արտաքին քաղաքականության օրակարգից։
Հայոց ցեղասպանության փաստը, որպես մարդկության և քաղաքակրթության դեմ իրագործված ոճիր, ճանաչված է տասնյակ պետությունների և միջազգային կազմակերպությունների կողմից։ Մինչդեռ Թուրքիան շարունակում է Հայոց ցեղասպանության մերժման փաստը, ինչն այդ հանցագործության ուղղակի շարունակականության դրսևորում է։ Այս մասին հայտարարություն է տարածել ՀՅԴ Հայ դատի կենտրոնական խորհուրոըդ:
Հավաքական անվտանգության պայմանագրի կազմակերպությունը (ՀԱՊԿ) և Հայաստանը պահպանում են աշխատանքային շփումները, Երևանը տեղեկացվում է այն ամենի մասին, ինչ քննարկվում է քարտուղարությունում, լրագրողներին հայտարարել է ՀԱՊԿ գլխավոր քարտուղար Իմանգալի Տասմագամբետովը:
Հայոց ցեղասպանությունը վերապրածների՝ նախկինում չհրապարակված վկայությունները թույլ են տալիս նոր տեսանկյունից նայել 20-րդ դարասկզբի ողբերգությանը: Այս մասին Երևանում կայացած «Ցեղասպանության վերաիմաստավորումը 21-րդ դարում» քննարկման ժամանակ հայտարարեց ՀՀ ԳԱԱ Արևելագիտության ինստիտուտի գլխավոր գիտաշխատող Ռուբեն Սաֆրաստյանը։
Զիջողական քաղաքականությանը նաև չափազանցված զգուշավորություն միախառնելով պարզապես մեր իրավունքները կկորցնենք և և Հայաստանի անկախությունը կնսեմացնենք: Այս մասին իր ապրիլի 24-ի ուղերձում նշել է Մեծի Տանն Կիլիկիո կաթողիկոս Արամ Ա-ն:
Հաջորդ տարվանից հայագիտությունը կներդրվի Մոսկվայի Մ․Վ․ Լոմոնոսովի անվան պետական համալսարանի Ասիայի և Աֆրիկայի երկրների ինստիտուտում: Այս մասին Ասիայի և Աֆրիկայի երկրների ինստիտուտի տնօրեն Ալեքսանդր Մասլովը հայտնել է Ռուսաստանի հայերի միության «Հիշողություն և նախազգուշացում» համաժողովի ժամանակ։
Հայաստանում ԵՄ–ի դիտորդական առաքելությունն X-ի իր էջում խմբագրել է Հայոց ցեղասպանության 110-րդ տարելիցի վերաբերյալ այն գրառումը, որը «Ցեղասպանություն» բառն էր պարունակում։ Գրառման նոր տարբերակում բացակայում է «Ցեղասպանություն» եզրույթը, իսկ փոխարենը նշվում է, որ առաքելությունը հարգանքի տուրք է մատուցել 1915-23 թվականների հայ զոհերի հիշատակին։