Հայաստանն ու Ադրբեջանը լիովին համաձայնեցրել են խաղաղության պայմանագրի նախագծի 16 հոդվածներից 13-ը։ Այս մասին հայտարարեց ՀՀ ԱԳ նախարար Արարատ Միրզոյանը` Լյուքսեմբուրգի Մեծ Դքսության փոխվարչապետ, ԱԳ և արտաքին առևտրի նախարար Քսավյե Բետելի հետ ճեպազրույղցում։
Հայաստան է ժամանել Եվրոպական հանձնաժողովի փոխնախագահ Մարգարիտիս Սխինասը։ Այս մասին X-ի իր միկրոբլոգում հայտնել է Հայաստանում ԵՄ պատվիրակության ղեկավար, դեսպան Վասիլիս Մարագոսը։ «Ուրախ եմ ողջունել Եվրոպական հանձնաժողովի փոխնախագահ Մարգարիտիս Սխինասին Հայաստանում` Հայաստանի նախագահ Վահագն Խաչատուրյանի, վարչապետ Նիկոլ Փաշինյանի և ԱԳ նախարար Արարատ Միրզոյանի հետ բանակցությունների համար՝ Հայաստան-Եվրամիություն գործընկերությունն ամրապնդելու և վիզային ռեժիմի ազատականացման շուրջ երկխոսություն սկսելու նպատակով»,- նշել է դեսպանը։
Մերձավոր Արևելքը գտնվում է մեծ տարածաշրջանային պատերազմի շեմին, Ռուսաստանը աշխատում է բոլոր կողմերի հետ, որպեսզի դա տեղի չունենա: Այս մասին հայտարարել է ՌԴ ԱԳ նախարար Սերգեյ Լավրովը՝ ելույթ ունենալով Ռուսաստան- Պարսից Ծոցի արաբական երկրների համագործակցության խորհրդի ռազմավարական երկխոսության նիստում։
Թուրքիան, ուկրաինական հակամարտության խաղաղ կարգավորման շուրջ բանակցություններ վարելու միջնորդությունը կարող է փոխանցել ադրբեջանական կողմին, РИА Новости-ի փոխանցմամբ, այս մասին հայտնել է թուրք վերլուծաբան Էնգին Օզերը։ Մոսկվան և Կիևը, ըստ նրա, չեն առարկի:
Խորհրդարանական մեծամասնությունը, ըստ երևույթին, որոշել է հասարակության ուշադրությունը շեղել իրական թշնամիներից՝ մարդկանց գիտակցության մեջ ձևավորելով նոր թշնամու կերպար: Եվ այդ թշնամին, դատելով ամեն ինչից, «Քաղաքացիական պայմանագիրը» որոշել է նշանակել Արցախի քաղաքական էլիտային:
ՀՀ ազգային ժողովի «Հայաստան» խմբակցությունը շուտով կներկայացնի քննիչ հանձնաժողով ստեղծելու որոշման նախագիծ` Արցախի ժողովրդի սոցիալ–տնտեսական իրավունքների իրացմանն ուղղված կոնկրետ գործողություններ իրականացնելու, ուսումնասիրելու և առաջարկներ ներկայացնելու հնարավորությամբ։ Այս մասին ԱԺ–ում հայտարարեց «Հայաստան» խմբակցության քարտուղար Արծվիկ Մինասյանը։
Հայ–իրանական հարաբերություններն ու տարածաշրջանային իրավիճակին առնչվող հարցեր են քննարկել հայաստանում ԻԻՀ դեսպան Մեհդի Սոբհանին և ՀՀ Անվտանգության խորհրդի քարտուղար Արմեն Գրիգորյանը։ Աս մասին տեղեկանում ենք X սոցցանցում դեսպանատան էջում հրապարակված հաղորդագրությունից։
Հայաստանում միջուկային էներգիայի արտադրության ժամանակակից աղբյուրի կառուցմանը միտված ուսումնասիրություններն արդեն սկսվել են։ Աշխատանքները, որոնց արդյունքների ամփոփման առավելագույն ժամկետը 2025 թվականի գարունն է, հայ գործընկերների հետ համագործակցությամբ իրականացնում են ամերիկյան հեղինակավոր ընկերություններից մեկի մասնագետները, գրում է «Արմենպրես»-ը։
Սիրիան հրթիռակոծվել է Իսրայելի կողմից, կան զոհեր և վիրավորներ։ Այս մասին հայտնում է SANA սիրիական գործակալությունը։
ՀՀ–ում արտագաղթն ավելանում է, ծնելիությունը գործակիցը նվազում, այդ առումով վիճակն աղետալի է, երկիրը լուրջ մարտահրավերների առջև է կանգնած։ Sputnik Արմենիայի հետ զրույցում նման տեսակետ հայտնեց Աուդիտորների պալատի նախագահ Նաիրի Սարգսյանը։