Ռուսաստանի հայերի միությունը դատապարտել է իշխանությունների և ուժայինների գործողությունները ՀԱԵ-ի նկատմամբ՝ հայտարարելով, որ նման խայտառակություն հայ ժողովրդի պատմության մեջ դեռ չի եղել։
Տեղեկացնում եմ, որ քիչ առաջ Արարատի մարզային ոստիկանությունից զանգահարել էին ՀՅԴ Արտաշատի «Դուման» կոմիտեության ներկայացուցիչ Հայկ Զաքարյանին՝ հրավիրելով ոստիականություն։ Այս մասին Facebook-ի իր էջում գրել է ՀՅԴ-ական Գերասիմ Վարդանյանը:
2025 թվականի հունիսի 25-ին Հայաստանում իրականացված մասսայական ձերբակալությունների արդյունքում կալանավորվել է նաև Արցախի Հանրապետության Ազգային ժողովի պատգամավոր, «Արդարություն» խմբակցության ղեկավար Դավիթ Գալստյանը։ ՀՀ դատարանի որոշմամբ վերջինիս նկատմամբ կիրառվել է երկամսյա կալանք, ինչի հետևանքով նա այս պահին գտնվում է անազատության մեջ։ Այս մասին հայտարարություն է տարածել Արցախի ԱԺ-ն:
ՀՀ քաղաքացիների գրեթե 80%-ը բացասական է գնահատել «Տաշիր» ընկերությունների խմբի ղեկավար Սամվել Կարապետյանի երկամսյա կալանքը՝ ՀՀ իշխանությունների՝ եկեղեցու դեմ նրա հայտարարություններից հետո։ Այս մասին են վկայում MPG/Gallup International Association-ի կողմից հունիսի 23-ից 25-ը Հայաստանում անցկացված հարցման տվյալները, որին մասնակցել է 1000 հարցված։ Դրանք հայտարարվել են MPG-ի մամուլի ասուլիսում, որը հեռարձակել է Armenia Today-ը։
Աշխարհը հասկացել է, որ Իրանի հետ չի կարելի սպառնալիքի լեզվով խոսել, որ Իրանին և իրանցիներին չի կարելի սպառնալ։ Այս մասին այսօր՝ հունիսի 27-ին, մամուլի ասուլիսում հայտարարեց Հայաստանում Իրանի դեսպան Մեհդի Սոբհանին։
«Ապրելու երկիր» կուսակցությունը խստորեն դատապարտում է Մայր Աթոռ Սուրբ Էջմիածնի տարածքում իրավապահ մարմինների կատարած «գործողությունները», որոնք իրականացվում են բացառապես Նիկոլ Փաշինյանի քաղաքական հրահանգով։ Այս մասին հայտարարություն է տարածել Կուսակցությունը:
ՀՀ քննչական կոմիտեի հատկապես կարևոր գործերով քննության գլխավոր վարչությունում քննվող քրեական վարույթի նախաքննության ընթացքում որոշում է կայացվել ՀԱԵ Շիրակի թեմի առաջնորդ Միքայել արքեպիսկոպոս Աջապահյանի (Գևորգ Արտաշեսի Աջապահյան) նկատմամբ հանրային քրեական հետապնդում հարուցելու մասին այն բանի համար, որ նա զանգվածային լրատվամիջոցների, տեղեկատվական և հաղորդակցական տեխնոլոգիաների օգտագործմամբ, իշխանությունը զավթելուն և սահմանադրական կարգը բռնի տապալելուն ուղղված հրապարակային կոչեր է կատարել:
Սիրելի հավատացյալներ‚ ելնելով ստեղծված իրավիճակից՝ հորդորում ենք գնալ Մայր Աթոռ Սուրբ Էջմիածին և նեցուկ լինել Մայր Եկեղեցուն։ Այս մասին հայտարարություն է տարածել Երևանի Սբ. Գրիգոր Լուսավորիչ Մայր Եկեղեցին։
Ոստիկանները խուզարկում են դեպի Մայր Աթոռ մեկնող մեքենաները։ Այս մասին հայտնում է «Ազգային Ճակատ» տելեգրամյան ալիքը։
Երեկ ինձ թվում էր, որ իշխանությունն իր հրոսակախմբերին է կազմակերպված ուղարկելու, բայց ես ենթադրում եմ, որ մեր ներկայությունը զսպող դեր ունեցավ և իրենք հասկացան, որ հրոսակախմբերով Վեհարան գրավելու իրենց փորձը հաջողություն չի ունենալու, ուստի այսօր տեսնում եք, որ այստեղ հարյուրավոր, եթե ոչ հազարից ավելի ոստիկանական ուժ է կենտրոնացած։ Այս մասին այսօր՝ հունիսի 27–ին, Մայր Աթոռի դիմաց NEWS.am–ի հետ զրույցում նշեց «Հայաքվե» ազգային–քաղաքացիական միավորման հիմնադիրներից Ավետիք Չալաբյանը։