Մարտի 11-ին չարագործները քարեր են նետել Գյումրի-Երևան երթուղով ընթացող «Հարավկովկասյան երկաթուղի» ընկերության էլեկտրագնացքի վրա ՝ ընկերությանը պատճառելով նյութական վնաս:
Ես իրավիճակից դուրս գալու հնարավորություն դեռևս տեսնում եմ և դա առաջին հերթին պետք է սկսվի Արցախից, ֆեյսբուքյան էջում գրել է Աժ պատգամավոր Տիգրան Աբրահամյանը՝ անդրադառնալով Արցախի շրջափակման թեմային։
Մարտի 11-ին ՝ ժամը 10:30-ի սահմաններում, Էջմիածին-Մասիս հատվածում «Հարավկովկասյան երկաթուղի» ընկերության Գյումրի-Երևան էլեկտրագնացքի և «Վոլկսվագեն»մակնիշի ավտոմեքենայի մասնակցությամբ տեղի է ունեցել ճանապարհատրանսպորտային պատահար: Միջադեպի հետևանքով էլեկտրագնացքը ժամանակացույցով ուշացել է 1 ժամ 15 րոպե։
Հայաստանն ու Արցախն այս ռեգիոնում գոյատևելու հնարավորությունը կվերականգնեն մեկ դեպքում, եթե փաշինյանական ռեժիմը պարզապես չլինի, նման դիտարկում է արել ԱԺ «Պատիվ ունեմ» խմբակցության քարտուղար Տիգրան Աբրահամյանը:
«Ժողովուրդ» օրաթերթի տեղեկությունների համաձայն՝ օղակը ՀՀ առողջապահության նախկին նախարար, այժմ ԱԺ ՔՊ խմբակցության պատգամավոր Արսեն Թորոսյանի շուրջ սեղմվում է: Չի բացառվում, որ Թորոսյանն առաջիկայում ձերբակալվի:
«Հրապարակ» թերթը գրում է. «Նախօրեին տեղի է ունեցել Նիկոլ Փաշինյանի և Արցախի նախագահ Արայիկ Հարությունյանի հանդիպումը: Արայիկ Հարությունյանը մերձավորներին պատմել է, թե ինչ ծանր հանդիպում է եղել Փաշինյանի հետ, վերջինս կրկնել է պաշտոնական Բաքվի տեսակետը, որ, իր կարծիքով, Արցախը պետք է ինտեգրվի Ադրբեջանին, արցախցիները պետք է լեզու գտնեն ադրբեջանցիների հետ, ապրեն, որովհետև այլընտրանք չկա կամ կա` պատերազմի և 120 հազար արցախցու բնաջնջման տեսքով։ Եվ հուսադրել է, թե միջազգային հանրությունը խոստացել է Ադրբեջանի կազմում որոշակի կարգավիճակի, ինքնավարության ապահովում։ Արայիկ Հարությունյանը ծանր տրամադրությամբ և տպավորություններով է վերադարձել Արցախ ու նեղ շրջապատում ասել է, որ ինքն այլևս չի ուզում մնալ նախագահի պաշտոնում։
Ինչպես ասում էին հին լատինացիները, ժամանակները փոխվում են, մենք էլ փոխվում ենք նրանց հետ: Կար ժամանակ, երբ ներկա վարչապետի հոգին փառավորվում էր Երևանի կենտրոնում տեղի ունեցող բռնություններից։ Կար ժամանակ, երբ նա նստած էր բանտում։ Կար ժամանակ, երբ արդեն վարչապետի կարգավիճակում չէր վախենում սովորական մարդկանց միջավայրում լինելուց, մասնակցում էր շաբաթօրյակների և անձամբ մաքրում մայթերը ծխախոտի քնթուկներից։
ՀԱՊԿ քարտուղարի տեղակալի քվոտայից հրաժարվելով՝ ՀՀ-ն արտահայտում է ՀԱՊԿ քաղաքական գծի վերաբերյալ իր վերաբերմունքը: Այս մասիր իր ֆեյսբուքյան էջում գրել է «Պատիվ ունեմ» խմբակցության քարտուղար Տիգրան Աբրահամյանը։
«Ժողովուրդ» թերթը գրում է. «Հայաստանը լրտեսական ծրագրեր կիրառող երկրների շարքում է: Հայաստանի կառավարությունն իր ընդդիմախոսներին հետևելու համար լրտեսող ծրագրեր է կիրառել: Այս մասին վկայում է նաև Freedom House միջազգային իրավապաշտպան կազմակերպության կողմից երեկ հրապարակված «Ազատությունն աշխարհում 2023» տարեկան զեկույցը:
«Հրապարակ» թերթը գրում է. «Արցախի ԱԺ բոլոր խմբակցությունները մարտի 8-ին Արցախի պետնախարար Գուրգեն Ներսիսյանին հրավիրել էին խորհրդարան` իր արտահայտությունների համար բացատրություններ տալու։ Պետնախարարը մասնավորապես ասել էր․ «Ես որևէ կերպ չեմ պատկերացնում, որ երևանյան և ստեփանակերտյան դիրքորոշումների միջև կարող են տարբերություններ լինել, հակառակը՝ Երևանը, երբ հարցը վերաբերում է արցախյան խնդրին, առավելապես հենվում է արցախյան իշխանությունների դիրքորոշման և կարծիքի վրա, որն ամբողջությամբ արտացոլում է Արցախի ժողովրդի նպատակները»։