Գիտեք, ես արդեն վաղուց զգում եմ ինձ ինչպես կրկեսային ծեր ձին մանեժում. ներկայացումը կարծես թե նոր է, բայց այդ թմբիկների շուրջ պարել եմ արդեն այնքան անգամներ, որ սմբակներս նվվում են։ Ընդ որում դեկորացիաները նույնն են, իսկ պարել ամեն անգամ պետք է նորովի. այ թե որն է մեր կրկեսային խնդիրը։ Դե, փորձենք…
Եվ այսպես, ավարտվեց Փաշինյանի այցը ԱՄՆ, ինչը հարկատուների վրա նստեց ավելի քան 340 հազար դոլար։ Փողերն իզուր չեն ծախսվել։ Վարչապետի անդրօվկիանոսյան հայտարարություններից մենք իմացանք հետևյալ նորությունները. որոշ եկեղեցականներ պետք է ծնկի գան նոր իշխանության առջև, մամուլը ցանկանում է ջարդել նոր իշխանության ողնաշարը, Արթուր Վանեցյանը պետք է աղբանոց նետի իր ուսադիրները, որովհետև համարձակվեց քննադատել նոր իշխանությանը ի դեմս իրեն՝ Փաշինյանի, Գերագույն հրամանատարի, և վերջին անգամ այդպես իրենց պահել են պուտչիստները Ռուսաստանում 1991 թվականին…
«Սա առաջին զոհն է, այն վարչապետի, գլխավոր դատախազի և Հատուկ քննչական ծառայության պետի խղճին է»,- հայտարարեց «Ազգային անվտանգություն» կուսակցության առաջնորդ Գառնիկ ԻՍԱԳՈՒԼՅԱՆԸ, մեկնաբանելով 64-ամյա գեներալ-գնդապետ Հայկ Հարությունյանի ինքնասպանությունը։
Հայաստանի նորագույն պատմության սկիզբը համարվում է արդեն հեռավոր թվացող 88-ի շարժումը։ Այդ նույն պատմության ամենաբեկումնային պահը կարող է դառնալ այսօրվա 88-ի անշարժությունը։ Խոսքը ԱԺ «Իմ քայլի» մեծամասնության, 88 հոգանոց ֆրակցիայի մասին է։ Այն, հիմնականում կազմված լինելով պարկեշտ, սկզբունքային և անփորձ դեմքերից ունի, բոլոր հնարավորությունները՝ դառնալու երկրին զարգացման նոր տեմպ տվող խումբ, մյուս կողմից՝ կա իրական հնարավորություն՝ դառնալու պետությանը մեծագույն վնաս պատճառած քաղաքական միավորը։
«Այսօր ողջ աշխարհը Հայաստանին համարում է ժողովրդավարության հույս, վերցրել շատերի կարծիքով անկում ապրող ժողովրդավարության դրոշը»,- հայտարարեց վարչապետ Փաշինյանը Լոս Անջելեսում հանրահավաքի ժամանակ։ Ողջ աշխարհի վերաբերյալ դժվար է ասել, բայց այ Մեծ Բրիտանիայի Գերագույն դատարանի կողմից «նոկաուտի» ենթարկված Բորիս Ջոնսոնի համար եթե անգամ մնացել է մի ինչ-որ հույս, ապա դա միայն հետհեղափոխական թորվածքի հայկական ժողովրդավարության փորձն է։
Ծանոթանալով ՄԱԿ-ում վարչապետ Նիկոլ Փաշինյանի ելույթին՝ ՀՀԿ փոխնախագահ Արմեն Աշոտյանը Facebook-ի իր էջում մի քանի արձանագրումներ է արել:
«Կարծում եմ՝ ՌԴ նախագահ Վլադիմիր Պուտինի այցը Հայաստան լինելու է բավականին սառը: Եկեք նաև հաշվի առնենք, որ Պուտինը չի գալիս Հայաստանի Հանրապետություն, այլ գալիս է ԵԱՏՄ Բարձրագույն խորհրդի նիստին: Այսինքն՝ օրակարգը ԵԱՏՄ-ն է, և հյուրընկալող կողմը պետք է իր օրակարգը ներկայացնի երկկողմ, որպեսզի պարզ դառնա՝ կլինի՞ երկկողմ բովանդակություն, թե՞ ոչ: Կարևորն այն է, որ հայկական կողմը հստակ օրակարգ ձևավորի»,- այս մասին «168 Ժամի» հետ զրույցում ասել է ռուսական «Ռեգնում» լրատվական գործակալության գլխավոր խմբագիր Մոդեստ Կոլերովը՝ անդրադառնալով ՌԴ նախագահ Վլադիմիր Պուտինի ՀՀ կատարելիք այցի օրակարգին: Նա առաջարկում է հայկական երկկողմ օրակարգը ճշտել ՀՀ իշխանություններից, պարզել, թե ինչպիսի՞ փաստաթղթեր են այդ մասով ներկայացնում ռուսական կողմին, ինչպիսի՞ օրակարգ են տեսնում երկկողմ հանդիպման համար, ի՞նչ հարցեր են կարևորում, ինչպե՞ս են աշխատում երկկողմ հարաբերությունների ուղղությամբ:
ԱԺ-ն չէ այն կառույցը, որը որոշելու է Հրայր Թովմասյանի պաշտոնանկության հարցը: «Արմնյուզ» ՀԸ «Օրախնդիր» հաղորդմանը նման կարծիք է հայտնել ՀՀ ԱԺ «Լուսավոր Հայաստան» խմբակցության քարտուղար Գևորգ Գորգիսյանը:
Նիկոլ Փաշինյանի ժամանակների սաստիկ թավշե սեզոնն իրեն զգացնել է տալիս ողջ շուքով. սեպտեմբերի 23-ին ինքնասպանություն գործեց ՀՀ նախկին ոստիկանապետ գեներալ-գնդապետ Հայկ Հարությունյանը, որը գլխավորել է այդ գերատեսչությունը 2008 թվականի մարտի 1-ի իրադարձությունների ժամանակ։
ՀՀ վարչապետի մամլո ասուլիսը Լոս Անջելեսում արդեն առաջ է բերել բազմաթիվ մեկնաբանություններ և գնահատականներ։ Անավարտ նախադասությունների առատություն, ցատկեր թեմայից թեմա, մտածողության խառնաշփոթ, մերկախոսություն, փաստարկների համոզչության բացակայություն, պարզ ճշմարտությունների չիմացություն և այլն. այս ամենը, անկասկած, բնորոշում է Նիկոլ Փաշինյանի անձը, ինչպեսև այն, թե որքանով է համապատասխանում իր զբաղեցրած բարձր և պատասխանատու պաշտոնին։ Սակայն փորձենք շեղվել բովանդակությունից և ուշադրություն դարձնել, այսպես ասած՝ ձևին։ Նրանց, ովքեր նստած էին Նիկոլ Փաշինյանից աջ և ձախ։