Չինաստանի ֆինանսների նախարարությունը հայտարարել է ԱՄՆ-ից ներմուծվող բոլոր ապրանքների համար մաքսատուրքերի բարձրացման մասին՝ դրանք հասցնելով 84%-ի, հայտնում են BBC-ն և Bloomberg-ը:
Ե՛վ ՀՀ քաղաքացիները, և՛ ԼՂ-ից բռնի տեղահանված հայրենակիցներն այսուհետ կարող են աշխատանքի և սոցիալական պաշտպանության ոլորտում իրականացվող ծրագրերի վերաբերյալ արագ ու հասցեական տեղեկատվություն ստանալ ինքնաշխատ եղանակով՝ ԱՍՀ նախարարության Տելեգրամ ալիքում գործարկված 114 տեղեկատուի միջոցով։
2025 թվականի հունիսի 30-ից Ռուսաստան մուտք գործելու կանոնների փոփոխությունը չի ենթադրում ԵԱՏՄ երկրների հետ քողարկված վիզային ռեժիմի սահմանում։ Այս մասին ճեպազրույցի ժամանակ հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։
Կապանում ՌԴ գլխավոր հյուպատոսություն բացելու հարցում բազմաթիվ առումներով հստակություն կա։ Ակնկալվում է, որ մինչև մայիս կոնկրետ պայմանավորվածություններ կլինեն գլխավոր հյուպատոսության բացման ժամկետների շուրջ։ Այս մասին ճեպազրույցի ժամանակ հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։
Ռուսաստանը Հայաստանին և Ադրբեջանին կոչ է անում զսպվածություն ցուցաբերել, քայլեր ձեռնարկել լարվածության թուլացման ուղղությամբ, խուսափել իրավիճակի սրմանն ուղղված ցանկացած գործողությունից: Այս մասին ճեպազրույցի ժամանակ հայտարարեց ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով սահմանին տիրող իրավիճակի մասին երկու երկրների պաշտպանության նախարարության հայտարարությունները։
ՀՀ արտաքին գործերի նախարար Արարատ Միրզոյանը կմասնակցի Անթալիայի դիվանագիտական ֆորումին: Տեղեկությունը հայտնում է ՀՀ ԱԳՆ մամուլի ծառայությունը։
Ռուսաստանի և ԱՄՆ-ի պատվիրակությունների խորհրդակցությունների երկրորդ փուլը տեղի կունենա ապրիլի 10-ին Ստամբուլում՝ ՌԴ գլխավոր հյուպատոսությունում։ «Արմենպրես»-ի փոխանցմամբ՝ այդ մասին ՏԱՍՍ-ին հայտնել են Ռուսաստանի դիվանագիտական ներկայացուցչությունում։
ԵԱՏՄ ընդհանուր էլեկտրաէներգետիկ շուկայի գործարկումը ամբողջական ձևաչափով նախատեսվում է 2027 թվականի հունվարի 1-ից։ «Իզվեստիա» թերթին այս մասին հայտնել է ՌԴ փոխվարչապետ Ալեքսեյ Օվերչուկը։
ՀՀ ՊՆ N զորամասի զինծառայողներից մեկը վնասվածք է ստացել ականի պայթյունից։ Տեղեկությունը Sputnik Արմենիային հայտնեց ՀՀ պաշտպանության նախարարի մամուլի խոսնակ Արամ Թորոսյանը։
ԱՄՆ օկրուգային դատավոր Թրևոր Մաքֆադենը հրամայել է Թրամփի վարչակազմին դատավարության ընթացքում վերականգնել Associated Press-ի լրագրողների մուտքը Սպիտակ տուն, որոնց արգելել են մուտք գործել մամուլի ծառայություն, քանի որ նրանք հրաժարվել են Մեքսիկական ծոցն անվանել Ամերիկյան ծոց դրա վերանվանումից հետո: