Աշխարհահռչակ հայ գործարար Նուբար Աֆեյանը հայտարարել է, որ իրական խաղաղությունը Հայաստանի և Ադրբեջանի միջև անհնար է առանց արդարության հաղթանակի, մասնավորապես՝ առանց բոլոր հայ գերիների, այդ թվում՝ իր ընկերոջ՝ Ռուբեն Վարդանյանի ազատման:

«Սա ԻՐՈՔ ԿԱՐԵՎՈՐ իրադարձություն է։ ԱՄՆ նախագահի ազգային անվտանգության հարցերով խորհրդական Մայք Ուոլցը ոչ միայն ընդգծեց նախագահի հավատարմությունը Կովկասում խաղաղությանը և խաղաղության պայմանագիր ստորագրելու անհրաժեշտությունը, այլ նաև, որ Ադրբեջանում հայ, քրիստոնյա քաղբանտարկյալները, այդ թվում՝ իմ պաշտպանյալ Ռուբեն Վարդանյանը, նույնպես պետք է ազատ արձակվեն»,- X-ում գրել է Ռուբեն Վարդանյանի միջազգային փաստաբան Ջարեդ Գենսերը։

Եմենի հութիների «Անսար Ալլահ» շարժման ռազմական ներկայացուցիչ Յահյա Սարին հայտարարել է, որ իրենց ուժերը ամերիկյան ավիակիր Harry S. Truman-ը ոչնչացնելու «որակյալ գործողություն» են իրականացրել, հայտնում է Al Jazeera-ն։

ԱՄՆ-ն կշարունակի հարձակվել Եմենի հութիների վրա, քանի դեռ նրանք չեն դադարեցրել նավերի վրա հարձակումները, կիրակի օրը հայտարարել է Պենտագոնի ղեկավար Փիթ Հեգսեթը։

Թուրքիայի ԱԳՆ-ն հանդես է եկել Ղրիմի վերաբերյալ ուկրաինամետ հայտարարությամբ։ «Տասնմեկ տարի առաջ անցկացված անօրինական հանրաքվեից հետո Ռուսաստանի Դաշնության կողմից Ուկրաինայի Ինքնավար Հանրապետության բռնակցման տարեդարձի օրը՝ այսօր (մարտի 16), մենք կրկնում ենք, որ Թուրքիան չի ճանաչում Ղրիմի փաստացի իրավիճակը, ինչը միջազգային իրավունքի խախտում է, և որ մենք պաշտպանում ենք Ուկրաինայի տարածքային ամբողջականությունն ու ինքնիշխանությունը։

Հարավային Կովկասում հակամարտությունը պետք է ավարտվի։ Այս շաբաթ ես զրուցել եմ Ադրբեջանի նախագահ Ալիևի ազգային անվտանգության հարցերով խորհրդական Հիքմեթ Հաջիևի հետ: Այս մասին X սոցիալական ցանցում գրել է ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը։

Ադրբեջանի պաշտպանության նախարարությունը շարունակում է ապատեղեկատվություն տարածել, հայտնում է ՀՀ ՊՆ–ն։ Քիչ առաջ ՀՀ պաշտպանական գերատեսչությունը օրվա մեջ 3–րդ անգամ հերքեց Ադրբեջանի ՊՆ տարածած լուրը։

Կիրակի գիշերը խոշոր հրդեհ է բռնկվել Հյուսիսային Մակեդոնիայի Քոչանի քաղաքի դիսկոտեկում։ Ողբերգական միջադեպի հետևանքով զոհվել է 51 մարդ, հոսպիտալացվել է ավելի քան 100-ը:

Կողմերի միջև ուկրաինական կարգավորման հարցում դիրքորոշումների տարբերությունները նվազում են, Մոսկվայում Ռուսաստանի առաջնորդ Վլադիմիր Պուտինի հետ շփումները դրական են եղել։ Այս մասին հայտարարել է ԱՄՆ նախագահի հատուկ բանագնաց Սթիվ Ուիտկոֆը CNN հեռուստաալիքի եթերում։