ՀՀ երկրորդ նախագահ Ռոբերտ Քոչարյանը և ՀՀ երրորդ նախագահ Սերժ Սարգսյանը ցավակցություն են հայտնել իրավապաշտպան, հասարակական գործիչ, «Ղարաբաղ» կոմիտեի անդամ Ավետիք Իշխանյանի մահվան կապակցությամբ։

ՌԴ արտգործնախարար Սերգեյ Լավրովն ու ԱՄՆ պետքարտուղար Մարկո Ռուբիոն հեռախոսազրույց են ունեցել։ Տեղեկությունը հայտնում է ՌԴ ԱԳՆ–ն։

Վրացական ընդդիմադիր «Մթավարի արխի» հեռուստաընկերությունը դադարեցրել է լուրերի հեռարձակումը ֆինանսական ճգնաժամի պատճառով։ Այս մասին հայտնում է Sputnik Գրուզիան՝ հղում անելով հեռուստաալիքին:

Սրանք տարիներով խոսում էին, որ Սյունիքի «միջանցք» գոյություն չունի, այդպիսի երևույթ չկա, չի կարող լինել, իսկ այսօր բացահայտ խոսում են այն հանձնելու մասին: Այս մասին այսօր՝ փետրվարի 15-ին, տեսաուղերձի ժամանակ ասաց «Սրբազան պայքար»-ի առաջնորդ Բագրատ արքեպիսկոպոս Գալստանյանը:

Թուրքիայի իշխանությունները շաբաթ պաշտոնանկ են արել նահանգի մեկ այլ ընտրված քրդամետ քաղաքապետի՝ ահաբեկչության մեղադրանքով, և նրա փոխարեն նշանակել են պետական ​​պաշտոնյայի, հայտնել է Reuters-ը՝ հղում կատարելով Թուրքիայի ՆԳՆ-ին։

Նյու Յորքի դաշնային դատախազները միջնորդություն են ներկայացրել Նյու Յորքի քաղաքապետ Էրիկ Ադամսի դեմ կոռուպցիոն մեղադրանքները վերացնելու համար՝ վերջ դնելով մի քանի օր տևած պայքարին, որի ժամանակ արդարադատության նախարարությունը որոշել էր կարճել գործը, հայտնել է CBS News-ը։

Ուկրաինայի նախագահ Վլադիմիր Զելենսկին շաբաթ ասել է, որ եկել է «եվրոպական զինված ուժեր» ստեղծելու ժամանակը, և որ իր երկրի պայքարը Ռուսաստանի դեմ ապացուցել է, որ դրա հիմքն արդեն գոյություն ունի, տեղեկացրել է Associated Press-ը։

Էլեկտրամոբիլ անմաքս ներկրելու համար 2025թ–ին քաղաքացիներին հատկացված 5000 հատ քվոտայի 81․3 տոկոսն իրացվել է․ այս տարի արդեն Հայաստան է ներկրվել է 4067 մեքենա։ Այս մասին տեղեկացնում է Պետական եկամուտների կոմիտեի մամուլի ծառայությունը։

Գերմանիայի կանցլեր Օլաֆ Շոլցը դատապարտել է ԱՄՆ նախագահ Դոնալդ Թրամփին առանց Եվրոպայի մասնակցության Ռուսաստանի հետ բանակցությունների նախապատրաստվելու համար և հայտարարել նույնիսկ խաղաղություն կնքելուց հետո Ուկրաինան զինելու անհրաժեշտության մասին: