Երևանի քաղաքապետ Տիգրան Ավինյանը նոր առանձնատուն է գնել Նորքում: Բուն գործարքի թիվը, իհարկե, գաղտնի է պահվում, բայց առանձնատունը վաճառվում էր 650 հազար դոլարով»,-այս մասին գրում է Oragir.News-ն ու հավելում, որ նոր առանձնատունը Ավինյանի մոր անունով է:

Մեծի տանն Կիլիկիո կաթողիկոսությունից տեղեկացնում են, որ Ն.Ս.Օ.Տ.Տ. Արամ Ա կաթողիկոսը ՀՅԴ պատվիրակության հետ է հանդիպել, քննարկված թեմաներից են եղել Հայաստանում ստեղծված իրավիճակը, Հայաստան-Սփյուռք հարաբերությունները, ցեղասպանության վերաբերյալ Նիկոլ Փաշինյանի հնչեցրած հայտարարության բացասական հետևանքները։

Հայաստանում ԱՄՆ Միջազգային զարգացման գործակալության՝ մարդասիրական օգնություն տրամադրող ծրագրերը այս պահին դադարեցված չեն։ Այս մասին NEWS.am-ի հարցմանն ի պատասխան հայտնել են ԱՄՆ Միջազգային Զարգացման Գործակալության (USAID) հայաստանյան առաքելությունից։

Ազգային Ժողովի «Հայաստան» խմբակցության պատգամավոր Արմեն Ռուստամյանը ուշադրություն է հրավիրում այն հանգամանքի վրա, որ ԱՄՆ Պետդեպի՝ օրեր առաջ «Ազատություն» ռադիոկայանի ռեպորտաժում հրապարակված փաստաթղթերը վերաբերում են հայ–ադրբեջանական բանակցությունների առաջին փուլին և փաստաթղթերից պարզ չէ թե հայկական կողմն ինչ է պատասխանել ադրբեջանական կողմի առաջարկին։

Ռուսաստանը կշարունակի Սիրիայի հետ բանակցությունները շատ հարցերի, այդ թվում՝ Տարտուսի ռազմակայանի ճակատագրի շուրջ։ «Արմենպրես»-ի փոխանցմամբ՝ այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Իրանը պատրաստ է աջակցել Հայաստանի և Ադրբեջանի միջև երկխոսությանը, ճեպազրույցի ժամանակ ասել է Իրանի ԱԳՆ պաշտոնական ներկայացուցիչ Իսմայիլ Բաղային:

Անօրինական ներգաղթյալների զանգվածային արտաքսման դեմ բողոքի ակցիաներ են անցկացվել ԱՄՆ–ի մի շարք քաղաքներում: Լոս Անջելեսում տեղի ունեցած ամենազանգվածային ակցիային հազարավոր մարդիկ են մասնակցել։ Տեղեկությունը հայտնում է տեղական KTLA հեռուստաալիքը։  

«Արբատ» գումարտակի հիմնադիր և ԴԺՀ բռնցքամարտի ֆեդերացիայի նախագահ Արմեն Սարգսյանը մահացել է վերակենդանացման բաժանմունքում։ Տեղեկությունը հայտնում են ռուսական տելեգրամյան ալիքները։

ԱՄՆ ՄԶԳ-ի (USAID) Վաշինգտոնում գտնվող կենտրոնակայանը փակվել է ամերիկյան վարչակազմի որոշմամբ, շենքից ցուցանակը հանվել է։ Այս մասին հայտնում է Fox News հեռուստաալիքը։