Էվերեստը մեր մոլորակի ամենաբարձր գագաթն է (8848,86 մետր), բայց նույնիսկ նման արտակարգ պայմաններում կենդանի օրգանիզմներ կարող են ապրել։ Հետազոտողների միջազգային թիմը՝ Wildlife Conservation Society-ի և Appalachian State University-ի (ԱՄՆ) գլխավորությամբ, առաջին անգամ առավել ամբողջական նկարագրել է «աշխարհի տանիքի» կենսաբազմազանությունը, գրում է Naked-Science-ը։

Արվեստի վաստակավոր գործիչ, Հայաստանի պետական մրցանակի դափնեկիր Վարդան Աճեմյանը 42-ամյա դադարից հետո գրել է «Սուրբ Տրդատ» օպերան: Խոստովանում է` այդ աշխատանքն իրեն օգնել է հաղթահարել կյանքի դժվար շրջանը։

Արևելահայերեն ու արևմտահայերեն երգերի գեղեցիկ կատարումներով երաժշտասերներին ծանոթ ստամբուլահայ երգչուհի Սիպիլը և երկար տարիներ Սև ծովի արևելյան շրջանների երաժշտությունն ուսումնասիրող համշենցի երգչուհի Այշենուր Քոլիվարը ներկայացել են «Լուսի հատիկ» երգով։  

Առաջին անգամ Սյունիքի գեղատեսիլ լեռներով շրջապատված «Տաթևեր» ճոպանուղու հարթակում երաժշտական փառատոն անցկացվեց: Երկու օրվա ընթացքում՝ հուլիսի 15-ին և 16-ին, Tatev Midsummer Music Fest-ում ելույթ ունեցան Հայաստանի լավագույն ռոք-բենդերը՝ «Բամբիռը», «Կաթիլ բենդը», «Լավ էլին», «Նեմրան»։ Իսկ գիշերը հյուրերին զբաղեցնում էին դիջեյները, որոնց թվում էին Hayk Karoyi, daao, Tommy Finger Jr և այլն։

Ստեփանակերտի Մշակույթի և երիտասարդության պալատում հուլիսի 5-ին և 6-ին «Լոռի-Արցախ բարեկամության կամուրջներ» միջոցառման շրջանակներում Ալավերդու քաղաքային թատրոնը Արցախի արվեստասեր հասարակությանը, ինչպես նաև տարբեր զորամասերի զինվորներին ներկայացրեց Պատրիկ Արտեմիի «Ծապան» ներկայացումը: Ներկայացումն անդրադառնում է արտագաղթի ցավոտ թեմային, 44-օրյա պատերազմի հետևանքներին ու դրանց հաղթահարման հնարավոր ուղիներին (բեմադրող ռեժիսոր՝ Հրաչյա Պապինյան):  

Հայ Առաքելական Եկեղեցու գլխավոր տաճարի հրատապ ամրակայման և հիմնանորոգման աշխատանքները սկսվել են 2017 թվականին՝ փլուզման վտանգից տաճարը պաշտպանելու նպատակով: Վերջին անգամ սրբավայրի ամրակայում իրականացվել է 1950-1960-ական թվականներին և կրել մասնակի բնույթ։ Այսօր Մայր տաճարի վերականգնումը մոտ է ավարտին։

ARARAT Cherry՝ լեգենդար ARARAT-ի նոր եզրը, որը արտացոլում է հայկական կոնյակի պերճանքն ու ծաղկման, բնության առատաձեռնության և զմայլվելու, թերևս, ամենատարածված խորհրդանիշը։

Դերասանուհի, հաղորդավարուհի Սաթի Սպիվակովան Sputnik Արմենիայի եթերում խոսել է իր հայերեն գրքի ու արվեստի դերի մասին, ասել է, թե ինչպես է վերաբերվում այսօրվա Հայաստանին։ Գրքում, ինչպես Սաթի Սպիվակովայի վարած ծրագրում (հեռարձակվում է «Կուլտուրա» հեռուստաալիքով), արվեստի ոլորտի ներկայացուցիչները քննարկում են դասական արվեստը, ներկայացնում իրենց կյանքի պատմությունները։ Ծրագրի հյուրերից են եղել այնպիսի անվանի արտիստներ, ինչպիսիք են Մայա Պլիսեցկայան, Ռոդիոն Շեդրինը, Ալլա Դեմիդովան, Ֆանի Արդանը, Վալենտին Գաֆտը, Անդրեյ Կոնչալովսկին...

Վերջերս Շուշիում անցկացված ադրբեջանական փառատոնի ժամանակ բոլոր սեղանները ձևավորված էին մեզ շատ ծանոթ գործվածքով, որը մեր երկրում ցավալիորեն որպես հայկական է ներկայացվում։ Մինչդեռ այն ոչ միայն թուրքական արտադրության է, այլև ոչ հայկական բովանդակությամբ։