«Հայ հեղափոխական դաշնակցություն» կուսակցության անդամ Արա Նախշքարյանի նկատմամբ դատարանը կիրառեց տնային կալանք խափանման միջոցը։ Այս մասին հայտնել է նրա փաստաբան Հռիփսիմե Գասպարյանը։
Հանրային մեղադրող պահանջել էր որպես խափանման միջոց կիրառել 2 ամսվա կալանքը։
ՀՅԴ անդամ Արա Նախշքարյանը հուլիսի 29-ին ձերբակալվել է ընտրակաշառք տալու և ստանալու դեպքերի առթիվ։
ՀՀ հակակոռուպցիոն կոմիտեն հունիսի 6–ին հայտարարություն էր տարածել, որով պնդում էր, թե ընտրակաշառքի նոր սխեմա է բացահայտել, որում ընդգրկված է եղել «Հայաստան» դաշինքի պատգամավորի թեկնածուներից մեկը։
Կոմիտեն հրապարակել է նոր ձայնագրություններ, որում զրուցակիցներից մեկին դիմում են Նախշքարյան ազգանունով։
Sputnik Արմենիա
