Իրանի խորհրդարանի խոսնակ Մուհամմադ Բաղեր Ղալիբաֆի գլխավորած պատվիրակությունը մեկնել է Օման այդ երկրի պաշտոնական այրերի հետ բարձր մակարդակի բանակցություններ անցկացնելու համար, հայտնում է IRNA-ն։
Այցի ընթացքում Ղալիբաֆը նախատեսում է հանդիպել Օմանի սուլթան Հայթամ բին Թարիքի հետ՝ երկկողմ համագործակցության ընդլայնման և Հորմուզի նեղուցում իրավիճակի կայունացման քայլերը քննարկելու համար։
Իրանի գլխավոր բանակցողին ուղեկցում է ԻԻՀ–ի արտգործնախարար Աբբաս Արաղչին։
Իրանի պաշտոնական այրերի խոսքով՝ այս քննարկումները միջազգային իրավունքի համաձայն Հորմուզի նեղուցի կառավարման մեխանիզմներ ստեղծելու ավելի լայն ջանքերի մի մասն են։ Այս հարցը վերջերս քննարկվել է Թեհրանի և Մասկատի միջև խորհրդակցությունների ժամանակ։
Sputnik Արմենիա
