Հնդկաստանի վարչապետ Նարենդրա Մոդին ՀՀ վարչապետ Նիկոլ Փաշինյանի հետ հանդիպումը արդյունավետ է գնահատել: Այս մասին Մոդին X-ի իր էջում հայերեն գրառում է կատարել:
Նշենք, որ Բիշքեկում ընթանում է Շանհայի համագործակցության կազմակերպության գագաթնաժողովը, որտեղ էլ բարձրաստիճան պաշտոնյաները հանդիպել են:
«Հիանալի հանդիպում ունեցա ՀՀ վարչապետ պարոն Նիկոլ Փաշինյանի հետ։ Հնդկաստանի և Հայաստանի համագործակցությունը, հավանաբար, զարգացում կունենա պաշտպանության, տեղեկատվական տեխնոլոգիաների, տիեզերքի, կրթության, դեղագործության և այլ ոլորտներում»,- գրել է Հնդկաստանի վարչապետը:
Նա վստահություն է հայտնել, որ առաջիկայում երկու երկրի միջև կխորացվեն առևտրային և ներդրումային կապերը։
Sputnik Արմենիա
