Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Հայաստանի վարչապետ Նիկոլ Փաշինյանիհետ, քննարկել է Անկարայի և Երևանիմիջև հարաբերությունների կարգավորմանգործընթացը։ Այս մասին հայտնում է Թուրքիայի առաջնորդի գրասենյակը։
«Զրույցի ընթացքում վարչապետ Փաշինյանը շնորհավորել է Էրդողանին անցած Կուրբան-բայրամի առթիվ։ Անդրադարձ է կատարվել Թուրքիայի և Հայաստանի միջև երկկողմ հարաբերությունների կարգավորման գործընթացի հարցերին, ինչպես նաև տարածաշրջանային խնդիրներին»,-ասված է հաղորդագրության մեջ։
Էրդողանը նշել է, որ Թուրքիայի և Հայաստանի միջև հարաբերությունների կարգավորումը շարունակվում է՝ ուղիղ առևտրի հաստատմանն ուղղված քայլերի շնորհիվ։
Էրդողանն ընդգծել է, որ Թուրքիան ջանքեր է գործադրում տարածաշրջանում խաղաղություն և կայունություն ապահովելու համար և մշտապես աջակցելու է այդ ուղղությամբ ձեռնարկվող քայլերին։
Sputnik Արմենիա
