Последние новости
2021-01-20 21:58

ՆԵՂԱՑԿՈՏ ԴԱՏԱԽԱԶԻ ՀԻՍՏԵՐԻԱՆ

0
Telegram

Ահավոր նեղացկոտ դատախազ է բաժին ընկել Ռոբերտ Քոչարյանի գործով։ Շատ է վիրավորվել վերջինիս այն ռեպլիկից, որ ինքը «հանձնողներից մեկն է»։ Խոսքը Շուշիի՝ արցախյան շարժման խորհրդանիշի, հայ ռազմիկի հաղթանակի խորհրդանիշի մասին էր։ Նիկոլի ու ընկերախմբի ջանքերով այսօր անարգված խորհրդանիշի։

ԵՎ ԱՀԱ ԴԱՏԱԽԱԶ ԳԵՎՈՐԳ ԲԱՂԴԱՍԱՐՅԱՆԸ ՆԵՂԱՑԱՎ ՌՈԲԵՐՏ ՔՈՉԱՐՅԱՆԻՑ։ Սաստիկ նեղացավ խեղճն ու ընկավ հիստերիայի մեջ։ Ասել է թե՝ այդ ո՞նց, ինքը ո՜ւր, Շուշին ո՜ւր։ Իբր՝ ինքը երբեք չի պաշտպանել Շուշին հանձնողներին. քիչ էր մնում գլխով առաստաղին զարկվեր հույզերի առատությունից... Բա ի՞նչ էիր կարծում։ Իրավացի է Ռոբերտ Քոչարյանը, իրավացի է Յուրի Խաչատուրովը, երբ ասում են, որ դուք դավաճանի հանցակիցներն եք։ Իրավացի են, որովհետև երկուսուկես տարի շարունակ քո նմանների օգնությամբ պատահական մարդն ու ուսապարկերի է՛լ ավելի պատահական իր թիմը արել են ամեն ինչ, որ վարկաբեկեն Արցախյան պատերազմում տարած հաղթանակը, ի չիք դարձնեն այն։

Ի դեպ, ինչպե՞ս է այդտեղ մեր Սասուն Միքայելյանը, հենց նա, որը հերոսություն ցուցաբերեց՝ հարձակվելով Էդմոն Մարուքյանի վրա, նա, որը «հեղափոխությունը հաղթանակից ավելի կարևոր» հռչակեց։ Ամեն ինչ լա՞վ է, Սասուն ջան։ Ինչ-որ վաղուց քեզանից ձայն-ծպտուն չկա։ Ապաքինվել ես վերջապես ծանր վերքերից, այսօր հանդիպել պաշտպանության նախարարի հետ... Այ, հետաքրքիր է, կրկնե՞լ ես նրա համար քո հանճարեղ միտքը։ Չէ՞ որ վայել չէ քեզ պես կտրիճ տղուն հրաժարվել սեփական խոսքերից։ Հենց թեկուզ տղայական հասկացողություններից ելնելով։

Ահա ուրեմն, երկուսուկես տարի շարունակ անում էիք ամեն ինչ՝ բերդը հանձնելու համար։ Հասաք ուզածին։ Իսկ հիմա պարզվում է, որ դու կապ չունե՞ս։ Դու պարզապես կատարում ես աշխատանքդ, քանի որ պրոֆեսիոնա՞լ ես: Մխիթարի՛ր քեզ, մխիթարիր... Ո՛չ, դու և բոլոր նրանք, ովքեր այս երկուսուկես տարիներին սողացել են երկրի գլխավոր ոչնչության առաջ, կրում եք պատասխանատվության ձեր բաժինը։ Եվ դեռ հարց է, թե ով է ավելի մեղավոր. հանրապետության գլխավոր ուսապարկը, թե՞ նրանք, ովքեր ներբողներ էին ձոնում նրան ու աջակցում գործով։

Իհարկե, մենք ամեն ինչ հասկանում ենք։ Դուք Նիկոլին չէիք սատարում, այնպես չէ՞, դուք հավատում էիք երկրի լուսավոր ապագային, հավատում էիք կապտելու աստիճան, նախկին ռեժիմի արատները մերկացնող բերանից թուք ու փրփուր շաղ տալու աստիճան... Ուզում էիք, որ լավ լինի, բացառապես՝ որ լավ լինի. մենք հասկանում ենք, բա ո՜նց։ Եվ իհարկե, ձեր մեղքը չէ, որ ամեն ինչ ստացվեց այնպես, ինչպես ռուսաստանցի մի քաղաքական գործչի մոտ։ Կամ, ավելի պարզ ասած, ամեն ինչ արվեց մարմնի այն մասով, որով երկրի գլխավոր պոպուլիստը սոսնձվել է աթոռին ու ոչ մի կերպ պոկ չի գալիս։

Բարեգործական մեկ-երկու ծրագրի մասնակցելը չի քավում ձեր մեղքը։ Թեև հասկանալի է, որ դա սրտաճմլիկ անձնազոհություն է, երբ հաց եք գնում ձեր ջանք ու շնորհքով փախստական դարձած արցախցիներից։ Ա՜խ, որքան վեհաբարո եք, երբ նվերներ եք ընծայում տունուտեղից զրկված արցախցի երեխաներին։ Գլուխ ենք խոնարհում ձեր բարության ու գթասրտության առջև, շնորհակալ ենք, որ ձեր սրտից պոկում եք կանաչ թղթադրամները…

Բայց եթե իսկապես ցանկություն կա գոնե մասամբ քավելու սեփական մեղքը գալիք սերունդների առջև, ինչում մեծապես կկասկածենք, ապա բնավ պետք չէ ընկնել հիստերիայի մեջ ու արդարանալ, թե իբր՝ Շուշին ո՜ւր, դուք ո՜ւր... Այլ պետք է լինել այն մարդկանց առաջին շարքերում, ովքեր, կարողացածի չափով, լավ թե վատ, բայց մոտեցնում են այն մարդու հեռացումը, որը երկրի գլխին իր իսկ բերած գլոբալ աղետի պայմաններում կառչած է մնում պաշտոնին և ծախված քայլակիցների իր թիմի հետ միասին մտադիր է գնալով ավելի խորը թաղել մեզ ճահճում։

Սեփական քայլերով մոտեցնել այն մարդու հեռացումը, որի իշխանության օրոք, կարծում եմ՝ դեբիլին էլ արդեն պարզ է, Հայաստանում չեն լինի դրական գործընթացներ։ Ոչ մի դրական գործընթաց։ Միայն շարունակական անկում ու փլուզում։

Основная тема:
Միջադեպ դատավարության ժամանակ

Теги:
Պատերազմ Արցախում Դատավարություն Միջադեպ

ПОСЛЕДНИЕ ОТ АВТОРА

  • ТРЕТИЙ - НЕ ЛИШНИЙ
    2025-04-03 13:26

    По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…

  • «ЕВРОПЕЙЦАМ» НЕ ДО ШУТОК
    2025-04-03 09:17

    Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.

  • НАРОД СНОВА ОБЪЯСНИЛ
    2025-04-01 09:53

    Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.

  • ЛЮДИШКИ
    2025-03-31 09:20

    Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…

ПОСЛЕДНЕЕ ПО ТЕМЕ