2021-09-27 10:32
Давид САРКИСЯН
0
ՀԵՏԵՎԵԼ ՄԻԱՅՆ ՊԱՇՏՈՆԱԿԱՆ ԱՊԱՏԵՂԵԿԱՏՎՈՒԹՅԱՆԸ
Մինչ մեր իշխանությունն ընդունում է Եվրոպայի խորհրդի անդամ երկրի համար խիստ հետադիմական և անընդունելի մի իրավանորմ, որով քրեականացվում է ծանր վիրավորելը, իշխանությունն ինքը շարունակում է հետևողականորեն վիրավորել (միգուցե և ծանր, Քրեական օրենսգիրքը չի մանրամասնում, թե որն է ծանր վիրավորելը) այլոց, օրինակ՝ խորհրդարանական ընդդիմադիրներին։ Ճիշտ է, նախընտրական քարոզարշավի համեմատ՝ կրքերն էապես թուլացել են, բայց խոսույթի բնույթը չի փոխվել։
Մինչդեռ եթե իշխանությունն իրապես շահագրգիռ լիներ պատասխանատու խոսքի, արհեստավարժ մամուլի և բովանդակային քննադատություն լսելու հարցում, կաներ ճիշտ հակառակը՝ կքրեականացներ պաշտոնյաների կողմից ապատեղեկատվություն տալը և ոչ թե ծանր վիրավորելը։ Հարյուրավոր օրինակներ կարելի է հիշել, թե ինչպես են բարձրաստիճան պաշտոնյաները ստել, կեղծել, մոլորեցրել և մնացել անպատիժ, արդյունքում՝ քաղաքացին դարձել է այդ ապատեղեկատվության զոհը։
Պետական քարոզչամեքենան բուռն թափով աշխատում է, հեռուստաընկերությունների մեծագույն մասն արդեն իսկ լիովին կառավարելի են իշխանությունների կողմից, երևակայական Հայաստանն ու Արցախն էլ վերաշինվում են չտեսնված թափով։ Այլ կերպ ասած՝ պաշտոնական ապատեղեկատվության համար առավել քան պարարտ հող է ստեղծված։ Նիկոլ Փաշինյանի պնդումների մեծագույն մասը չի համապատասխանում ոչ միայն իրականությանը, այլև իր իսկ նախկին ասածներին։ Պարզ է, այսքանից հետո նրա ենթականերն ինչո՞ւ չպետք է սուտն ու մոլորեցումը դարձնեն պաշտոնական գործելակերպ։
Ապատեղեկատվության տրամադրման քրեականացումն, օրինակ, կարող է վերաբերել մարզպետներին, նախարարներին և իշխանական պատգամավորներին։ Միգուցե նպատակահարմար կլիներ այն տարածել նաև ընդդիմադիրների վրա, բայց փորձը, ցավոք, վկայում է, որ ընդդիմադիրների և լրագրողական հանրույթի հնչեցրած ահազանգերը, որպես կանոն, իրականանում են, իշխանության թեզերը՝ հերքվում։
Օրինակ, ամիսներ առաջ Տավուշի՝ ներկայումս պաշտոնաթող մարզպետ Հայկ Չոբանյանը կոկորդ պատռելով հայտարարում էր, թե Տավուշից ոչ մի միլիմետր հող չի զիջվելու, նման լուրեր տարածողները բանսարկուներ են, սպառնում էր անգամ դատի տալ նրանց, օրինակ՝ Հրանտ Բագրատյանին։ Բավական էր, որ Փաշինյանն ԱԺ ամբիոնից շրջանառեր Տավուշում «երբեմնի ադրբեջանական անկլավների» մտացածին թեզը, և նա ու կուսակիցները (հատկապես Տավուշի մարզպետ, Փաշինյանի քավոր Հայկ Ղալումյանի եղբայր Վահե Ղալումյանը) նույն ջանադրությամբ սկսեցին պնդել, թե «հանձնվելիք գյուղերը հայկական չեն» ։
Արարատի մարզպետ նշանակված գործարար Ռազմիկ Թևոնյանը, որի որդին, ի դեպ, ՔՊ-ական պատգամավոր Սեդրակ Թևոնյանն է (թեև Հայաստանում ԽԾԲ-ն կարծես պետք է վերացած լիներ), բազմիցս հայտարարել է, թե Տիգրանաշենն Ադրբեջանին հանձնելու մասին լուրերը հերյուրանքներ են։ Որևէ մեկը լսե՞լ է պաշտոնական պարզաբանում վարչապետից, Անվտանգության խորհրդի քարտուղարից կամ պաշտպանության նախարարից, որ Տիգրանաշենը որևէ դեպքում չի հանձնվելու թշնամուն։ Մարզպետը որևէ իրավասություն չունի նման որոշում կայացնելու, նրան անգամ տեղյակ չեն պահի այդ մասին, ինչպես Հայկ Չոբանյանին։
Տիգրանաշենի հնարավոր հանձնման մասին ամենախոսուն փաստն ամիսներ առաջ Հանրային հեռուստաընկերության կողմից դրա տեղեկատվական-քարոզչական նախապատրաստումն էր։ Հանրայինի ռեպորտաժը խոսում էր թշնամու քարտեզներով և տերմիններով՝ ադրբեջանական անկլավ, Քյարքի, հայկական վերահսկողության ներքո գտնվող երբեմնի ադրբեջանաբնակ գյուղ, և այլն։ Օվերտոնի պատուհանը բացված է, և թափանիվը հնարավոր չէ հետ պտտել։
Պաշտոնական ապատեղեկատվություն, սուտ և մանիպուլյացիա տարածող այս քաղաքական գործիչները, ինչպես և նրանց գործընկերների մեծագույն մասը, չունեն ոչ միայն քաղաքական խիզախություն՝ սկզբունքային դիրքորոշում հայտնելու, այլև նույնիսկ տարրական տղամարդկություն՝ ընդունելու իրենց սխալը, ներողություն խնդրելու և հեռանալու, փոխարենը վերջին մորթապաշտի պես հիմա էլ հիմնավորում են իրենց առաջնորդի նոր թրքահաճո թեզերը։
ПОСЛЕДНИЕ ОТ АВТОРА
-
2022-02-28 10:26Кто сегодня помнит, что именно наобещал с приходом к власти Пашинян в сфере внешней политики и дипломатии в числе множества других популистских обещаний социально-экономического характера? Выяснилось, в Министерстве иностранных дел, так же, как и в других сферах, не только растеряны многолетние институциональные традиции, но и дипломатическая служба и межгосударственные контакты стали предметом насмешек. Все это более чем наглядно было продемонстрировано в течение всей 44-дневной войны и после ее окончания – по сей день. Тогда как именно в этот критический период необходима была неустанная внешнеполитическая работа.
-
2022-02-24 13:26Провал правящим большинством проекта заявления, осуждающего «Шушинскую декларацию», - отнюдь не экстраординарный и вполне ожидаемый шаг. Куда более удивительным было бы обратное, поскольку не изменились ни Турция с Азербайджаном, ни наши власти. Армянская дипломатия, в том числе и парламентская, сегодня настолько беззубая и услужливая, что не может позволить себе даже обсудить, а уж тем более - осудить очевидно антиармянский документ. Только заслужившие звание национального героя Азербайджана деятели могут обосновать свой отказ так, как это несколько дней назад сделали члены правящей ГД на заседании комиссии НС по внешним связям.
-
2022-02-24 10:29Кто испытывает боль от потерь в войне? Власть, оппозиция, национальная элита или весь народ? Может, никто? Если бы мы ощущали общую боль утраты, вряд ли после такого тяжелого поражения проявили бы столь недопустимое национальное равнодушие и игнорировали постоянные предупреждения и угрозы. Народ, осознающий потерю, не пошел бы за виновным в ней, не поверил бы более его лжи, сориентировался бы, наконец, что для него важнее: ненависть к предыдущим властям или любовь к государству и Родине.
-
2022-02-22 10:57Системный государственный кризис в стране власти пытаются замаскировать фрагментарными решениями и реформами, приправив их завесой своей легитимности. Тезисы Пашиняна о собственной легитимности на самом деле, конечно же, надуманны и ничтожны, поскольку его решения - от кадровой политики до отраслевых реформ - не сопровождаются публичными обсуждениями.