Последние новости

ԿԱՐԵԼԻ Է ԵՎ ԱՎԵԼԻ ԼԱՎ, ԲԱՅՑ ՈՉ ԱՅՍ ԻՇԽԱՆՈՒԹՅԱՆ ՕՐՈՔ

«Վալդայի միջազգային ֆորումի» ընթացքում պատասխանելով հարցերին, Ռուսաստանի նախագահ Վլադիմիր Պուտինը երեկ մի շարք նշանակալի հայտարարություններ է արել, որոնք վերաբերում են Լեռնային Ղարաբաղի հակամարտության տարածաշրջանում իրավիճակի զարգացման հեռանկարներին: Անդրադառնանք ամբողջապես տարածաշրջանում երկարաժամկետ կարգավորման առանցքային թեզերին։

«Այդ պայմանները կարող են ստեղծվել միայն այն դեպքում, եթե երկու կողմերն էլ ընդունեն ձեռք բերված պայմանավորվածությունները որպես երկարաժամկետ, և երկու կողմերից էլ գնահատեն, ցանկանում եմ ընդգծել դա, խաղաղ գոյակցության առավելությունները»,- հայտարարեց Պուտինը:

Ի՞նչ է նշանակում երկու կողմերի միջև պայմանավորվածությունների ընդունումը որպես երկարաժամկետ։ Ռուսաստանի նախագահի կողմից հնչեցմամբ դա նշանակում է, որ և՛ Երևանը, և՛ Բաքուն չպետք է տրվեն պատրանքների, թե իրավիճակն Արցախում կարող է սկզբունքորեն փոխվել տեսանելի ապագայում. այսօր ստեղծված իրադրությունը լոկ նոր ստատուս քվո է 44-օրյա պատերազմի արդյունքներով։

Բաքվի համար դա այն փաստի գիտակցման անհրաժեշտությունն է, որ Արցախի իր կողմից չբռնազավթված մասը փաստացի հայկական տարածք է և այնտեղ ապրող մարդկանց անվտանգությունը երաշխավորված է։ Ինչպես ընդգծեց Պուտինը, ռուս խաղաղապահներն արժանավայել կատարում են իրենց պարտքը, Արցախ է վերադարձել ավելի քան 50 000 փախստական: Իսկ հայկական կողմի համար դա այն գիտակցումն է, որ Հադրութն ու Շուշին կորսված են…

Պուտինը նշեց, որ և՛ Հայաստանում, և՛ Ադրբեջանում կան քաղաքական ուժեր, որոնք դժգոհ են ստեղծված իրավիճակից և կարծում են, որ կարելի էր ավելի լավ անել: «Բայց միշտ ի հայտ է գալիս պատասխանը. «Փորձեք ավելի լավ անել»,- հավելեց Ռուսաստանի առաջնորդը:

Կարելի՞ էր արդյոք ավելի լավ անել։ Ադրբեջանական կողմից այս հարցի պատասխանը թող փնտրեն ադրբեջանցիները։ Ինչ վերաբերում է հայկական կողմի պատասխանին... Ավաղ, Պուտինը իրավացի է։ Ստեղծված իրավիճակում, և ինչը ոչ պակաս, այլ թերևս շատ ավելի կարևոր է, այս իշխանությունների օրոք դժվար թե հնարավոր էր ավելիին հասնել Հայաստանի և Արցախի համար... Դա էր մեր խնդրի էությունն այն ժամանակ, և դա է մեր շարունակվող խնդիրների էությունը հունիսի 20-ի ընտրություններից հետո։

Այնուհետ Պուտինը հայտարարեց, որ որպեսզի ստեղծված իրավիճակը դառնա երկարաժամկետ լուծում, անհրաժեշտ է առաջ շարժվել, այլ ոչ թե ապավինել տարածաշրջանում ռուս խաղաղապահների ներկայության ժամկետի երկարաձգման հնարավորության մասին նոյեմբերի 9-ի եռակողմ հայտարարության համապատասխան հոդվածին: «Խնդիրը երկու երկրների միջև հարաբերությունների կարգավորումն է, այ թե որն է ամենակարևորը»,- ասում է ՌԴ նախագահն ու ընդգծում. «Ադրբեջանը շահագրգռված է, որ նորմալ իրականացվի կապը Նախիջևանի հետ, ապասառեցվեն հաղորդակցության ուղիները։ Սա առաջին խնդիրներից մեկն է, որ կանգնած է Հայաստանի առջև»։

Այսինքն, անվանենք իրերն իրենց անուններով, հերթական քայլը պետք է անի Երևանը։ Որպեսզի, ինչպես ասում է Պուտինը, «արդյունավետ տնտեսական կյանք, տարածաշրջանում արդյունավետ փոխգործակցություն հաստատվի, այդ թվում՝ հետագայում նաև Ադրբեջանի հետ»: Ռուսաստանի նախագահի գնահատականներով՝ Երևանը շահագրգռված է ապասառեցնել իր հարաբերությունները նաև Թուրքիայի հետ, և դա, ինչպեսև Բաքվի հետ հարաբերությունների կարգավորումը, «պետք է հանգեցնի գլխավոր նպատակի իրականացմանը. երկու պետությունների անվտանգ գոյակցության և տնտեսական զարգացման պայմանների ստեղծմանը»: «Հնարավոր է արդյոք դա անել, թե՞ ոչ։ Հնարավոր է»,- ընդգծում է Ռուսաստանի առաջնորդը։

Այսինքն, մեկ անգամ եվս նշենք. Պուտինի կարծիքով, որպեսզի ներկայիս իրավիճակը դառնա երկարաժամկետ լուծում ու երաշխավորվի ոչ միայն ռուս խաղաղապահների կողմից, պետք է լրացուցիչ ջանքեր գործադրել։ Այդ տեսանկյունից, Անկարայի և Բաքվի հետ հարաբերությունների կարգավորման համար իր քայլը պետք է անի Երևանը. ապաշրջափակի հաղորդակցության ուղիները Ադրբեջանի արևմտյան շրջանների և նրա նախիջևանյան ինքնավարության միջև:

Երևանը երբեք դեմ չի արտահայտվել հաղորդակցության ապաշրջափակմանը։ Խնդիրը պայմաններն են, և դատելով Փաշինյանի կառավարության զուսպ արձագանքից ու Ալիևի հոխորտալից արտահայտություններից, ապաշրջափակման այն պայմանները, որոնք դրված են բանակցային սեղանին, հիմա ավելի ձեռնտու են Բաքվին, քան Երևանին։ Եվ մենք կրկին վերադառնում ենք խնդրի էությանը. կարելի՞ է արդյոք ձեռնամուխ լինել տարածաշրջանում հաղորդակցության ապաշրջափակմանը ավելի բարենպաստ պայմաններով, քան այն, ինչ առաջարկվում է մեզ հիմա։ Կարելի է։ Բայց ոչ այս իշխանության օրոք։

Սեյրան Օհանյանը երեկ հայտարարեց, որ եթե ինքը հայտնվեր այնպիսի իրավիճակում, որում Նիկոլ Փաշինյանն է, ապա իր համարձակությունը կբավարարեր «ստորագրելու հրաժարականի դիմում և իշխանության բերելու այնպիսի մարդկանց, որոնք կարող են արժանապատիվ ձևով շարունակել բանակցային գործընթացը»։ Հենց երեկ էլ, ըստ ԶԼՄ-ների հաղորդագրությունների, Նիկոլը խորհրդարանում հանդիպել է իր թիմի անդամների հետ՝ ներկա տխուր իրավիճակի քննարկման համար։

Կբավականացնի՞ արդյոք Փաշինյանի համարձակությունը՝ հրաժարական տալու և Հայաստանին նոր հնարավորությունների պատուհան տրամադրելու՝ հանրապետության առջև ծառացած խնդիրները լուծելու համար։ Ծիծաղելի հարց է, այնպես չէ՞։

Основная тема:
Теги:

    ПОСЛЕДНИЕ ОТ АВТОРА

    • «ГРОЗНЫЙ» ПАШИНЯН И ОЛИВКОВЫЕ ВЕТВИ ПУТИНА
      2021-11-27 10:46
      797

                   Трехсторонние переговоры в Сочи, похоже, станут для Пашиняна первыми в череде его встреч с Ильхамом Алиевым, во время и после которых он не выглядел побитой собачонкой. Мы, конечно, имеем в виду не тот пашиняновский «грозный взгляд» в сторону Алиева, который запечатлен на одной из фотографий, активно тиражируемой премьерской агиткой. Просто Пашинян столько уже ему уступил, что дальше некуда. К тому же старший брат Алиева так назойливо и нагло ведет себя по всем направлениям, что это уже всем надоело. Даже терпеливой Москве.

    • КТО БУДЕТ ОТСТАИВАТЬ ИНТЕРЕСЫ АРМЕНИИ В СОЧИ?
      2021-11-25 13:02
      1401

      Завтра в Сочи состоится очередная встреча лидеров Армении, Азербайджана и России. Будет обсуждаться ход выполнения известных трехсторонних заявлений от 9 ноября прошлого и 11 января нынешнего года. Еще точнее - вопросы реализации "дорожной карты" разблокирования коммуникаций и делимитации и демаркации границы между Азербайджаном и Арменией.

    • ГЛАВНАЯ ПРОБЛЕМА НИКОЛА
      2021-11-24 13:49
      1814

      Назвать это пресс-конференцией нельзя. Даже ответами на вопросы  будет неверно. Куда больше это напоминало монолог человека, который не на своем месте. Но не хочет этого признавать. Ему страшно это признать.

    • ОВИК СПАСАЕТ АРМЕНИЮ
      2021-11-22 09:51
      1679

      Забавно слушать полемику о том, по каким картам будет проходить предполагаемый процесс делимитации и демаркации границ с Азербайджаном, и наблюдать, какую новую порцию лапши вываливают на армянского обывателя Пашинян и его команда. Дескать, вот как предъявим правильные карты, так сразу Алиев утрется и выведет войска.






    ПОСЛЕДНЕЕ ПО ТЕМЕ

    • Ո՞Վ Է ՊԱՇՏՊԱՆԵԼՈՒ ՀԱՅԱՍՏԱՆԻ ՇԱՀԵՐԸ ՍՈՉԻՈՒՄ
      2021-11-25 20:11
      268

      Վաղը Սոչիում տեղի է ունենալու Հայաստանի, Ադրբեջանի և Ռուսաստանի նախագահների հերթական հանդիպումը: Քննարկվելու է անցած տարվա նոյեմբերի 9-ի և այս տարվա հունվարի 11-ի հայտնի եռակողմ հայտարարությունների կատարման ընթացքը։ Է՛լ ավելի ստույգ՝ հաղորդակցության ապաշրջափակման ու Ադրբեջանի և Հայաստանի միջև սահմանագծման ու սահմանազատման իրականացման «ճանապարհային քարտեզի» հարցերը։

    • ՆԻԿՈԼԻ ԳԼԽԱՎՈՐ ԽՆԴԻՐԸ
      2021-11-24 16:55
      383

      Դա մամուլի ասուլիս անվանել չի կարելի։ Նույնիսկ հարցուպատասխան անվանելը սխալ կլինի։ Ավելի շատ հիշեցնում էր մեկ անձի մենախոսություն, որն իր տեղում չէ։ Բայց չի ուզում դա ընդունել։ Նա վախենում է դա ընդունել։

    • ԲՈԼՈՐԸ ՀԱՄԱԽՄԲՎԵ՛Ն ՀՈՎԻԿ ԱՂԱԶԱՐՅԱՆԻ ՇՈՒՐՋ
      2021-11-17 19:42
      297

      Իրավիճակը Հայաստանի Հանրապետության արևելյան սահմանագոտում, որտեղ նախօրեին հայկական դիրքերը ենթարկվել են Ադրբեջանի զինված ուժերի հարձակմանը, համեմատաբար կայուն է, հրադադարի մասին համաձայնությունն ընդհանուր առմամբ պահպանվում է, հաղորդում է ՊՆ-ն: Բաքվից հայտնում են, որ իրենք 7 զոհ ունեն, մեր պաշտպանական գերատեսչությունը պնդում է, թե Ադրբեջանի կորուստները կազմում են մինչև 70 մարդ, իսկ այ մենք առայժմ ունենք հաստատված մեկ զոհ։ Ամենայն հավանականությամբ՝ Արծրունը կրկին նստել է թամբին...

    • ՆԻԿՈԼ ԻՋԵՎԱՆՑՈՒ ՏԵՍԼԱԿԱՆՆԵՐԸ
      2021-11-17 09:26
      286

      Պաշտպանության նախարարությանը ներկայացնելով գերատեսչության նոր ղեկավարին՝ Փաշինյանը պահանջել է, որ ոչ ոք չկասկածի. երկրի կառավարությունը հստակ տեսլական ունի, թե ինչպես պաշտպանել երկիրը ռազմավարական մարտահրավերներից և դուրս բերել բարգավաճման ուղի: