ԱՄԵՐԻԱԲԱՆԿԸ ՀԱՆԴԵՍ Է ԳԱԼԻՍ ԲԻԶՆԵՍ ՎԱՐԿԱՎՈՐՄԱՆ ԵՐԿՈՒ ԱՆՆԱԽԱԴԵՊ ԱՌԱՋԱՐԿՈՎ (ՏԵՍԱՆՅՈՒԹ)

Ամերիաբանկը մշակել և դեկտեմբերի 8-ից գործարկել է բիզնես վարկավորման երկու աննախադեպ առաջարկ, որոնք թույլ են կտան բիզնեսին նվազեցնել վարկային բեռն ու ձևավորել զարգացման նոր հնարավորություններ։

«Բանկի համար առաջարկի նպատակն է փորձել ավելացնել վարկային պորտֆելն ու ֆինանսավորման ծավալները, իսկ հաճախորդների համար դա հնարավորություն է առաջիկա ամիսներին կրճատել և կառավարել կանխիկի հոսքերը», - ասաց Ամերիաբանկի մանրածախ բանկինգի տնօրեն Արման Բարսեղյանը նախօրեին կազմակերպված ասուլիսի ժամանակ։

6 ամիս անտոկոս վարկ. 6 ամիս` առանց մայր գումարի վճարման

Առաջարկը նախատեսված է մինչև 750 մլն ՀՀ դրամ տարեկան շրջանառություն ունեցող բիզնեսի համար: Տնտեսվարողները 6 ամիս շարունակ չեն վճարելու ոˊչ մայր գումար, ոˊչ տոկոսներ: Այդ 6 ամսվա ընթացքում վարկի տոկոսադրույքը կազմելու է 0%, և տոկոսներ չեն կուտակվելու:

Բարսեղյանի խոսքով, վարկերը տրամադրվելու են երեք արժույթով՝ դրամ, դոլար և եվրո՝ 20մլն դրամից մինչև 150մլն դրամի չափով, և հաճախորդներին առաջին 6 ամսվա ընթացքում չեն վճարելու տոկոսներ և մայր գումար։

«Տոկոսները սկսելու են հաշվարկվել 6 ամիս հետո, և այդ դեպքում դրանք լինելու են բավականին արտոնյալ և մրցուն ակ։ Մասնավորապես, 6 ամսվա ընթացքում 0%-ի կիրառումից հետո, սկսած 7-րդ ամսից՝ տոկոսադրույքը դրամով կկազմի 11,9%, դոլարով՝ 7,9%, եվրոյով՝ 6,9%։ Արդյունավետ տոկոսադրույքները վարկի ժամկետի մասով կկազմեն, համապատասխանաբար, դրամով 10,5%, դոլարով՝ 6,5%, եվրոյով՝ 5,5%։ Այս տոկոսադրույքներն իսկապես աննախադեպ են», - ընդգծեց նա։

Մանրածախ բանկինգի տնօրենը տեղեկացրեց նաև, որ այդ վարկերը տրամադրվելու են 4-10 տարի ժամկետով, իսկ առաջարկը գործելում է մինչև մարտի 31-ը։

«Առաջարկն ընդհանուր առմամբ ներառում է մեր տնտեսության գրեթե բոլոր ոլորտները», - ավելացրեց նա։

Վարկի գումարի 5% վերադարձ

Այս առաջարկի շրջանակում հնարավորություն է տրվում նաև տեղափոխելու այլ բանկերում գործող վարկերը Ամերիաբանկ`ստանալով միանվագ գումար` վարկի գումարի 5%-ի չափով: Սա հնարավորություն կտա մարելու այլ բանկերում վարկի կանխամարման տույժը, իսկ կանխամարման տույժ չլինելու կամ 5%-ից պակաս լինելու դեպքում տնտեսվարողը կարող է տնօրինել այդ գումարն իր հայեցողությամբ: Գրավադրման համար կատարվող բոլոր ծախսերը կատարվելու են բանկի կողմից: Չի գանձվելու նաև վարկի տրամադրման վճար:

«Գաղափարը հետևյալն է․ մինչև մարտի 31-ն առաջարկի շրջանակում 20 մլն դրամից մինչև 150մլն դրամի չափով վարկերն Ամերիաբանկ տեղափոխելու դեպքում հաճախորդին վճարվում է միանվագ գումար՝ վարկի 5%-ի չափով, ինչից հետո կիրառվելու են իմ կողմից ներկայացված բավականին մրցունակ տոկոսադրույքները՝ դրամով՝ 11,9%, դոլարով՝ 7,9%, եվրոյով՝ 6,9%։ Ժամկետը նույնն է՝ չորսից տասը տարի», - ասաց Բարսեղյանը։

Նա նաև նշեց, որ վարկային պատմության և վարկի գնահատման հարցում կիրառվում են նույն չափանիշները, որոնք Ամերիաբանկն ընդհանուր առմամբ։ կիրառում է վարկային մասով։

«Այս ակցիաներն իրականացվում են մեր ռազմավարության երկու հիմնական ուղղություններով՝ փոքր և միջին բիզնեսի զարգացում և համապատասխան վարկային պորտֆելի ավելացում, ինչպես նաև թվայնացում», - պարզաբանեց Բարսեղյանը։

Նոր բիզնես վարկի պայմաններին առավել մանրամասն կարող եք ծանոթանալ այստեղ:

Ամերիաբանկի մասին

Ամերիաբանկը Հայաստանի դինամիկ զարգացող բանկերից է: Այն դասվում է երկրի ամենակայուն և խոշոր ֆինանսական հաստատությունների շարքին և ունի հստակ ձևակերպված թվայնացման օրակարգ: Լինելով առաջին ներդրումային բանկը Հայաստանում՝ Ամերիաբանկը տրամադրում է նորարար բանկային ծառայությունների լայն տեսականի: «Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ:

Մանրամասն տեղեկությունների համար այցելեք www.ameriabank.am: