2022-02-14 19:44
Рубен МАРГАРЯН
ԵՐԵՔ ՏԽՄԱՐՆԵՐԻ ՀԻՄԱՐԱՑՈՒՄ՝ ՆՈՒՅՆ ՁԵՎԱՆՈՎ
Միայն թե ցանկություն լինի պատերազմելու, իսկ առիթ-սադրանք ստեղծելը դժվար բան չէ։ Կարելի է հիշել քաղաքական և ռազմական նպատակներով ձեռնարկված սադրանքների դասական դեպքերը։ Օրինակ, Ռեյխստագի հրկիզումը կամ, իբր՝ լեհերի հարձակումը գերմանական ուղեկալի վրա Երկրորդ համաշխարհային պատերազմի նախօրեին։
ՔԱՐՈԶԻՉՆԵՐԸ ՄԻՇՏ ԷԼ ԿԱՌԱՋԱՐԿԵՆ ԱՌԻԹ-ՍԱԴՐԱՆՔԻ ԱՆՀՐԱԺԵՇՏ ՏԱՐԲԵՐԱԿ։ Ահավասիկ Կորոտչենկոն առ այսօր պնդում է, թե այդ հայկական կողմն է սկսել 44-օրյա պատերազմը։ Եվ ոչինչ, սուտը ոչ մի կերպ չի ազդում կազմվածքի վրա....
2008 թվականի ամառային Օլիմպիադայի ժամանակ Սահակաշվիլին ռազմական գործողություններ սկսեց Հարավային Օսիայում։ Քիչ էր մնում կորցներ Թբիլիսին։ Նրա ինչի՞ն էր պետք դա։ Փոխարենը մեկընդմիշտ ազատվեց Աբխազիայի և Հարավային Օսիայի գլխացավանքից, բոլորին պարզ դարձավ, որ դրանք կորսված են առհավետ։ Վրաստանն ընդ որում դարձավ ծայրահեղ հակառուսական, Անկարան ու Բաքուն սկսեցին ամրապնդել իրենց դիրքերն Աջարիայում և այլ շրջաններում:
Այս ամենը ձեռնտու է Արևմուտքին, որի համար գլխավոր հրամայականը Ռուսաստանի մեկուսացումն է։ Իսկ տվյալ դեպքում ստացան և՛ Ռուսաստանի վրա հարձակումների պատրվակ, և՛ Վրաստանի ավելի մեծ ընդգրկում արևմտյան ուղեծրում։ Գումարած այն, որ հարկ չկա մտածելու այն մասին, թե ինչպես օգնել Վրաստանին տարածքային խնդիրների լուծման հարցում. Ասել է թե՝ դե ինչ, ինքներդ եք մեղավոր, ընկեր վրացիներ, ինքներդ պատուհաս բերեցիք ձեր գլխին, բայց դիմացեք այդտեղ ու ոչ մի բանից մի վախեցեք, մենք այլևս թույլ չենք տա նեղացնել ձեզ: Ի դեպ, այդ հնգօրյա պատերազմում կրած պարտությունից հետո փողկապը ծամող Սահակաշվիլին նստած մնաց Վրաստանի նախագահի աթոռին ևս հինգ տարի…
Ինչո՞ւ է Փաշինյանը առ այսօր նստած վարչապետի աթոռին և ինչո՞ւ է ցուցադրաբար հրաժարվում պաշտպանել Արցախի շահերը։ Եվ ինչո՞ւ էր, պետք է խոստովանել, «իր սեփական կետից տարվող բանակցային գործընթացով», հիմար ու հավակնոտ հայտարարություններով, բանակի կադրային ջարդով, «ժամանակակից սպառազինության» անմիտ գնումներով իրոք մոտեցնում Ալիևին հարձակողական մեծ գործողություն սկսելու հնարավորության մտքին։ Մի՞թե հենց Արևմուտքը չէր բացահայտ խրախուսում այդ գործողությունները, անտեսելով Փաշինյանի ձեռնարկած ջարդերը անհնազանդ դատական ատյաններում։ Ոչ թե Ռուսաստանը, այլ հենց Արևմո՛ւտքը։
Ինչո՞ւ։ Դարձյալ նույն պատճառով։ Միջազգային հանրությունն ազատվեց Լեռնային Ղարաբաղի գլխացավանքից։ Հնարավորություն կա ազատվելու նաև հայ-թուրքական օրակարգից։ Եվ եթե Փաշինյանը այդ խնդիրն էլ լուծի, ապա ավելի լավ։ Ռուսաստանի ազդեցությունը կթուլանա, դե, իսկ Ադրբեջանին և Թուրքիային այլևս թույլ չեն տա նեղացնել թեկուզև ծայրաստիճան հոշոտված Հայաստանին. կասեն՝ ապրեք ձեզ համար այնտեղ՝ միջանցքում։
Նույնը հնարավոր է նաև Ուկրաինայում Պեկինի ձմեռային Օլիմպիական խաղերի ժամանակ։ Բոլորը հասկանում են, որ ռազմական գործողությունների սադրումը ձեռնտու է ողջ Արևմուտքին։ Կազատվեն Դոնբասի խնդրից (դե, հիմա ի՞նչ արած)։ Առիթներ կլինեն Ռուսաստանի դեմ անվերջանալի պատժամիջոցների համար։ Ուկրաինայի է՛լ ավելի կոշտ հակառուսական ուղղվածություն։ Ուրիշ էլ ի՞նչ է պետք հավաքական Արևմուտքին լիակատար երջանկության համար։
Իհարկե, Արևմուտքի հրահրած ռազմական գործողությունների ընթացքում ուկրաինական բանակը կջախջախվի, ինչպես վրացական բանակը 2008-ի հնգօրյա պատերազմի ժամանակ, ինչպես 44 օր շարունակ, չնայած իշխանությունների դավաճանությանը, թուրք-ադրբեջանական տանդեմի դեմ վերջին ուժերի լարումով հուսահատ կռվող հայկական բանակը 2020-ին։ Բայց դրանք մանրուքներ են, մանր խաղաքարեր Ռուսաստանի մեկուսացմանն ուղղված ռազմավարական մեծ խաղում, որը վարում է կոլեկտիվ Արևմուտքը և, մասնավորապես՝ անգլիական փայլուն հատուկ ծառայությունները։ Դե,անտառ հատելիս տաշեղներ են թռչում:
Փոխարենը Արմեն Սարգսյանի մոտ ամեն ինչ կարգին է։ Չէ՞ որ արժեքավոր կադրերին պետք է խնայել, ուստի նրա տարհանման գործողությունն իրականացրեցին նախապես։ Թե չէ, ո՜վ գիտե, մեկ էլ տեսար մեր ԱԱԾ-ն բարեհաճեց որսալ լրտեսներին արդեն ոչ միայն սոցիալական ցանցերի միջոցով…
ПОСЛЕДНИЕ ОТ АВТОРА
-
2025-07-12 09:52Мозги у американцев работают: воспользовавшись параллельным похолоданием как в армяно-российских, так и в азербайджано-российских отношениях, они тут же выдвинули свои предложения по разблокированию региональных коммуникаций, фактически став инициаторами встречи Пашинян-Алиев в Абу-Даби.
-
2025-07-10 10:11Итак, сегодня в Объединенных арабских эмиратах пройдет встреча Никола Пашиняна и Ильхама Алиева. Встреча, ради достижения прогресса в которой, Никол Пашинян и затеял все эти скандалы с Самвелом Карапетяном, Католикосом, «разоблачением заговора», уголовными делами против оппозиционных депутатов и прочим… Встреча, ради достижения прогресса в которой, Пашинян предварительно посетил Эрдогана и получил его благословение.
-
2025-07-10 09:23Прослушал интервью Генпрокурора 1-му каналу. Ну что сказать… Да, с первых дней говорили, как притянуты за уши обвинения против Самвела Карапетяна, священнослужителей и других. Говорили с первых дней, что имеем дело с заказом Никола Пашиняна, потребовавшего от правоохранителей поспешить с «разоблачением». Говорили, что легко предположить, что Абазян подал в отставку, поскольку именно его ведомство начало процесс, и он как опытный оперативник видел, что на основании имеющегося материала трудно говорить о раскрытии «государственного переворота». С правовой, а не с политической точки зрения. Тем более, обосновать в суде, тем более, так, чтобы общественность в это обоснование поверила.
-
2025-07-09 10:12В своих шагах против Армянской апостольской церкви и ее главы Пашинян действовал по ему привычном лекалу. Сначала полагал, что одного слова его, «великого и ужасного», будет достаточно, чтобы Католикос сложил с себя полномочия. Оказалось – недостаточно. Тогда решил создать общественные отряды, которые, предполагалось, взяли бы на себя функцию «общественной атаки» на Церковь. Не удалось, призыв остался без ожидаемого резонанса.
ПОСЛЕДНЕЕ ПО ТЕМЕ
-
2022-03-07 20:00Մի «ըմբոստ» միտք, որը ցանկանում եմ կիսել ձեզ հետ։ Այն ամփոփված է նրանում, որ Ուկրաինայում ռազմական գործողություն անցկացնելու Պուտինի որոշման վրա, ի թիվս այլ գործոնների, ազդել է նաև 2020-ի աշնան 44-օրյա պատերազմը Լեռնային Ղարաբաղում։ Փորձեմ պարզաբանել։