2023-02-08 09:27
Информагентства
Իրանի ԱԱԽ ղեկավարը հայտարարել է ՌԴ-ի հետ հարաբերությունների ճանապարհային քարտեզի վերանայման անհրաժեշտության մասին
Իրանի ազգային անվտանգության բարձրագույն խորհրդի քարտուղար Ալի Շամհանին բարձր է գնահատել Ռուսաստանի հետ հարաբերությունների ընդլայնումը տարբեր ոլորտներում, հաղորդում է Tasnim-ը:
Շամհանին ժամանել է Մոսկվա՝ մասնակցելու տարածաշրջանային անվտանգության շուրջ երկխոսության հինգերորդ նստաշրջանին, որը նվիրված է Աֆղանստանում տիրող իրավիճակին:
Ժամանելուն պես ելույթ ունենալով լրագրողների առջև՝ նա հայտնել է, որ Իրանի և Ռուսաստանի միջև հարաբերությունները տարբեր ոլորտներում, ներառյալ տնտեսությունը, պաշտպանությունը, անվտանգությունը, գիտական և առևտրային կապերը, արմատապես զարգանում են։
Շամհանին հայտարարել է, որ տարբեր ոլորտներում կապերի կայուն զարգացումն ապահովելու համար անհրաժեշտ է վերանայել և իրականացնել երկկողմ հարաբերությունների ճանապարհային քարտեզը, որը մշակվել է երկու երկրների ղեկավարների կողմից:
Ինչ վերաբերում է Աֆղանստանի հարցով Մոսկովյան ձևաչափով խորհրդակցություններին, նա ասել է, որ հանդիպմանը քննարկվելու են Աֆղանստանում քաղաքական, տնտեսական և անվտանգության ոլորտի իրադարձությունները:
Աֆղանստանի խնդիրները բխում են օկուպանտների անարդյունավետությունից և բռնազավթմանը հաջորդած իրադարձություններից, հավելել է նա՝ նախազգուշացնելով, որ Աֆղանստանը կարող է դառնալ տարածաշրջանային կրիտիկական կետ:
2017-ին մեկնարկած Աֆղանստանի հարցով մոսկովյան ձևաչափով խորհրդատվությունները տարածաշրջանային հարթակ են՝ Ռուսաստանի, Իրանի, Աֆղանստանի, Հնդկաստանի, Չինաստանի և Պակիստանի հատուկ դեսպանորդների մասնակցությամբ: Նրա մանդատը միջազգային աջակցություն ունեցող այն ժամանակվա Քաբուլի կառավարության և «Թալիբան» շարժման միջև քաղաքական հաշտեցմանը նպաստելն է, խաղաղության հաստատումը և տարածաշրջանային անվտանգության ապահովումը։
News.am
ПОСЛЕДНИЕ ОТ АВТОРА
-
New2025-07-05 10:35В Армении продолжается работа над реализацией проекта "сухой порт" в Гюмри. Об этом Sputnik Армения сообщили в министерстве экономики в ответ на письменный запрос.
-
New2025-07-05 10:33Армения 5 июля отмечает День Конституции.
-
New2025-07-05 10:27Заместитель директора Центра комплексных европейских и международных исследований факультета Мировой экономики и мировой политики НИУ ВШЭ Дмитрий Суслов прокомментировал Alpha News кризис в отношениях Москвы с Баку и Ереваном, политику России на Южном Кавказе, а также позицию США по конфликту на Украине и отношениям с Россией. По словам эксперта, кризис с Азербайджаном носит откровенно политический характер, который искусственно раздувают в Баку.
-
New2025-07-05 10:22Операция по задержанию архиепископа Микаэла Аджапахяна в Первопрестольном Эчмиадзина с участием Управления по борьбе с терроризмом СНБ была позорным зрелищем. Об этом заявил в интервью Sputnik Армения лидер партии "Отечество", бывший директор СНБ, генерал-майор Артур Ванецян.