Последние новости
2023-08-15 15:21
0

ԱՄԵՐԻԱԲԱՆԿԸ ՀԱՂԹՈՂ Է ՃԱՆԱՉՎԵԼ «GLOBAL FINANCE» ԱՄՍԱԳՐԻ «ԱՇԽԱՐՀԻ ԼԱՎԱԳՈՒՅՆ ԹՎԱՅԻՆ ԲԱՆԿ» ՄՐՑԱՆԱԿԱԲԱՇԽՈՒԹՅԱՆ 3 ԱՆՎԱՆԱԿԱՐԳՈՒՄ

0
Telegram

Ամերիաբանկն արժանացել է «Global Finance» միջազգային հեղինակավոր ամսագրի 3 մրցանակի «Աշխարհի լավագույն թվային բանկ» մրցանակաբաշխության շրջանակում, մասնավորապես` «Լավագույն նորարարությունը և տրանսֆորմացիան Հայաստանում 2023թ.», «Լավագույն օնլայն պրոդուկտային առաջարկները Հայաստանում 2023թ.» և «Լավագույնը սպառողական վարկավորման ոլորտում Հայաստանում 2023թ.»:

Հաղթողներն ընտրվել են ըստ մի շարք չափանիշների, ինչպիսիք են թվային ծառայություններից օգտվող հաճախորդներին ներգրավելու և սպասարկելու ռազմավարության արդյունավետությունը, թվային ծառայություններից օգտվող հաճախորդների քանակական աճը, առաջարկվող թվային պրոդուկտների բազմազանությունը, թվային նախաձեռնությունների արդյունքում հաճախորդների սպասարկման որակի բարելավումը, ինտերնետային կայքի/բջջային հավելվածի կառուցվածքն ու ֆունկցիոնալությունը, ինչպես նաև առցանց առաջարկվող պրոդուկտների առավելություններն ու ներդրման հաջողությունը:

«Global Finance» ամսագրի հիմնադիր և գլխավոր խմբագիր Ջոզեֆ Ջիարապուտոն նշեց. «Արհեստական բանականության և մեքենայական ուսուցման արագընթաց զարգացման պայմաններում լավագույն թվային պրոդուկտների չափանիշները շարունակաբար փոփոխվում են: «Global Finance»-ի «Լավագույն թվային բանկ» մրցանակաբաշխության շրջանակներում մրցանակներ են շնորհվում այն ֆինանսական հաստատություններին, որոնք թվայնացման առաջամարտիկներն են»:

«Ժամանակակից թվային տեխնոլոգիաների ներդրման միջոցով բիզնեսի համակողմանի և շարունակական տրանսֆորմացիան մեր ռազմավարական գերակայություններից է։ Այդ ճանապարհը մենք դեռ տարիներ առաջ ենք սկսել՝ նպատակաուղղված և հետևողական աշխատանքով կատարելագործելով ու զարգացնելով մեր թվային լուծումներն ու էկոհամակարգերը։ Այս մրցանակները մեր հաճախորդների համար լավագույն թվային փորձառությունն ապահովելուն ուղղված մեր ջանքերի արդեն միջազգային մակարդակով ճանաչումն ու գնահատումն են»,- նշեց Ամերիաբանկի Մանրածախ բանկինգի տնօրեն Արման Բարսեղյանը:

2023թ. I կիսամյակում բանկի.

- ընդհանուր գործարքների 98%-ն իրականացվել է հեռավար և թվային ուղիներով,

անկանխիկ գործարքների 82%-ն իրականացվել է առանց բանկի մասնաճյուղ այցելելու,

- հաշվետեր հաճախորդների 73%-ն օնլայն բանկինգի օգտատեր է,

- մոբայլ և ինտերնետ բանկինգ համակարգերի օգտատերերի քանակը 2022թ. տարեվերջի համեմատ աճել է 24%-ով,

- սպառողական վարկերի ընդհանուր պորտֆելում առցանց տրամադրված վարկերը կազմել են 76%,

- առաջնային շուկայի հիփոթեքային վարկերի 33%-ը տրամադրվել է թվային ուղիներով,

- մինչև 750 մլն ՀՀ դրամ տարեկան շրջանառություն ունեցող փոքր և միջին ձեռնարկություններին տրամադրված վարկերի 70%-ը տրամադրվել է թվային ուղիներով:

Նշենք, որ Ամերիաբանկը ներկայումս առաջարկում է շուրջ 45 առցանց ծառայություն:

Ամերիաբանկի մասին

Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը, որի ակտիվները գերազանցում են 1 տրիլիոն ՀՀ դրամը: Ընթանալով թվայնացման ճանապարհով` Բանկը ներդրել է մի շարք նորարար ծրագրեր ու հարթակներ և շարունակում է կատարելագործել դրանք` ձևավորելով մարդու տարատեսակ կարիքների բավարարմանն ուղղված, դինամիկ զարգացող ֆինանսատեխնոլոգիական միջավայր:

Ամերիան առաջինը Հայաստանում ստեղծել է էկոհամակարգեր ՓՄՁ-ների և անհատների համար` ապահովելով հասանելիություն բանկային և ոչ բանկային մի շարք ծառայությունների մեկ պատուհանի սկզբունքով` Estate.ameriabank.am, Automarket.ameriabank.am, Business.ameriabank.am:

Լինելով հաճախորդամետ` Ամերիան ձգտում է ապահովել սպասարկման բարձր որակ` վստահելի և անվտանգ ֆինանսական տեխնոլոգիաների միջավայրում առաջարկելով կյանքի որակը բարելավելու ամբողջական լուծումներ:

Ամերիաբանկը վերահսկվում է ՀՀ Կենտրոնական բանկի կողմից:

Основная тема:
Ամերիաբանկ

Теги:
Ամերիաբանկ

    ПОСЛЕДНИЕ ОТ АВТОРА

    • ЖУРНАЛИСТЫ ВНОВЬ СЕЛИ ЗА ШАХМАТНУЮ ДОСКУ
      2024-11-25 05:19

      23 ноября в Академии шахмат Армении (АША) состоялся второй этап клубного чемпионата страны. Соревнование проходит в 3 этапа, во втором из них приняли участие 21 команда в турнире A и 11 команд в турнире B.

    • Тигран АБРАМЯН: ПОД ВЫВЕСКОЙ ДЕЛИМИТАЦИИ АЗЕРБАЙДЖАН УКРЕПЛЯЕТСЯ
      2024-11-23 09:41

      Азербайджан шаг за шагом, постепенно выполняет свою задачу: под вывеской делимитации окапывается и будет действовать в соответствии с ситуацией – как и в какой момент ему выгодно. Так член Исполнительного органа РПА, депутат фракции «Честь имею» Тигран Абрамян прокомментировал 168.am заявление командира погранвойск Азербайджана Араза Мамедова о том, что в следующем году в селах Кызыл Гаджили, Хейримли, Неркир Воскепар, Баганис-Айрум будут построены новые погранзаставы.

    • СМЕРТЕЛЬНЫЙ СЛУЧАЙ В РЕЗУЛЬТАТЕ НАРУШЕНИЯ ПРАВИЛ ДОРОЖНОГО ДВИЖЕНИЯ
      2024-11-21 16:15

      21 ноября на перегоне Советакан-Эчмиадзин на неохраняемом переезде автомобиль марки «БМВ» в нарушение правил дорожного движения выехал на железнодорожные пути, не остановившись перед знаком «СТОП». В результате произошло столкновение автомобиля со следующим по перегону тепловозом компании «Южно-Кавказская железная дорога».

    • АМЕРИАБАНК ПРИСОЕДИНЯЕТСЯ К ФОРУМУ ENGAGEARMENIA2024 СО СПЕЦИАЛЬНЫМ ПРЕДЛОЖЕНИЕМ ДЛЯ СООТЕЧЕСТВЕННИКОВ ИЗ ДИАСПОРЫ
      2024-11-20 19:12

      Америабанк примет участие в форуме EngageArmenia2024, который пройдет 23 ноября в Дубае. Форум является динамичной площадкой для предложений, предусмотренных для соотечественников из диаспоры, с возможностью проведения панельных дискуссий и установления новых связей.

    ПОСЛЕДНЕЕ ПО ТЕМЕ