2025-04-25 18:59
Информагентства
Հնդկաստանի հետախուզությունը նախազգուշացրել է նոր ահաբեկչությունների հնարավորության մասին
Հնդկաստանի հետախուզական ծառայությունները նախազգուշացրել են Ջամու և Քաշմիր նահանգում նոր ահաբեկչությունների հնարավորության մասին՝ ուղղված երկրի այլ շրջանների բնակիչների դեմ: Այս մասին հայտնում է News 18 հեռուստաալիքը՝ հղում անելով իր աղբյուրներին։
«Նախազգուշացման մեջ ասվում է, որ Պակիստանի միջգերատեսչական հետախուզությունը և դրա հետ կապված ահաբեկչական կազմակերպությունները ծրագրում են ավելի շատ հարձակումներ իրականացնել, որոնք ուղղված կլինեն հատուկ զբոսաշրջիկների/ոչ տեղացի բնակիչների, ոստիկանության աշխատակիցների և Քաշմիրի պանդիտների (ուսուցիչների, քահանաների- խմբ.) դեմ, հատկապես Սրինագար և Գանդերբալ շրջաններում»,-պնդում են հեռուստաալիքի աղբյուրները:
Հետախուզության աղբյուրները նախազգուշացրել են նաև երկաթուղային ենթակառուցվածքներին և երկաթգծի անձնակազմին ուղղված հնարավոր ահաբեկչությունների մասին։
Էսկալացիայի առիթ է դարձել ապրիլի 22-ին Փեհելգամ քաղաքում (Ջամու և Քաշմիր տարածք) տեղի ունեցած ահաբեկչությունը, որտեղ զոհվել է Հնդկաստանի 25 և Նեպալի մեկ քաղաքացի, բազմաթիվ մարդիկ վիրավորվել են: Հնդկական հատուկ ծառայությունների վարկածով՝ հարձակման պատասխանատվությունը կրում է «Լաշքար Է Թայբա» խմբավորումը (արգելված է ՌԴ-ում)՝ Պակիստանի միջգերատեսչական հետախուզության աջակցությամբ, հաղորդում է The Hindustan Times-ը:
Ի պատասխան՝ Հնդկաստանը գրեթե կիսով չափ կրճատել է Իսլամաբադում դեսպանատան աշխատակազմը, վտարել է պակիստանցի ռազմական խորհրդականներին, փակել է «Աթթարի» սահմանային կետը, կասեցրել է ջրային ռեսուրսների բաշխման մասին համաձայնագիրը և Պակիստանի քաղաքացիներին վիզաների տրամադրումը:
Նախօրեին Հնդկաստանը պաշտոնապես դադարեցրել է Ինդոս գետից ջրի մատակարարումը Պակիստան՝ փակելով բոլոր չորս ջրարգելները, որոնցով ջուրը ամբարտակներով ու ջրանցքներով հոսում էր հարևան պետության տարածք: Տեղեկությունը հաստատում է կառավարության հրապարակած տեսանյութը, որում արձանագրվել է ջրամատակարարման դադարեցման պահը։
Sputnik Արմենիա
ПОСЛЕДНИЕ ОТ АВТОРА
-
New2025-04-28 10:59Президент Ирана Масуд Пезешкиан в интервью гостелевидению Азербайджана на вопрос о т.н. "Зангезурском коридоре" заявил, что стороны не должны засматриваться на чужую территорию. Об этом в своем Telegram-канале написал иранист Артем Тоноян.
-
New2025-04-28 10:59Тема украинского кризиса обсуждалась в телефонном разговоре главы МИД России Сергея Лаврова и госсекретаря США Марка Рубио, сообщает российское внешнеполитическое ведомство.
-
New2025-04-28 09:31Мы продолжаем наши контакты с американской стороной по ситуации на Украине. Есть ряд признаков того, что мы движемся в верном направлении. Об этом в интервью телеканалу CBS News заявил глава МИД России Сергей Лавров.
-
New2025-04-28 09:29Министр обороны Германии Борис Писториус заявил в воскресенье, что Украине не следует соглашаться на последнее предложение президента США Дональда Трампа о передаче части территории в обмен на прекращение огня с Россией, поскольку это было бы сродни «капитуляции».