Последние новости

ԴԱՍԱԼԻՔԻ ԺԱՄԱՆԱԿԸ

Խորհրդարանը հասարակության արտացոլումն է։ Համենայն դեպս ենթադրվում է, որ այդպես պետք է լինի։ Ըստ գաղափարի։ Այդ ենթատեքստում հետաքրքիր են տվյալները, որ ներկայացնում է հետաքննչական ժուռնալիստիկայի Hetg.am կայքը։ Տվյալներն այդ վերաբերվում են զինվորական ծառայության հետ մեր պատգամավորների փոխհարաբերություններին։

Ահա ուրեմն, «Իմ քայլը» կառավարող դաշինքում կա 88 պատգամավոր. 23 կին և 65 տղամարդ։ Այդ 65-ից զինվորական ծառայությունից ազատված են 29-ը։ Այսինքն երեք մարդ է պակասում, որ դա կազմի կառավարող կուսակցության արական սեռի ներկայացուցիչների կեսը։ Տոկոսային հարաբերակցությամբ մոտավորապես նույնպիսի իրավիճակ է «Լուսավոր Հայաստան»-ում։ «Բարգավաճ Հայաստան»-ում վիճակը քիչ ավելի լավ է. չի ծառայել խմբակցության մոտավորապես ամեն չորրորդ պատգամավորը։ Եվ սա մի երկրում, որը գտնվում է «ոչ խաղաղություն, ոչ պատերազմ» վիճակում։ Սա դեռ մեղմ ձևակերպում է, եթե հիշենք Ադրբեջանի մշտական սադրանքները, դիպուկահարային պատերազմը, պարբերական դիվերսիաները, 2016 թվականի Ապրիլյան պատերազմը։

Նշենք, որ զինծառայության պարտքից ազատված «Իմ քայլը» խմբակցության 29 պատգամավորների ավելի սակավաթիվ մասը չի ծառայել ակադեմիական տարեկետումների կամ ընտանեկան դրության պատճառով, իսկ մեծամասնությունն ազատվել է առողջության հետ կապված կամ իբր այդ խնդիրների հետևանքով։ Թեպետ, եկեք հիմք ընդունենք անմեղության կանխավարկածը, քանի որ առանց ավելորդ կասկածամտութան էլ պատկերը վհատեցնող է։

Չէ՞ որ եթե ելնենք նրանից, որ խորհրդարանը հասարակության արտացոլում է, ապա պետք է արձանագրել, որ երկրի արական սեռի բնակչության գրեթե կեսը հիվանդ է։ Այն աստիճան հիվանդ, որ անկարող է կատարել իր զինվորական պարտքը։ Կամ էլ մեր հասարակությունն է այն աստիճան հիվանդ, որ խորհրդարանի անդամ է ընտրում մեծամասամբ ֆիզիկապես անառողջ մարդկանց։ Այնքան անառողջ, որ անկարող են ծառայել բանակում

Նշենք նաև, որ կառավարող խմբակցության ներկայիս պատգամավորներին մեծամասամբ դժվար է կասկածել նախկին հանրապետական իշխանության ղեկավարների հետ ունեցած սերտ կապերի մեջ։ Այսինքն բոլոր խոսակցություններն այն մասին, որ նախկինում բանակում չէին ծառայում իշխանությանը մոտ կանգնած անձանց զավակները, անհիմն են։ Ստիպված ենք փաստել, որ եթե մոռանանք անմեղության կանխավարկածի մասին, ապա ծառայությունից խուսափելու հարցերի հետ կապված կոռուպցիան բանակում լիովին տարածվել և հետևաբար ընդունվել ու խրախուսվել է նաև ընդդիմադիր տրամադրված ընտրազանգվածի կողմից, որը ներկայումս եկել է իշխանության։ Կամ, եթե այնուամենայնիվ հարգենք անմեղության կանխավարկածը, ապա պետք է հանգել այն եզրակացության, որ նախկին իշխանություններին հակադրվող ընդդիմությունը իր մեծամասնությամբ բաղկացած էր անառողջ մարդկանցից։

Նույնիսկ դժվար է հասկանալ, թե որ եզրահանգումն է ավելի լավատեսական պետության համար։ Ըստ երևույթին՝ այնուամենայնիվ այն, որ ներկայիս խորհրդարանը բազմաթիվ առումներով թյուրիմացություն է, ձևավորված էյֆորիայի ազդեցության տակ, և իրական վիճակն այն չի արտացոլում

Մի առիթով վիճակվեց բանավիճել այն թեմայով, թե որքանով ճիշտ կլինի մեղադրանքներ ներկայացնել Նիկոլ Փաշինյանին այն բանում, որ նա պատրաստ է «ծախել» կամ «հանձնել» հայտնի տարածքներըՓաշինյանի կողմնակիցներն ասում են, թե նման պնդումներն անհեթեթություն են, դե, իսկ որպես նորագույն փաստարկ մեջբերում են Փաշինյանի ելույթը Իրանի հայ համայնքի հետ հանդիպման ժամանակ։ Բայց չէ՞ որ խնդիրը բնավ այն չէ, թե Փաշինյանը «կծախի» կամ «կհանձնի». նա այնուամենայնիվ քաղաքականության ոլորտում է ավելի քան 20 տարի, դա ինչ-որ բան նշանակում է։ Չենք խոսում արդեն այն մասին, որ եթե անգամ նա սաստիկ ցանկանար դա անել, ինչը բացառում ենք, միևնույնն է, չէր ստացվի։ Ո՞վ նրան թույլ կտա նման բան։ Բայց խնդիրն այլ է։ Խնդիրը Փաշինյանի իշխանության գալու հետ կապված միտումներն են։

Վերը ներկայացված օրինակով տեսնում ենք այդ վտանգավոր միտումների առվակներից միայն մեկը։ Տեսնում ենք, որ Հայաստանում իշխանության են եկել ոչ միայն երիտասարդներ, որոնք զուրկ են պետական գործունեության փորձից, երկրի առջև ունեցած որևէ վաստակից, եթե այդպիսին չհամարենք Սորոս և ընկ.-ից ստացած գրանտները, չունեն անհրաժեշտ ըմբռնումը բոլոր այն գործընթացների, որ տեղի են ունեցել անկախ Հայաստանում, առանց ինչի շատ դժվար է ճիշտ եզրահանգումներ անել, այլև մարդիկ, որոնք, նույնիսկ եթե նրանց չհամարենք դասալիքներ, պարզապես ոչ մի կապ չունեն բանակի հետ։ Բանակի, որը երկրի անվտանգությունն ապահովող կարևորագույն կառույցն է Հայաստանի համար։ Եվ երկրի համար այդ կարևորագույն կառույցի հետ կապված հարցերը նույնպես պիտի լուծեն դրանից ոչինչ չհասկացող քաղաքական գործիչներ, որոնց համար հանրապետության անվտանգության հարցերը ինչ-որ վիրտուալ, սելֆիի համար ոչ պիտանի բան ենԴա նույնն է, թե վստահես թռչնաբուծության զարգացման հարցերը մի մարդու, որը հավ տեսել է միայն հեռուստացուցով կամ շաուրմայի տեսքով։

Չենք խոսում արդեն այն մասին, որ, մեղմ ասած, ֆիզիկապես ոչ այնքան առողջ այդ մարդիկ, համոզված ենք, թե Արցախի հարցի հետ ևս նույնպիսի «բարեկամական» հարաբերություններում են, ինչպես անվտանգության ու բանակային ծառայության հարցերի։ Եկեք հուսանք, որ պատգամավոր ընտրվելուց հետո նրանք գոնե կայցելեն Արցախ, որպեսզի իմանան նրա տեղը ոչ միայն քարտեզի վրա։

Ահա և ստացվում է, որ թեև Փաշինյանը ոչ մի բան ծախել չի պատրաստվում, բայց նրա գործունեության արդյունքում Հայաստանում իշխանության մի շարք լծակներ անցել են մարդկանց, որոնց մտապատկերում երկրի համար կարևոր մի շարք կատեգորիաներ (բանակ, անվտանգություն, Արցախ) մի տեսակ վիրտուալ, մաշկով չզգացած հասկացություններ են։ Եվ երբ գա ընտրելու ժամանակը (իսկ դա անպայմա՛ն կգա), այդ մարդկանց ընտրությունը շատ ու շատ կասկածելի կլինի, և հետևաբար՝ ոչինչ «չծախելու» և «չհանձնելու» համար արդեն ոչ թե Փաշինյանը, այլ մենք բոլորս միասին ստիպված կլինենք թանկ գին վճարել

Основная тема:
Теги:

    ПОСЛЕДНИЕ ОТ АВТОРА

    • НОВОЕ ДОСТИЖЕНИЕ КОМАНДЫ ПАШИНЯНА
      2023-02-01 19:13
      1285

      Армянское представительство компании Gallup опубликовало результаты социологического опроса, проведенного в Армении во второй половине января. Согласно результатам опроса, в вопросах безопасности Армении 40,1% опрошенных ожидают военно-политическую поддержку от Ирана; 34,2% - от Франции; 30% - от России; 27,8% - от США; 25,6% - от Индии, ну и так далее. Впрочем, добавим, что от Совбеза ООН поддержки ожидает 1,4% опрошенных, а от ОДКБ, военно-политического блока, членом которого является Армения – 0,3% …

    • ТАМ, ЗА ТУМАНАМИ
      2023-01-31 10:07
      1428

      Азербайджан эвакуировал из Ирана персонал своего посольства. Оставил только консульство в Тебризе. Предлог – нападение на Посольство Азербайджана в Тегеране. В Азербайджане называют это террористической атакой, хотя о каком теракте можно говорить, когда уже ясно, что причина нападения в том, что один азербайджанец хотел свести личные счеты с другим азербайджанцем.

    • КРУТЫЕ СТАВКИ
      2023-01-28 11:08
      2308

      Западники бывают разные. Есть адекватно прозападные, есть маразматически прозападные. Это те, кто думает, что, если сегодня с пеной на губах будут кричать, что завтра Россия рухнет, то так оно завтра и будет. Ну а если так не происходит и Армения до сих пор в ОДКБ, хотя прогнозировали, что к концу минувшего года выйдем из этой структуры, то это ничего не значит. Значит, это все происки России, что она до сих пор не рухнула, но это все равно случится завтра, а если нет, то снова завтра. И так десять раз подряд, как в одном не очень смешном анекдоте.

    • ГЛАВНОЕ - НЕ ПРЕДАВАТЬ
      2023-01-27 10:01
      1997

      Режим наследственного султаната Алиева продолжает политику этнической чистки Арцаха – очередного, по замыслу Эрдогана и Алиева, акта, направленного на Геноцид армян на своей родине. По-прежнему продолжается блокада непризнанной республики, периодически перекрывается газоснабжение, Азербайджан обесточил ЛЭП, которая передавала энергию из Армении в Арцах. Как последствие блокады, из-за невозможности обеспечить оказание необходимой медицинской помощи, погибло уже несколько человек.






    ПОСЛЕДНЕЕ ПО ТЕМЕ

    • ՆԻԿՈԼԻ ԼՌՈՒԹՅՈՒՆԸ
      2022-08-29 14:51
      419

      Եվ այսպես, Բերձորը, Աղավնոն և Ներքին Սուսը հանձնվեցին։ Այս շաբաթ, ինչպես հայտարարում է Արցախի տարածքային կառավարման և ենթակառուցվածքների նախարար Հայկ Խանումյանը, կհանձնվի նաև Լաչինով անցնող ճանապարհը։ Իսկ Նիկոլ Փաշինյանը լռում է։

    • ԱՅՍՊԵՍ ՀԵՔԻԱԹՆ ԱՎԱՐՏՎԵՑ, ՈՎ ՉՀԱՎԱՏԱՑ՝ ՄԱԼԱԴԵ՛Ց
      2022-04-02 08:48
      734

      Բայց ի՜նչ գեղեցիկ հեքիաթ էր: «Թուրքիան պատրաստ է կարգավորել Հայաստանի հետ հարաբերություններն առանց նախապայմանների»,- երդում-պատառ էին ուտում մեր պետական այրերը։ Դե, թուրքերն էլ ողորմածաբար ժպտում էին, թե՝ այո, իհա՜րկե, առանց նախապայմանների, հայ եղբայրներ, առանց նախապայմանների։ Ի՞նչ նախապայմաններ։ Արցախը դուք առանց այդ էլ հանձնեցիք, գրեթե ամբողջությամբ, ցեղասպանության թեման Երևանը չի լոբբինգավորում, սահմանների առումով դժգոհություններ չկան…

    • ՀԱՍԱՐԱԿՈՒԹՅԱՆ ԳԼԽԱՎՈՐ ՊԱՀԱՆՋԸ
      2021-02-08 20:38
      634

      Վերջին զվարճալի նորությունը. «Իր ուսապարկերը» խմբակցությունը հանդիպել է վարչապետի հետ և որոշել, որ «հասարակության լայն շերտերի շրջանում չկա արտահերթ ընտրությունների պահանջ»: Նրանք վճռել են, թե իրենք կարող են ինչ-որ բան վճռել։ «80+ ուսապարկերը որոշել են, թե կարելի է ապաշնորհ տանուլ տալ պատերազմը, ծնկի գալ թշնամու առաջ, վաճառել հայրենիքն ու շարունակել մնալ իշխող կուսակցություն»։

    • ԱՆԿՈՏՐՈՒՄ ԱՐՑԱԽ
      2021-02-05 08:41
      563

      Արցախի անվտանգության խորհրդի քարտուղար Վիտալի Բալասանյանը Արցախի հեռուստատեսությամբ հանդես է եկել հայտարարությամբ, որում հերքել է այն լուրերը, թե Ստեփանակերտի պետական շենքերի վրա տեղադրվելու են ադրբեջանական դրոշներ, թե ադրբեջանցիները գնումներ են կատարում Ստեփանակերտի առևտրի կետերում, իսկ քաղաքի առանձին թաղամասեր բնակեցվելու են ադրբեջանցի ընտանիքներով: