Последние новости
2022-08-29 14:51

ՆԻԿՈԼԻ ԼՌՈՒԹՅՈՒՆԸ

0
Telegram

Եվ այսպես, Բերձորը, Աղավնոն և Ներքին Սուսը հանձնվեցին։ Այս շաբաթ, ինչպես հայտարարում է Արցախի տարածքային կառավարման և ենթակառուցվածքների նախարար Հայկ Խանումյանը, կհանձնվի նաև Լաչինով անցնող ճանապարհը։ Իսկ Նիկոլ Փաշինյանը լռում է։

Օգոստոսի սկզբին նա խոսում էր այն մասին, որ հայկական կողմը համաձայնություն չի տվել Հայաստանն Արցախի հետ կապող նոր ճանապարհի նախագծին՝ դեռևս գործող Լաչինի միջանցքի փոխարեն: Ասաց, իսկ հետո լռեց։ Հետագա մեկնաբանություններ այն մասին, թե ինչու ենք մենք, հակառակ 09.11.2020-ի եռակողմ համաձայնագրի տակ իր ստորագրության, հանձնում ճանապարհը, թեև նման բան, համենայնդեպս այս տարվա պարագայում, այդ համաձայնագրով նախատեսված չէ, վարչապետից չհաջորդեցին։

Մեր կարծիքով՝ Նիկոլը լռում է երկու պատճառով։ Նախ, մեկնաբանել իրավիճակը՝ կնշանակի, որ իր ստորագրությունը բացարձակապես ոչ մի արժեք չունի։ Կնշանակի՝ ընդունել, որ միջազգային ասպարեզում իրեն ընդհանրապես չեն դիտարկում որպես սուբյեկտ, որի հետ պետք է հաշվի նստել, և որի հետ պայմանավորվածությունները պետք է պահպանել. նա զրո է այդ առումով։ Քանի որ եթե այսօր նա ինչ-որ բան ստորագրել է, դա բնավ չի նշանակում, թե վաղը չի անի ճիշտ հակառակը։

Եվ եթե այսօր Նիկոլը հրաժարվում է Նախիջևանի հետ արտատարածքային միջանցքի ադրբեջանական պահանջից՝ վկայակոչելով ինչ-որ պայմանավորվածություններ, փաստաթղթեր և արդեն հիշատակված եռակողմ համաձայնագիրը, դա ոչինչ չի նշանակում։ Վաղը նա նույնքան լուռումունջ կարող է հանձնել «միջանցքը», ինչպես որ այսօր հանձնեց Բերձորը, Աղավնոն ու Ներքին Սուսը և այնտեղ ապրող մեր հայրենակիցներին։

Երկրորդ պատճառը, թե ինչու է մեր մեծն դատարկախոսը լռում Լաչինի միջանցքի իր զիջումների մասին, այն է, որ այստեղ դժվար է մեղքը բարդել նախկինների վրա, ինչպես նա սիրում է և սովոր է անել։ Եթե նախկինում տխմարություններ էր բարբաջում այն մասին, թե նախկինները ճանաչել են Արցախն Ադրբեջանի մաս՝ 1992-ին ինչ-որ բան ստորագրելով ԱՊՀ շրջանակներում, եթե նախկինում նա ճամարտակում էր, թե հանձնել է յոթ շրջանները, որովհետև «նախկինները», միևնույնն է, բանակցում էին դրանք հանձնելու շուրջ, եթե նախկինում նա «դժգույն ու դժբախտ» Շուշիի հանձնումը «հիմնավորում էր» նրանով, թե բանակցային գործընթացում «նախկինների», քննարկած փաստաթղթերի համաձայն՝ ադրբեջանցի փախստականները պետք է վերադառնային այնտեղ, ապա… Ապա Լաչինի միջանցքի հարցում նույնիսկ այդ «տրամաբանության» շրջանակներում նա ասելիք չունի։

Քանզի բանակցային գործընթացի 30 տարիների ընթացքում միջնորդները ոչ մի անգամ չեն առաջարկել Ադրբեջանին հանձնել դեռևս գործող միջանցքը և փոխարինել դա այլ ճանապարհով։ Հակամարտող կողմերի դատին միջնորդների ներկայացրած ոչ մի փաստաթղթում նման բան չի առաջարկվել։ Եթե Լաչինի միջանցքի վերաբերյալ ինչ-որ բան էլ քննարկվել է, ապա դա լոկ դրա անհրաժեշտ լայնությունն էր՝ հայկական կողմի համար անվտանգ օգտագործման նպատակով։

Այնպես որ Բերձորի հանձնման մեղքը «նախկինների» վրա բարդել ոչ մի կերպ չի ստացվում։ Ճիշտ է, կա պահեստային տարբերակ. կարելի է բարդել ռուսների վրա։ Բայց այստեղ խնդիրն այն է, որ պաշտոնապես Փաշինյանը չի կարող իրեն թույլ տալ այդպես ստել։ Կվախենա։ Թերևս միայն՝ իրեն ենթակա ԶԼՄ-ների և քաղաքական գործիչների միջոցով։ Այն էլ «ողջամտության սահմաններում»։

Քանզի այդ առումով էլ, ոչ պաշտոնապես խրախուսելով երկրում «նոր ռուս հեղափոխականների» գործունեությունը, չափն անցել են։ Եվ Հայաստանն այսօր հիշեցում է Առաջին համաշխարհային պատերազմից առաջ ռուս գաղթականների հանգրվան դարձած Շվեյցարիան։ Առնվազն ցանկացած ճաշակ բավարարող սրճարաններով, որտեղ ներգաղթյալ-վերաբնակները կարող են ազատ քննարկել, ինչպես իրենց է թվում՝ պատերազմում առաջիկա պարտությունից հետո Ռուսաստանի վերակառուցման վերաբերյալ իրենց զառանցալից ծրագրերը։

Основная тема:
Բերձորի հանձնումը

Теги:
Լեռնային Ղարաբաղի խնդիր Լաչինի միջանցք

ПОСЛЕДНИЕ ОТ АВТОРА

  • ГРАНТОЕДЫ НА ДИЕТЕ
    2025-05-22 12:15

    Откровения надо ценить, независимо от того, от кого они исходят. Особенно, когда откровение - на публику, ведь это означает, что человек делится со своим сокровенным. Вот так и Арам Завенович от партии «Республика» поделился у Петроса сокровенным, тем, что очень наболело.

  • «БАСТИОН» ВО ВСЕЙ КРАСЕ
    2025-05-21 12:14

    Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.

  • ЭРАТО ВСТУПИЛА НА ТРОПУ ВОЙНЫ
    2025-05-21 10:02

    Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.

  • ЧЕЛОВЕК ОТВЕРЖЕННЫЙ
    2025-05-21 09:38

    То, что Никол Пашинян выглядел не в своей тарелке на празднествах в Москве, было не только очевидно, но и ожидаемо. Никаких двусторонних встреч, наиболее частый собеседник - Александр Лукашенко, к которому симпатий Пашинян точно не питает… Запоминающийся момент, когда лидер Китая приветствует Лукашенко, а привставшего для рукопожатия Пашиняна просто не замечает? Случайно? Возможно, не специально. Просто Пашинян - такая незначительная для китайского лидера фигура, что можно действительно не обратить внимания на то, привстал он для приветствия или не привстал…

ПОСЛЕДНЕЕ ПО ТЕМЕ