Последние новости

…ԻՍԿ ՄՆԱՑՅԱԼ ԱՌՈՒՄՆԵՐՈՎ ԱՄԵՆ ԻՆՉ ԼԱՎ Է ՄԵՐ ԲԱՆԱԿՈՒՄ

Մեղրիում տեղի ունեցած արտակարգ պատահարը չէր լուսաբանվում այնքան ժամանակ, մինչև որ անցած շաբաթ օրը կառավարության շենքի մոտ եկան պատժված զինվորների ծնողները, որոնք էլ պատմեցին, որ Մեղրիում տեղակայված ստորաբաժանումներից մեկում զինծառայողների բավական տպավորիչ մի խումբ լքել է զորամասն ու հետ վերադարձել միայն ճանապարհին պատահաբար հանդիպած իրենց հրամանատարի հորդորների արդյունքում։

Հապճեպ քննությունից հետո, երբ բացահայտվել են հրահրիչները, նրանց մի մասը որպես պատիժ ուղարկվել է Կապանի կարգապահական զորամաս, մի մասը՝ նույնպիսի ստորաբաժանում Ստեփանակերտում, իսկ այնտեղից էլ՝ առաջնագիծ։ Հենց դա էլ հարուցել է ծնողների վրդովմունքը. նրանցից ոմանք չեն կարողացել կապվել որդիների հետ, որից հետո էլ միջադեպի մասին տեղեկատվությունը ներթափանցել է ԶԼՄ-ներ։ Ծնողները մեղադրում են հրամանատարներից մեկին, որն իբր սադրել է միջադեպը չհիմնավորված պահանջներով։

Ավելի ուշ որոշ պարզաբանումներով հանդես եկավ Պաշտպանության նախարարության մամլո քարտուղար Արծրուն Հովհաննիսյանը։ Նա նշեց, որ քանի որ քննությունը շարունակվում է, ողջ տեղեկատվությունը տրամադրել չի կարող, բայց հայտնեց, որ մի քանի զինվորներ փորձել են պարտադրել իրենց կամքը և հաստատել 90-ական թվականների նմուշի կարգեր։ Նա հաստատեց, որ մի շարք զինծառայողներ պատժվել են. նրանց տեղափոխել են կարգապահական ստորաբաժանումներ, իսկ այնտեղից էլ՝ Արցախի և Հայաստանի առաջնապահ դիրքեր։ Հովհաննիսյանի խոսքերով, պատժվել են նաև պատասխանատու սպաները։

Տեղեկատվությունը ճնշող է, և այստեղ կա մի քանի տեսանկյուն։ Նախ, հիշեցումը 90-ականների մասինԱյսօր միայն ալարկոտը զուգահեռներ չի անցկացնում Տեր-Պետրոսյանի օրոք Հայաստանում տիրող անարխիայի, անցյալի վարկաբեկման և պետական կառույցների ու ինստիտուտների կենսագործունեութան փլուզման և դեպի համընդհանուր խառնաշփոթ տանող այն ուղեգծի միջև, որ հետևողական քայլերով իրականացնում է դիլետանտների ներկայիս կառավարությունը։ Եվ ահա հերթական տխուր զուգահեռը

Նշենք, որ բացառությամբ մեկ դրվագի, մենք չենք մտաբերում հայկական բանակում տեղի ունեցած այնպիսի սկանդալ, որ զինծառայողներն ամբողջ խմբով ինքնակամ լքած լինեն իրենց զորամասը։ Հիշո՞ւմ եք, երբ անցած տարի Նիկոլ Փաշինյանի «թավշե, սիրո և համերաշխության ոչ բռնի հեղափոխության» ժամանակ իր զորամասի սահմանները ինքնակամ լքեց խաղաղարար բրիգադն ու միացավ ցուցարարներին։ Այն ժամանակ ՀՀ պաշտպանության նախարարությունը դատապարտեց այդ քայլը և խոստացավ պատժել մեղավորներին։ Բայց թե ինչով այդ ամենն ավարտվեց, պատիժ կրեցին արդյոք խաղաղարարները, մնաց անհայտ

Եվ ահա նոր արտակարգ պատահար։ Դարձյալ ստիպված ենք խոսել 2018-ի ապրիլին շշից բաց թողած ջինի համախտանիշի մասինԱյն իրադարձություններից հետո, ըստ երևույթին, շատերը որոշել են, որ հիմա թույլատրելի է ամեն ինչ։ Եվ Նիկոլ Փաշինյանին չի հաջողվում հետ քշել այդ ջինին. բաց թողնելն ավելի հեշտ է, քան կրկին փակելը։

Սրան ավելացնենք զինվորականներին հասցեագրված պարբերական բարձրահունչ մեղադրանքները, որոնք ամենևին չեն նպաստում հրամանատարների հեղինակության աճին։ Իսկ այն հորդորներին, որ չի կարելի վարկաբեկել բանակը հորինված կամ ծայրահեղացված մեղադրանքներով, թե «գեներալ Մանվելն առաջնագծում մսի պահածո է գողացել զինվորներից», «գեներալ Արթուրն իր հյուրերին ռեստորաններում հյուրասիրել է անաշխատ եկամուտների հաշվին», իսկ ոչ գեներալ «Քոչարյանը կաշառք է վերցրել Սիլվա Համբարձումյանից», որին երբեք չի տեսել, պատասխանում էին, թե դա «պայքար է կոռուպցիայի դեմ»։ Եվ քանի որ ցանկացած այլ ոլորտներում կոռուպցիայի դեմ պայքարի տեսանկյունից իշխանությունները տեսանելի նվաճումներ չունեն, ապա ստացվում է, թե ամենակոռումպացված կառույցը մեզանում բանակն էր, իսկ ամենից չարանենգ կոռուպցիոներներ հայտարարված են մարդիկ, որոնք անձնական ավանդ ունեն Արցախյան պատերազմում տարած հաղթանակի գործում. Ռոբերտ Քոչարյան, Սերժ Սարգսյան, Յուրի Խաչատուրով, Մանվել Գրիգորյան, Արթուր Աղաբեկյան, Սեյրան Օհանյան, Միքայել ՀարությունյանՈւրեմն արժե՞ արդյոք զարմանալ Մեղրիում տեղի ունեցած միջադեպի վրա։

Եվս մեկ ահազանգ է ՊՆ-ի պաշտոնական կառույցների կողմից ընդունված այն փաստը, որ միջադեպի մեղավորներին որպես պատիժ ուղարկել են առաջնապահ դիրքեր։ Որպես պատիժԵվ ծնողները դրանից վրդովված ենՉենք մեկնաբանի, կսահմանափակվենք լոկ փաստի արձանագրումով։

Կարելի է ասել, որ Մեղրիում տեղի ունեցած միջադեպը ցավալի թյուրիմացություն է, և չարժե դրանից եզրահանգումներ անել բանակային կարգապահության մակարդակի անկման մասին, ինչի պատճառով էլ, ի դեպ, անցած դարասկզբին Հայաստանը զրկվեց բազմաթիվ տարածքներից։ Սորոսի հիմնադրամն այն ժամանակ, ճիշտ է, չկար, բայց կային այլ կազմակերպություններ ու կուսակցություններ, որոնք այնքան եռանդագին էին քարոզում հանդուրժողականություն, մարդու իրավունքներ և այլն, որ Կարսը տվեցին առանց մարտի

Սակայն շեղվեցինք թեմայից։ Եթե Մեղրու միջադեպը համարենք ցավալի թյուրիմացություն ու ենթադրենք, թե մնացյալ առումներով ամեն ինչ լավ է, ապա այդ դեպքում ինչպե՞ս մեկնաբանել հետևյալ իրավիճակը, որի մասին կպատմենք, մեջբերելով «Երկրամաս» թերթի կայքը։

«Լրատվամիջոցներից մեկում ՀՀ պաշտպանության նախարարի ներկայիս խորհրդական, գեներալ-մայոր Վարդան Ավետիսյանը, անդրադառնալով Ապրիլյան քառօրյա պատերազմին, որոշ հայտարարություններ էր արել, որոնց կապակցությամբ 168.am կայքը մեկնաբանության խնդրանքով դիմել է Արցախի Հանրապետության պաշտպանության նախկին նախարար, այժմ՝ Արտակարգ իրավիճակների պետական ծառայության տնօրեն, գեներալ-լեյտենանտ Լևոն Մնացականյանին»։

-Պարոն Մնացականյան, շուտով կլրանա Ապրիլյան քառօրյա պատերազմի երրորդ տարեդարձը: Տարիներ հետո էլ Ապրիլյան պատերազմի հետ կապված իրարամերժ մեկնաբանություններ են հայտնվում լրատվամիջոցներում: Մասնավորապես, լրատվամիջոցներից մեկին տված հարցազրույցում ՀՀ ՊՆ խորհրդական, գեներալ-մայոր Վարդան Ավետիսյանը, անդրադառնալով այդ դեպքերին՝ նշել է. «…Ապրիլյան քառօրյայից 6 ամիս, այնուհետև 3 ամիս, ավելին՝ 1 օր առաջ հետախուզությունը նախազգուշացրել ու տեղեկացրել էր թշնամու քայլերի մասին: Ապրիլի 1-ի՝ լույս 2-ի գիշերը հետախուզությունը դարձյալ տեղեկացրել էր Պաշտպանության բանակի ղեկավարությանն ու Արցախի Հանրապետության նախագահին, որն էլ ապրիլի 1-ին, գիշերը ժամը 00:00-ին, հրավիրել էր Անվտանգության խորհրդի նիստ՝ քննարկելու հետախուզության հաղորդածը: Մինչդեռ սահմանափակվել են մասնակի հանձնարարականներով՝ կարևոր ու էական նշանակություն չտալով հետախուզության տեղեկատվությանը: Այդ մասին ապրիլի 7-ին, այնուհետև՝ ապրիլի 9-ին Արցախի նախագահն ու Պաշտպանության նախարարը ԶԼՄ-ներին պարզաբանում են տվել: Հետևաբար, հանրությանը ապակողմնորոշել ու ասել, թե հետախուզությունն ապրիլին ձախողել է, դա բացահայտ սուտ է և բացարձակ դիտավորություն…»։ Ծանո՞թ եք այս տեքստին, հայտարարություններին:

– Իհարկե, ծանոթ եմ:

– Եվ ինչպե՞ս կմեկնաբանեք:

– Անկեղծ ասած՝ ինձ արդեն չեն զարմացնում բոլոր այն տարօրինակ մեկնաբանությունների հեղինակները, որոնք ոչ միայն անտեղյակ են տվյալ օրերի դեպքերի զարգացման իրական ընթացքին, այլև անզոր են գիտակցելու, որ ամեն մի հորինվածք արժանի է ուշադրության, եթե այն չափի մեջ է: Սակայն առավել քան ցավալի է, երբ նման մեկնաբանությամբ հանդես է գալիս հանրապետության պաշտպանական գերատեսչության բարձրաստիճան պաշտոնատար անձը, տվյալ դեպքում՝ պաշտպանության նախարարի խորհրդականը: Երկար տարիների զինվորական իմ կենսագրությունն ու ռազմական գաղտնիքի պահպանման հանդեպ ունեցած պատասխանատվության զգացումն ինձ հուշում են լինել հավասարակշռված և համբերատարությամբ վերաբերվել իրականությունից անտեղյակ «խորհրդատուների» հորինվածքներին: Կարծես թե ոմանց համար հեշտ է լինել խորհրդատու և, «անհրաժեշտության դեպքում», հանդես գալ ինչ-որ մեկի չարածն արածի տեղ ներկայացնողի դերում:

Ի՞նչ կարելի է ասել։ Մեղրիում տեղի ունեցած միջադեպը, իհարկե, թյուրիմացություն է։ Անչափ ցավալի։ Իսկ մնացյալ առումներով, հիասքանչ մարկիզուհի, հայկական բանակում ամեն ինչ շատ լավ է

Основная тема:
Теги:

    ПОСЛЕДНИЕ ОТ АВТОРА

    • ГЛАВНОЕ УСЛОВИЕ ВОЗРОЖДЕНИЯ
      2021-10-26 14:27
      567

                Президент России Владимир Путин, отвечая на вопросы в ходе Валдайского форума и обстоятельно представляя позицию России по вопросам делимитации и демаркации границы между Арменией и Азербайджаном, а также разблокирования коммуникаций в регионе, обосновывал это необходимостью создания условий для сосуществования и развития Армении и Азербайджана. Иными словами, не надо уповать в этом вопросе только на российский миротворческий контингент и на возможность продления сроков его пребывания в регионе, надо принимать дополнительные меры.

    • ПАШИНЯН МОДЕЛИРУЕТ ГЕОПОЛИТИКУ: СЛОВО ЗА ОППОЗИЦИЕЙ
      2021-10-25 10:38
      1230

      Армянское общество снова взбудоражено. На этот раз сообщениями о том, что ко дню государственного флага Азербайджана, 9 ноября, готовится подписание очередных соглашений между Пашиняном и Алиевым при посредничестве России. Соглашений, которые предусматривают взаимное признание территориальной целостности двух стран, запуск процесса делимитации и демаркации госграницы, а также разблокирование региональных коммуникаций. Точнее, части этих коммуникаций, ибо в первую очередь речь о предоставлении Азербайджану дороги (дорог) в Нахиджеван через территорию Армении.

    • ВОСТРЕБОВАННЫЙ МАРАЗМ
      2021-10-23 14:06
      1935

      В армянском околополитическом поле есть несколько поистине забавных персонажей. Например, Степан Григорян. Возглавляет какую-то неправительственную организацию (НПО) с пышным названием. Как всякий порядочный нпошник, сидящий на западных грантах, знает, в чем состоит его главная задача: выставлять в черном свете все, что как-то связано с политикой Москвы. И потому как задачу эту он уяснил быстро и до самых корней, считает от того себя великим политологом.

    • МОЖНО И ЛУЧШЕ, НО НЕ ПРИ ЭТОЙ ВЛАСТИ
      2021-10-22 14:07
      2834

      Отвечая на вопросы в ходе международного "Валдайского форума" президент России Владимир Путин сделал вчера ряд знаковых заявлений, касающихся перспектив развития ситуации в регионе нагорно-карабахского конфликта. Остановимся на ключевых тезисах относительно долгосрочного урегулирования в регионе в целом.






    ПОСЛЕДНЕЕ ПО ТЕМЕ

    • ԿԱՊԱՆԸ ԳԼԽԱՎՈՐԵԼՈՒ Է ԳԵՂԱՐՎԵՍՏԻ ԱԿԱԴԵՄԻԱՅԻ 29-ԱՄՅԱ ՈՒՍԱՆՈ՞ՂԸ
      2021-10-14 18:43
      484

      Մեր կանխատեսումներն այն մասին, որ «Քաղաքացիական պայմանագիր» խմբակցության պատգամավոր 29-ամյա Դավիթ Դանիելյանը բնակչության հետ հանդիպումների անվան տակ նախընտրական քարոզարշավ էր անցկացնում Կապանում, արդարացան։

    • ԻՇԽԱՆՈՒԹՅՈՒՆԸ ԾԱՆԱԿՈՒՄ Է ՀԵՐՈՍՆԵՐԻՆ, ԻՍԿ ԼՌՈՒԹՅՈՒՆԸ ՄԵԶ ԴԱՐՁՆՈՒՄ է ՀԱՆՑԱԿԻՑ …
      2021-10-13 20:10
      201

      Խափանման ի՞նչ միջոց կընտրի դատարանը «Աշոտ Երկաթի» համար Հուլիսի 2-ին հայտնի դարձավ, որ ԱԱԾ աշխատակիցները առգրավել են Վերաքննիչ քրեական դատարանի ծառայողական համակարգիչը, որով իրականացվում էր դատավորների ընտրությունը՝ համապատասխան գործերը բաշխելու համար: Ավելի ուշ հայտնի դարձավ դատական ողջ համակարգի սերվերի առգրավման մասին։

    • ՊԱՅՔԱՐ ԱՐԴՅՈՒՆՔԻ ՀԱՄԱՐ, ԹԵ՞ ԻՄԻՏԱՑԻԱ ԱՐՏԱՔԻՆ ՏՊԱՎՈՐՉՈՒԹՅԱՆ ՄԻՋՈՑՈՎ
      2021-10-13 08:54
      299

      «Աբսոլյուտիզմը» կարագացնի միջկուսակցական բանակցությունները Երրորդ նախագահ, ՀՀԿ առաջնորդ Սերժ Սարգսյանի հայտարարությունն այն մասին, որ իշխանափոխության գործընթացը հաջողությամբ կպսակվի, եթե պայքարն ուղղված լինի այս իշխանությանը հեռացնելուն, այլ ոչ թե իշխանության գալուն, մնում է քաղաքական ուժերի ուշադրության կենտրոնում։ Իրավիճակը պահանջում է արտակարգ մոտեցումներ, միայն այդ դեպքում փողոցային պայքարի նոր ալիքը կհասնի նպատակին և հաջողությամբ կպսակվի։ Հունիսի 20-ի ընտրություններից հետո հասունացել է միասնական նպատակի շուրջ իրական ընդդիմությանը միավորելու կոնկրետ քայլերի անհրաժեշտություն։

    • ԲՌՆԱԶԱՎԹՄԱՆ 5 ԱՄԻՍ. ՀԱՅԱՍՏԱՆԸ ԲՌՆԱՊԵՏՈՒԹՅԱՆ ԵՎ ՔԱՂԱՔԱԿԱՆ ՀԱԼԱԾԱՆՔՆԵՐԻ ԼԾԻ ՏԱԿ Է
      2021-10-11 21:03
      349

      Ինչո՞ւ գլխավոր դատախազն ընթացք չի տալիս քրեական գործին։ Մայիսի 12-ին Սյունիքում Սև լճի շրջակայքի և Գեղարքունիքում Վերին Շորժայի բռնազավթման փաստով գլխավոր դատախազությունը քրեական գործ է հարուցել, սակայն քննչական միջոցառումների և ձերբակալությունների մասով ոչ մի քայլ չի ձեռնարկվել: