Последние новости

ԿՐԿԻՆ ԿՍԽԱԼՎԻ՞ ԱՐԴՅՈՔ ՀՔԾ-Ն

Իրադրությունը երկրորդ նախագահ Ռոբերտ Քոչարյանին ներկայացված մեղադրանքների շուրջ համալրվում է նոր շրջադարձերով։

Հիշեցնենք, որ սկզբնապես նա մեղադրվում էր ՀՀ Քր.օր. 300.1 հոդվածով (սահմանադրական կարգի տապալում), որը 2008 թվականին գոյություն չուներ։ Ավելի ուշ մեղադրանքը փորձեցին «ամրապնդել» առանձնակի խոշոր չափերի կաշառքի ստացումով՝ համաձայն ձեռներեց Սիլվա Համբարձումյանի հայտարարությունների։ Վերջինս, թեպետ, շուտով ճշտեց, որ ոչ մի գործ չի ունեցել և երբեք չի շփվել Ռ.Քոչարյանի հետ ։ Այսինքն նրա առանց այդ էլ կասկածելի տեղեկությունների հավաստիությունը մնաց օդում կախված։ Նույնիսկ դատավոր Արմեն Բեքթաշյանը մարտի 15-ի դատական նիստում, երկարաձգելով Ռ.Քոչարյանի կալանքի ժամկետը, ստիպված էր խոստովանել կաշառք վերցնելու մեղադրանքի սնանկությունը՝ նկատի առնելով դրա բացարձակ անհիմնավորվածությունը։ Կարծում ենք, այդ հոդվածով մեղադրանքը վաղուց պետք էր կարճել կամ էլ առնվազն չմիացնել «Մարտի 1»-ի գործի հետ։

Այդ ամենից հետո Սիլվա Համբարձումյանին փոխարինելու եկավ պաշտպանության նախկին փոխնախարար, ոչ վաղ անցյալում Նորք-Մարաշի առանձնատան զինված խմբավորման գծով աղմկոտ քրեական գործով մեղադրյալ Վահան Շիրխանյանը։ Նա դիմեց Ռ.Քոչարյանին հասցեագրված բաց նամակով։ Չվերապատմենք դա, միայն նշենք, որ Հատուկ քննչական ծառայությունը որոշեց զբաղվել նյութերի հավաքմամբ քրեական գործի հնարավոր հարուցման համար՝ ըստ նամակի դրվագներից մեկի, կապված 1998 թվականի իբր կեղծված ընտրությունների հետ։

Բազմաթիվ իրավաբաններ համոզված են, որ ընտրությունների թեմայով Շիրխանյանի ուշացած գրոտումները չեն կարող հիմք ծառայել քրեական գործի հարուցման համար։ Նույնիսկ երբ խոսքը Ռ.Քոչարյանի մասին է, որին, իր իսկ դիպուկ արտահայտությամբ, «նշանակել են մեղավոր», դրանից բխող բոլոր հանգամանքներով։ Այնպես որ նույնիսկ այն իրավիճակում, երբ հետաքննությունն անչափ ջանում է հիմքեր գտնել ցանկացած լրացուցիչ մեղադրանքների համար (մանավանդ եթե դրանց վրա չի տարածվում նախագահական անձեռնմխելիությունը), համենայն դեպս մտածում ես, որ նույնիսկ Հատուկ քննչական ծառայությունը նման սխալ թույլ չի տա։Այդպիսի վրիպումը կարող է թանկ նստել. կասկած չկա, որ որոշակի քաղաքական ուժեր իրենց տրամադրության տակ ունեն բավականաչափ քանակությամբ նյութեր, փաստաթղթեր 1996 թվականին Լ.Տեր-Պետրոսյանի անցկացրած ընտրությունների վերաբերյալ, որոնք դրանք իրենց հերթին ակտիվորեն կմտցնեն գործողության մեջ։ Այդ ուժերը, ըստ որոշ տեղեկությունների, նստել ու սպասում են, թե արդյոք ՀՔԾ-ն նման սխալ կգործի՞։

Պետք չէ մոռանալ նաև մեկ այլ, զուտ իրավական նրբերանգի մասին։ Ընտրությունների մասով հանցագործությունները չեն դասվում ծանր և առանձնակի ծանրերի կարգին։ Տարրական թվաբանություն. 1998 թվականի ընտրությունները տեղի են ունեցել 21 տարի առաջ, այսինքն նմանատիպ գործերի վաղեմության ժամկետը վաղուց լրացել է։ Այնպես որ, եթե հիմք ընդունենք ՀՀ Քրեական օրենսգիրքը (ցավոք, դա հիմա միշտ չէ, որ արվում է, ինչի վկայությունն է 300.1 հոդվածի հետ կապված պատմությունը), ապա այստեղ խոսելու բան էլ չկա։

Հավանաբար, հաշվի առնելով այս և, հնարավորէ, այլ հանգամանքները, մեկ այլ, ոչ պակաս հավակնոտ, բայց ավելի շրջահայաց գործիչ՝ նախկին զինվորական դատախազ Գագիկ Ջհանգիրյանը չի շտապում աջակցել նման մեղադրանքներին։ Նա «պարզապես» բացատրում է Քոչարյանի հաղթանակով պսակված այն ընտրությունների արդյունքները Վազգեն Սարգսյանի ահռելի հեղինակությամբ։

Ըստ խոսակցությունների, Գ.Ջհանգիրյանի ակտիվացման պատճառը գլխավոր դատախազի աթոռը զբաղեցնելու հերթական հույսերն են։ 2008 թվականին չստացվեց, բայց հիմա, թավշե իշխանությունների գալով, հույսը հավանաբար բռնկվել է նոր ուժով։ Մանավանդ որ հայտնվել են նոր «բարձր» պաշտոններ, ահա և հավակնությունները սրընթաց աճել են։ Ասում են, թե Գ.Ջհանգիրյանը բոլորովին էլ դեմ չէ գլխավորելու նաև Բարձրագույն դատական խորհուրդը, զբաղեցնելով Գ.Հարությունյանի տեղը։ Եվ որքան շուտ, այնքան լավ։ Ինչո՞ւ ձգձգել։

Չգիտենք, թե ինքը՝ Ջհանգիրյանն ինչպես, բայց շատերը գերազանց հիշում են, թե ինչպես նա, հատկապես զինվորական դատախազ եղած ժամանակ, աչքի ընկավ զինվորական հանցագործությունների փաստերով մի շարք քրեական գործերի տապալումով։ Իսկ թե ինչպես էին զինվորներից կորզվում ցուցմունքները նրա ղեկավարած գերատեսչությունում, նույնիսկ հիշեցնելը սարսափելի է։ Որքանով մեզ հայտնի է, հենց այդ կապակցությամբ Եվրադատարան մտան 3 բողոքներ ընդդեմ Հայաստանի, կապված Ջհանգիրյանի հետաքննության հետ։Ավելի լավ է, նա թող այդ մասին մտորի։

Ի դեպ, «Հոկտեմբերի 27» գործը նույնպես հետաքննվել է նրա «սրտացավ» ղեկավարությամբ։ Եվ հենց նա էր, որ բազմապիսի քաղաքական դեմքերի հաճոյանալու համար զատեց հանցագործության հնարավոր կազմակերպիչների վերաբերյալ գործի մասը և մտցրեց առանձին վարույթ։ Անցավ երկու տարի, և Գլխավոր դատախազությունը դադարեցրեց այդ անիմաստ ու անհեռանկար զավեշտախաղը, որին ի սկզբանե դեմ էին արտահայտվել նրա շատ գործընկերներ։

Մի խոսքով, Գագիկ Ջհանգիրյանի, ինչպեսև Վահան Շիրխանյանի հավակնությունները հայտնի են։ Ինչպես որ չեն մոռացվել նաև բազմաթիվ դրվագներ նրանց անցյալից։ Եվ նրանք, ովքեր այսօր ի շահ իրենց են օգտագործում այդ մարդկանց, պետք է հաշվի առնեն, թե ինչ հետևանքների կարող է բերել դա, ի թիվս այլոց, նաև իրենց։

Основная тема:
Теги:

    ПОСЛЕДНИЕ ОТ АВТОРА

    • НАВЯЗАТЬ СУДЬЯМ СВОЮ ВОЛЮ ПАШИНЯНУ НЕ УДАСТСЯ
      2020-11-30 22:00
      338

      30 ноября Никол Пашинян провел совещание с участием высокопоставленных представителей судебной системы. По мнению многих правоведов, ничем иным, как очередной попыткой вмешательства в деятельность судебной власти, эту инициативу премьера назвать нельзя.

    • Артур ГРИГОРЯН: ОН – ВОЕННЫЙ ПРЕСТУПНИК
      2020-11-27 10:25
      1763

      «Никол-варчапет, это так, для отвода глаз, а на самом деле - военный преступник, которым он стал с той самой минуты, как поставил свою роспись под так называемым трехсторонним договором от 10 ноября. Соответственно, подлежит судебной ответственности за нарушение не только внутреннего законодательства, но и статута Гаагского суда. Если говорить о нашем законодательстве, то речь идет, как минимум,  об измене Родины, статья 299 УК РА", - заявляет наш постоянный собеседник, адвокат, эксперт международного права Артур ГРИГОРЯН.

    • Альвина ГЮЛУМЯН: "НАМ НЕОБХОДИМО ЗАЩИТИТЬ СОБСТВЕННЫЕ ИНТЕРЕСЫ"
      2020-11-26 10:05
      1393

      После заявления 10 ноября, подписанного главами России, Армении и Азербайджана, множество вопросов правового характера, в том числе вопросы территорий, границ, пленных и без вести пропавших повисли в воздухе. Так, после прекращения огня целый ряд карабахских населенных пунктов (более 180) по условиям подписанного заявления передается Азербайджану. На фоне молчания армянских властей сдаются и те села, о которых изначально и речи не было. Оставившие родные дома люди оказались буквально на дорогах.

    • ХОДАТАЙСТВО О РАЗРЕШЕНИИ НА ВЫЕЗД СУДЬЯ МНАЦ ТАК И НЕ РАССМОТРЕЛ
      2020-11-20 19:32
      1455

      Смерть генерал-лейтенанта, Героя Арцахской войны Манвела Григоряна была ожидаемой. У генерала был целый букет тяжелейших заболеваний, включая онкологию, его несколько раз оперировали, и даже удивительно, что он еще столько прожил. А прожил он всего 64 года.






    ПОСЛЕДНЕЕ ПО ТЕМЕ

    • ՊԱՏԵՐԱԶՄԱԿԱՆ ԺԱՄԱՆԱԿԻ ՕՐԵՆՔՆԵՐՈՎ
      2020-09-29 20:08
      173

      Սեպտեմբերի 27-ից մենք ապրում ենք նոր հարթությունում. խաղաղությունը փոխարկվել է պատերազմի։ Նման բան արդեն տեղի է ունեցել Երրորդ հանրապետության պատմության մեջ։ Հիշենք 90-ականների սկիզբը կամ 2016 թվականի Ապրիլյան պատերազմը։ Այդ տարիների փորձը ցույց է տալիս, որ պատերազմն իր օրենքներն ունի։ Այստեղ խոսքը ոչ միայն ռազմական դրության կանոնների, այլև չգրված այլ կանոնների ու օրենքների մասին է:

    • ՎԱՐՍԵՐՑԻ ՏԱՆԴԵՄՆ ԱՅԼԵՎՍ ԲԱՐԵՀԱՃՈՒԹՅՈՒՆ ՉԻ ՎԱՅԵԼՈՒՄ
      2020-09-24 19:44
      174

      Ո՞ւմ քաղաքական շահերն է սպասարկում ՍԴ դատավոր Գրիգորյանը Գեղարքունիքի մարզում կա մի գեղեցիկ գյուղ՝ Վարսեր ռոմանտիկ անունով։ Տեղացիներն այդ անվանումը կապում են լեռնային մարգագետինների շատ բարձր խոտի հետ։

    • ԶՐՈՅԱԿԱՆ ԱՐՁԱԳԱՆՔԸ ԴԵՄԱՐՇԻՆ, կամ՝ ՆԻԿՈԼԸ ԴԱԴԱՐԵ՞Լ Է ՎՃԱՐԵԼ ՓԱՍՏԱԲԱՆՆԵՐԻՆ
      2020-09-11 21:29
      118

      Մարգարիտա Խաչատրյանին լսեց ողջ Հայաստանը Մարտի 1-ի զոհերի հարազատները դատավարությունն անվանել են «անբովանդակ միջոցառում» և որոշել այլևս չայցելել նիստեր, որոնք բաց չէին թողնում երկու տարի շարունակ։ Գոռ Քլոյանի հայրը՝ Սարգիսը, որը ժամանակ առ ժամանակ իրեն չափազանց ագրեսիվ էր պահում երկրորդ նախագահի փաստաբանների նկատմամբ, դատավարությունն անվանել է ֆարս։

    • ԾԱՆՐԱՑԱԾ Է ՆԻԿՈԼԻ ԽՂՃԻՆ
      2019-09-27 19:39
      644

      Վերսկսվա՞ծ է հանցախմբերի ստեղծումը «Սա առաջին զոհն է, այն վարչապետի, գլխավոր դատախազի և Հատուկ քննչական ծառայության պետի խղճին է»,- հայտարարեց «Ազգային անվտանգություն» կուսակցության առաջնորդ Գառնիկ ԻՍԱԳՈՒԼՅԱՆԸ, մեկնաբանելով 64-ամյա գեներալ-գնդապետ Հայկ Հարությունյանի ինքնասպանությունը։