2019-04-13 13:04
Ара МЕЛИКСЕТЯН
0
ՎԱԽԸ ՈՐՊԵՍ ՊԱՏԺԻ ԳՈՐԾԻՔ
Հայաստանի վարչապետ Նիկոլ Փաշինյանը հայտարարեց, որ պատրաստ է աշխատանքից ազատել հազարավոր մարդկանց, միայն թե հասնի հարգանքի պետական խորհրդանշանների նկատմամբ։ Այդ մասին նա գրել է ֆեյսբուքյան իր էջում, ինչպես հաղորդում է Sputnik-ը։
«Հայաստանի պետական կառավարման համակարգում չի կարող աշխատել գեթ մեկ մարդ, ով Հայաստանի պետական դրոշը գցել է ոտքերի տակ: Եթե պետք լինի տասնյակ հազարավորների ազատել աշխատանքից՝ կազատեմ: Բայց նման վերաբերմունք պետական դրոշի նկատմամբ չեմ հանդուրժի: Եվ վերջ»,-գրել է նա։
Բայց անհնար է լռել. առհասարակ ինչ-որ մեկի կամ ինչ-որ բանի հանդեպ դժվար թե կարելի է հարգանքի հասնել ճնշումներով։ Վախի հասնել կարելի է, բայց ոչ հարգանքի։ Իսկ վախը պետական խորհրդանշանների հանդեպ պարզապես անհեթեթություն է։ Դե, առավելագույնը՝ հազվադեպ ֆոբիա։ Ղեկավարի հադեպ էլ դժվար թե կարելի է հարգանքի հասնել, եթե դա արվում է ենթակայի նվաստացման ճանապարհով։ Առավելևս՝ քո ենթակային ենթակա ենթակայի նվաստացման։ Վախի կարելի է հասնել։ Վախի կարելի է հասնել, բայց ոչ հարգանքի։ Այնպես որ Փաշինանի ցուցադրական ելույթը մաքսատանը, իսկ այնուհետ նաև հայկական դրոշի կամ իր անձի նկատմամբ հարգանքի բարձրացման վերաբերյալ նրա մեկնաբանությունը պարզապես չեն կարող արդյունավետ լինել։ Կարող են թերևս միայն օգուտ բերել իրեն՝ ինքնահաստատման տեսանկյունից…
Թեպետ, տվյալ դեպքում դա երկրորդական հարց է։ Շատ ավելի կարևոր է այն, թե ինչ հեշտությամբ ու անբռնազբոսիկ է Փաշինյանը տնօրինում մարդկանց ճակատագրին, աշխատելու և ընտանիք կերակրելու նրանց հնարավորությանը։ Եվ այստեղ խոսքն ամենևին էլ միայն «տասնյակ հազարավոր մարդկանց ազատելու» պատրաստակամության մասին չէ՝ իբր հասարակական լայն զանգվածների մեջ պետական խորհրդանշանների նկատմամբ ճիշտ վերաբերմունք սերմանելու համար։ Խոսքն ընդհանրապես մարդկանց աշխատանքով ապահովելու հարցում կառավարության ղեկավարի պատասխանատվության ակնհայտ պակասի մասին է։ Հարց, որն առանցքային դեր է խաղում երկրի սոցիալ-տնտեսական կյանքում։
Մերթ նա հեշտ ու հանգիստ կրճատում է հաստիքները պետկառավարման համակարգում, պատճառաբանելով դա «հավելյալ արդյունք» չստեղծող մարդկանցից ազատվելու անհրաժեշտությամբ։ Իբր՝ դա արվում է պետապարատի աշխատանքի արդունավետությունը բարձրացնելու նպատակով։ Մերթ իշխանության օրակարգում հայտնվում է «Առինջ մոլ»-ի խնդիրը, որը նույնպես սպառնում է աշխատանքից ու վաստակից հարյուրավոր մարդկանց զրկումով։ Իսկ «Սպայկա» ընկերության հետ կապված «հերոսապատումը» ընդհանրապես հարվածի տակ է դնում երկրի տասնյակ հազարավոր քաղաքացիների աշխատանքային գործունեությունը։ Այստեղ հիշեցնենք, որ ընկերության ղեկավարությունը հանդես է եկել հայտարարությամբ, որում մասնավորապես նշվում է, որ ֆերմերներից գյուղարտադրանքի գնման գործընթացը սառեցվում է։ Եվ ներկայացվում են միանգամայն օբյեկտիվ պատճառներ։ Ինչևէ, ողջ այս պատմության արդյունքում տուժող կողմի դերում են հայտնվում տասնյակ հազարավոր ֆերմերներ 80 համայնքներում։ Իհարկե, ՊԵԿ-ը դժգոհություններ ունի «Սպայկա»-ից։
Իհարկե, ՊԵԿ-ը դժգոհություններ ունի «Առինջ մոլ»-ից։ Ի դեպ, կառավարությունը դժգոհություններ ունի նաև արդեն գրեթե մեկ տարի պարապուրդի մատնված «Լիդիան Արմենիա»-ից, որի աշխատողները նստած են իրենց տներում, Երևանի քաղաքապետը դժգոհութուններ ուներ նաև Օպերայի շրջակայքի մի քանի սրճարաններից։ Թե որքանով են բոլոր այդ դժգոհութուններն օբյեկտիվ, առանձին հարց է, որի վրա տվյալ դեպքում կանգ չենք առնի։ Հիմա շատ ավելի կարևոր է այլ բան. բոլոր այդ պատմությունների զոհն են դառնում մարդիկ, նրանց կոնկրետ աշխատատեղերը, վաստակելու և ընտանիք կերակրելու նրանց հնարավորությունը։ Եվ այդ հնարավորությունից իշխանությունն այսօր զրկում է նրանց, չառաջարկելով ոչ մի այլընտրանք։ Քանի՞ նոր աշխատատեղ է բացվել «նոր Հայաստանում»։ Իսկ քանի՞սն է փակվել։ Հարցերն այս հռետորական են, թեև ցանկացողները կարող են փորձել հաշվել։
Ահավասիկ հիմա էլ Նիկոլ Փաշինյանը ահաբեկում է մարդկանց աշխատազրկումով։ Այո, պետական խորհրդանշանների նկատմամբ անհարգալից վերաբերմունք հանդուրժել չի կարելի։ Այո, տվյալ հարցում նրա վճռականությունը գուցեև տեղին է թվում։ Բայց ինչո՞վ է նա վախեցնում մարդկանց։ Աշխատազրկումո՞վ։ Սպառնում է նրանով, ինչ անում է գրեթե մեկ տարի շարունակ, հարվածի տակ դնելով մարդկային ճակատագրերն ու առաջնահերթ պետական խնդիրների լուծումը։ Համաձայնեք, բնակչության զբաղվածությունը պետք է լինի իշխանության ամենագերակա խնդիրներից մեկը։ Մինչդեռ մեր դեպքում ստացվում է, որ դա ընդամենը պատժի գործիք է։
Հարգանքն ընդհանրապես և պետական խորհրդանշանների նկատմամբ՝ մասնավորապես, անհնար է սերմանել պատժի սպառնալիքով։ Եվ առավելևս պատժի այն ձևի, որ ընտրել է գործող իշխանությունը։ Այդպես կարելի է միայն վախ ներշնչել։ Այն էլ ժամանակավորապես…
ПОСЛЕДНИЕ ОТ АВТОРА
-
New2024-11-22 09:35Согласно данным статистического комитета РА, в третьем квартале текущего года ВВП Армении вырос на 17% по сравнению с тем же периодом прошлого года. Цифра, в принципе, выглядит вполне себе приличной. Но здесь есть небольшой нюанс.
-
2024-11-21 09:4718 ноября с.г. в ходе 79-й сессии Генеральная Ассамблея ООН приняла резолюцию о сотрудничестве между Организацией Объединенных Наций и Организацией Договора о коллективной безопасности. В документе подчеркивается, что ОДКБ вносит значительный практический вклад в укрепление своего миротворческого потенциала и системы региональной безопасности и стабильности, противодействия терроризму и организованной транснациональной преступности, борьбе с незаконным оборотом наркотиков и оружия, неупорядоченной миграцией и торговлей людьми и ликвидации последствий природных и техногенных катастроф, что содействует реализации целей и принципов Организации Объединенных Наций. Генеральная Ассамблея предложила Генеральному секретарю ООН и впредь проводить регулярные консультации с Генеральным секретарем ОДКБ в рамках двусторонних контактов и форумов различных форматов. ООН и ОДКБ продолжат взаимодействие в интересах последовательной и всеобъемлющей реализации Глобальной контртеррористической стратегии ООН.
-
2024-11-20 10:01Правительство Армении разрабатывает новое налоговое законодательство. Об этом на заседании Национального Собрания Армении во время обсуждения проекта госбюджета на 2025 год заявил 14 ноября премьер-министр республики Никол Пашинян, передает News.am. По мнению премьера, нынешнее законодательство не учитывает интересы страны и даже имеет антигосударственную направленность. Оно, как считает Пашинян, не позволяет собрать необходимый объем налогов. «В действующем Налоговом кодексе Армении действуют льготные налоговые режимы, которые никак не стимулируют у бизнеса желание зарабатывать больше. И как бы неприятно это ни звучало, но только таким словом можно назвать льготный налог с оборота», – сказал глава правительства. Льготы, по его мнению, носят массовый и нецелевой характер.
-
2024-11-15 10:03В армянском сегменте соцсетей распространяется таблица с сеткой тарифов на общественный транспорт с 1 января 2025 года, согласно которой суточный проездной билет будет стоить 880 драмов, недельный пакет - 4800 драмов, месячный - 8800 драмов, на 90 дней - 23 600 драмов, на год (365 дней) - 88 800 драмов, передает АРКА.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։