ԱՄԵՐԻԱԲԱՆԿԸ ՄԱՍՆԱՃՅՈՒՂ Է ԲԱՑԵԼ ԱԲՈՎՅԱՆՈՒՄ
Ամերիաբանկը շարունակում է ընդլայնել իր մարզային մասնաճյուղերի շարքը: Նորաբաց «Աբովյան» մասնաճյուղն իր դռներն է բացել հաճախորդների առջև Կոտայքի մարզում, ք. Աբովյան, Սահմանադրության հրապարակ 7/2 հասցեում: «Աբովյան» մասնաճյուղն առաջարկում է արտոնյալ պայմաններով ծառայություններ բոլոր այն ֆիզիկական և իրավաբանական անձանց, ովքեր կդառնան Ամերիաբանկի հաճախորդ` բացելով հաշիվ Ամերիաբանկի «Աբովյանի» մասնաճյուղում մինչև 2019 թ.-ի հուլիսի 31-ը ներառյալ:
Ինչպես լրագրողների հետ զրույցում հայտնեց Ամերիաբանկի տարածքային ստորաբաժանումների վարչության ղեկավար Անդրանիկ Խաչատրյանը, նոր սակագները կգործեն Աբովյանի բոլոր բնակիչների և տեղական ձեռնարկությունների համար:
Նոր արտոնյալ պայմաններ
«Մասնաճյուղի նոր հաճախորդների ` ինչպես ֆիզիկական, այնպես էլ իրավաբանական անձանց համար, կգործեն հատուկ սակագներ: Հաշիվ բացելու դեպքում նոր իրավաբանական անձանց կտրամադրենք ինտերնետ-բանկինգի և մոբայլ-բանկինգի ծառայություններ, կտրամադրենք Business տեսակի քարտ` մեկ տարվա անվճար սպասարկմամբ: Բացի այդ, ընկերության երկու ղեկավարին/իրական շահառուին մեկական դեբետային կամ կրեդիտային քարտ տրամադրվի (բացառությամբ` Platinum կամ Infinite տեսակի քարտերի)` մեկ տարվա անվճար սպասարկմամբ», - ասաց Խաչատրյանը:
Ըստ նրա, ինտերնետ-բանկինգի և մոբայլ-բանկինկի ծառայությունները մեկ տարվա անվճար սպասարկմամբ, ինչպես նաև քարտերի բոլոր տեսակները, բացառությամբ` Platinum և Infinite, կստանան մասնաճյուղում հաշիվ բացած ֆիզիկական անձինք:
«Մենք նոր առաջարկություններ ենք ներկայացնում Հայաստանի բոլոր մարզերում և փորձում ենք տրամադրել բոլոր մեր հաճախորդներին նոր ծառայություններ և որակյալ սպասարկում` մրցակցություն ստեղծելով տվյալ տարածաշրջանում և ֆինանսավորելով նոր նախագծեր», - ասաց նա:
Ամերիաբանկի մանրածախ բանկային ծառայությունների տնօրեն Արման Բարսեղյանը նշեց, որ արտոնյալ պայմաններ տրամադրվում են բանկի բոլոր մասնաճյուղերի բացման ժամանակ։
«Նոր տարածաշրջանում կամ քաղաքում գործունեութուն սկսելիս մենք ակցիա ենք անցկացնում նոր հաճախորդների ներգրավման ուղղությամբ: Այդ արտոնությունները կապված են, հիմնականում, հաշիվների և բանկային քարտերի սպասարկման սակագների հետ», - ասաց նա:
Մասնաճյուղերի ցանցի և ծառայությունների ընդլայնում
Բարսեղյանը հայտնեց, որ հաջորդ մասնաճյուղը կբացվի Էջմիածին քաղաքում, իսկ մոտ ապագայում Ամերիաբանկը մտադիր է մասնաճյուղեր բացել Հայաստանի ևս մի քանի քաղաքներում:
«Մենք մտադիր ենք ընդլայնել մեր մասնաճյուղերի ցանցը և լայնորեն ներկայացված լինել Հայաստանի բոլոր մարզերում», - ասաց նա:
Միաժամանակ Բարսեղյանը նշեց, որ, բացի մասնաճյուղերի ցանցի ընլայնումից, բանկն աշխատում է ծառայություների որակի բարելավման վրա, այդ թվում` մասնաճյուղերի և ծառայությունների աշխատանքի ժամակի երկարացման ուղղությամբ:
«Ապրիլի 16-ից մեր կոնտակտային կենտրոնն աշխատում է շուրջօրյա և ամբողջ շաբաթվա ընթացքում, ինչը նույնպես կարևոր պայման է մեր քաղաքացիների սպասարկման համար, նրանց համար արտակարգ իրավիճակներում կամ նրանց օգնության կամ աջակցության անհրաժեշտության դեպքում», - ասաց նա:
Ըստ նրա, նոր մասնաճյուղը 19-րդն է, և մարզերում տնտեսական ակտիվության աճի հետ համատեղ Ամերիաբանկը, ինչպես նաև մյուս բանկերը, նոր հնարավորություններ կօգտագործի իր գործունեությունն ընդլայնելու համար:
«Հիմնվելով այս տրամաբանության վրա` այս տարվա առաջին կիսամյակում մենք բավականին ակտիվ կլինենք մարզերում: Մենք մտադիր ենք մասնաճյուղեր բացել բոլոր այն քաղաքներում, որտեղ տենում ենք պոտենցիալ հաճախորդներ և մեր ծառայությունները նրանց մատոցելու հնարավորություն», - ասաց նա:
Սոցիալական պատասխանատվություն
Բարսեղյանի խոսքով, նոր մասնաճյուղի բացումը կնպաստի Աբովյանում 15 նոր աշխատատեղերի ստեղծմանը:
«Մասնաճյուղը սկսել է աշխատել 15 աշխատողներով, բայց բիզնեսի ընդլայմանը զուգահեռ նրանց թիվը կաճի մինչև 25-ը: Հաշվի առնելով այլ մասնաճյուղերի օրինակները` մենք մտադիր ենք ընդլայնել մեր բիզնեսը և անգամ հատել այդ սահմանը», - ասաց նա:
Աբովյանի քաղաքապետ Վահագն Գևորգյանն իր հերթին հույս հայտնեց, որ բանկի մասնաճյուղի բացումը կարող է բիզնեսի համար խթան դառնալ ոչ միայն քաղաքում, այլ նաև հարևան համայնքներում: Միաժամանակ նա կարևոր համարեց այն հանգամանքը, որ բանկի աշխատակիցների մեծ մասը տեղի բնակիչներ են:
«Աբովյանի բնակիչները երկու ամիս վերապատրաստվել են բանկում աշխատելու համար: Հուսով եմ, որ առաջիկայում մնացած աշխատատեղերը կհամալրեն աբովյանցիները», - ասաց նա:
Կոտայքի մարզպետ Ռոմանոս Պետրոսյանը նշեց Ամերիաբակի գործունեության կարևորությունը մարզում իրականացվող բնապահպանական, գյուղատնտեսական և սոցիալական ծրագրերի վարկային աջակցության հարցում:
«Կարևոր է, որ մասնաճյուղի ընդլայմանը զուգընթաց բանկը մտադիր է ավելացնել նաև աշխատակիցների թիվը: Ինչպես տեսնում ենք` բանկն արդյունավետության ընդլայնման և մեծացման հսկա ներուժ ունի», - ասաց նա:
«Ամերիաբանկ» ՓԲԸ Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Լրացուցիչ տեղեկությունների համար կարող եք այցելել www.ameriabank.am:
ПОСЛЕДНИЕ ОТ АВТОРА
-
2024-04-25 11:58
"Нет турецко-азербайджанскому фашизму! – пишет на своей странице в Фейсбук доктор политических наук, историк Армен Айвазян.
-
2024-04-25 11:12
Открытое письмо В связи с необходимостью оказания экстренной медицинской помощи Рубену Варданяну руководители ряда общественных организаций Арцаха и Армении обратились с открытым письмом к президенту Международного Комитета Красного Креста госпоже Мирьяне Сполярич-Эггер.
-
2024-04-24 15:39
Кавказ - не место слабых людей, здесь невозможно демонстрировать слабость и при этом выживать. Об этом заявил Sputnik Армения духовный пастырь Берда Арам Мирзоян.
-
2024-04-24 10:21
Научно-образовательная общественная организация "Армянский проект", основанная группой армянских ученых и экспертов, распространила заявление, в котором призывает ответственные за судьбу Армении политические силы взглянуть в лицо реальности нависшей над нашей тысячелетней государственностью угрозы, разработать механизмы для урегулирования разногласий между собой и обеспечения реальной политической консолидации, со своей стороны обещая внести свою лепту в вопрос предложения таких механизмов, возможности их применения и реализации.
ПОСЛЕДНЕЕ ПО ТЕМЕ
-
2024-04-08 16:56
«Ամերիաբանկ» ՓԲԸ-ն վաճառվեց, կառուցվածքում փոփոխություններ են արվել։ Տեղեկությունը հայտնում է բանկի պաշտոնական կայքը։ «Բաժնետերերի և կարգավորող մարմինների բոլոր անհրաժեշտ հաստատումները ստանալուց հետո բանկի վաճառքի գործարքը կնքվել է, և «Ամերիաբանկի» բաժնետերերի կառուցվածքի համապատասխան փոփոխությունները գրանցվել են»,- ասված է հաղորդագրությունում։
-
2024-03-29 15:14
Ամերիաբանկը ճանաչվել է Հայաստանի լավագույն բանկը Global Finance ամսագրի «Աշխարհի լավագույն բանկեր» 31-րդ տարեկան մրցանակաբաշխության արդյունքներով:
-
2024-03-21 17:33
Ամերիաբանկի փոքր և միջին ձեռնարկատիրության (ՓՄՁ) վարկային պորտֆելը 2023թ-ին ավելացել է ավելի քան 30%-ով՝ 31.12.2023թ-ի դրությամբ կազմելով 222,6 մլրդ ՀՀ դրամ։ Զգալի աճել է նաև Ամերիաբանկի ՓՄՁ հաճախորդների թվաքանակը՝ վերջին 3 տարում ավելանալով գրեթե 3 անգամ:
-
2024-03-11 14:49
Ամերիաբանկը ճանաչվել է 2024 թ. կայուն ֆինանսավորման գծով Հայաստանի լավագույն բանկը: Այս մրցանակն Ամերիաբանկի չորրորդ անընդմեջ հաղթանակն է կլիմայի փոփոխության բացասական ազդեցության մեղմելուն ու ավելի կայուն ապագա կառուցելուն միտված նախաձեռնությունների ֆինանսավորման ոլորտում։