Последние новости
2019-04-25 15:02
0

Էդմոն Մարուքյան. Մենք կործանարար ճանապարհ ենք ընտրել

0
Telegram

Պարզվեց, որ կառավարությունը շուրջ մեկ տարի մտածելուց հետո վերջապես բերեց իր կառուցվածքնը և որևէ առաջարկություն մեր 8 առաջարկությունից՝ չընդունվեց, ԱԺ ճեպազրույցների ժամանակ հայտարարեց «Լուսավոր Հայաստան» կուսակցության ղեկավար Էդմոն Մարուքյանն՝ ամփոփելով խորհրդարանական անցնող շաբաթվա աշխատանքները:

«Շատ ապակառուցողական և, ըստ էության, որևէ կառուցողական քննադատություն չընդունելու ճանապարհով գնացին: Նաև շատ վատ եմ գնահատում արդարադատության նախարարի զեկույցն ու ամփոփիչ ելույթը»,- ասաց Մարուքյանը:

Վերջինս անդրադարձավ նաև խորհրդարանում կառավարության կառուցվածքում փոփոխությունների մասին հարցի քննարկման ժամանակ ֆինանսների նախարարի պահվածքին՝ նկատելով.

«Առաջին անգամ նոր խորհրդարանում քննարկվեց խմբակցության հարցապնդում այն մասին, թե ովքեր են կրճատվելու, ինչ չափով, ինչու և երբ, դրա փոխարեն ինչ են նրանց առաջարկում և ընդհանրապես ինչ տեսլական կա պետական կառավարման համակարգի մասին: Մեզ խայտառակ գրավոր պատասխան էին տվել, որից հետո հույս էինք ունեցել, որ կարող է բանավորը բավարարի, բայց պարզվեց, որ բանավորն ավելի վատն էր, ավելի խայտառակ էր, որի արդյուքնում օգտվեցինք կանոկարգ օրենքի այն մխանիզմից, որ կառավարության անդամի ապագա պաշտոնավարման հարցն ենք դնում և քվեարկություն եղավ, մերժվեց այդ հարցը, բայց ֆինասնաների նախարարը ստացավ 41 դեմ ձայն, այսինքն խորհրդարանական կառավարման կաբինետում կա նախարար, որին 41 պատգամավոր դեմ է: Կարծում եմ՝ սա ուղերձ է կառավարությանը, որ էդ նախարարը խնդիր ունի և շատ մշուշոտ ապագա, և սա դաս է մյուսներին, որ մյուս անգամ նման ձևով խորհրդարան չգան ու այդպես չպատասխանեն հարցերի»,- ասաց Մարուքյանը, տեղեկացնում է aysor.am-ը:

Основная тема:
Ներքաղաքական իրավիճակը Հայաստանում

Теги:
Ներքին քաղաքականություն

    ПОСЛЕДНИЕ ОТ АВТОРА

    ПОСЛЕДНЕЕ ПО ТЕМЕ

    • «ՈՂՋ ԱՇԽԱՐՀԻ ՀԱՅԵՐԸ ԴԱՐՁԵԼ ԵՆ ԽԵԼԱԳԱՐԻ ԲՌՆԱՊԵՏՈՒԹՅԱՆ ՊԱՏԱՆԴԸ»
      2022-05-02 19:27

      Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։

    • ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ
      2022-03-31 17:36

      Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։

    • ԿԱՌԱՎԱՐՈՒԹՅՈՒՆԸ ՕԺԱՆԴԱԿՈՒՄ Է ԲՌՆԱԶԱՎԹՎԱԾ ՏԱՐԱԾՔՆԵՐԻ ԲՆԱԿՉՈՒԹՅԱՆ ԱՐՏԱԳԱՂԹԻՆ
      2022-03-16 18:14

      Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:

    • ՓԱՇԻՆՅԱՆՆ ՈՒԶՈՒՄ Է «ՓԱԿԵԼ» ԵՐԿՈՒՍԻՆ
      2022-02-22 21:00

      Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։