Последние новости
2019-08-20 07:28

Փաշինյանի թեզիսներն Ամուլսարի հարցով

0
Telegram

Հայաստանի վարչապետ Նիկոլ Փաշինյանը երկուշաբթի երեկոյան ուղիղ եթեր ունեցավ իր Facebook–ում Ամուլսարի ոսկու հանքի շուրջ ստեղծված իրավիճակի վերաբերյալ իր դիրքորոշումը ներկայացնելու համար։

Օգոստոսի 19–ի առավոտյան նախագահականում անցկացվել է խորհրդակցություն Ամուլսարի հարցի շուրջ, որին ասնակցել է ՀՀ վարչապետ Նիկոլ Փաշինյանը, Վայոց Ձորի մարզպետ Տրդատ Սարգսյանը, համայնքների ղեկավարները, ԱԺ խմբակցությունների ներկայացուցիչները և բնապահպանները։

Փաշինյանի ելույթը տևեց 1 ժամ 23 րոպե, որի ընթացքում վարչապետը բազմիցս հղում արեց իր նախկին ելույթներին և հայտարարություններին այս թեմայով։ «Նովոստի–Արմենիա» գործակալությունն առանձնացրել է այս ելույթի գլխավոր թեզիսները։

• Ամուլսարի վերաբերյալ ցանկացած որոշում պետք է հիմնված լինի փաստերի և ոչ էմոցիաների վրա։

• Անհրաժեշտ է պահպանել Հայաստանի շահերի հավասարակշռությունը, որը բաղկացած է մի քանի բաղադրիչներից, մասնավորապես, բնապահպանական, տնտեսական և իրավական։

• Ամուլսարի հանքավայրը կշահագործվի Հայաստանի համար աննախադեպ բարձր բնապահպանական չափանիշներով։

• Ընկերությունները, որոնք չեն համապատասխանում տվյալ չափանիշներին, պետք է տասնյակ միլիոններ ծախսեն` դրանց համապատասխանելու համար։

• Կառավարությունը գիտակցում է նմանատիպ քայլերի իրականացման բարդությունը, այդ իսկ պատճառով չի պահանջում դրանց անհապաղ կատարում։

• Կառավարությունը ճնշման չի ենթարկվում Ամուլսարի հանքավայրի հարցով և նմանատիպ փորձերը կասեցնում է։

• Փաշինյանը ժամանակ խնդրեց, որպեսզի կառավարությունը լուծի հարցն առկա եզրակացության հիման վրա։

• «Պետության շահերից է բխում, որ մենք բավարարենք լեգիտիմ կերպով առաջադրված պահանջը և ժողովրդի վստահության քվե ստացած պահանջը, այսինքն, հնարավորություն տանք, որ Ամուլսարի հանքավայրը շահագործվի»։

Ամուլսարի հանքավայրի աշխատանքը, որի շահագործմամբ զբաղվում է Lydian Armenia ընկերությունը, արդեն կես տարուց ավելի է, ինչ դադարեցված է` Ջերմուկում և Սևանում շրջակա միջավայրի վրա ազդեցության փորձագիտական գնահատական ստանալու նպատակով։

Օգոստոսի 15–ին Հայաստանի քննչական կոմիտեի ղեկավար Հայկ Գրիգորյանը ներկայացրել է միջազգային փորձագիտական խմբի եզրակացությունը, որի համաձայն, բնապահպանական սպառնալիքներ չկան, իսկ հավանականները հնարավոր է վերահսկել քայլերի ձեռնարկմամբ։

Փորձաքննությունն անցկացվել է Earth link & Advanced Resources Development (ELARD) ընկերությունը Քննչական կոմիտեում 2018 թվականի հուլիսի 20–ին հարուցված քրեական գործի շրջանակում։ Փորձաքննության նպատակն Ամուլսարի հանքավայրի շահագործման բնապահպանական և սոցիալական ազդեցության գնահատումն է, տեղեկացնում է newsarmenia.am-ը։

Основная тема:
Ամուլսար

Теги:
Ամուլսար

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ՆԻԿՈԼԸ ՈՒԺ ԿԿԻՐԱՌԻ՞
    2019-09-17 21:45

    Հյուսիսային պողոտա, Իջևան, Ամուլսա՞ր Ամուլսարի մատույցներում տեղադրված բոլոր չորս պահակետերում փակցրած են շուրջօրյա հերթապահությունների գրաֆիկները։ Հերթապահում են ոչ միայն Ջերմուկի բնակիչները և բնապահպանները. ցուցակներում շատ են հասարակական գործիչների և քաղաքացիական նախաձեռնությունների ակտիվիստների ծանոթ ազգանունները։ Հերթապահությունը, հիշեցնեմ, ձգվում է մեկ տարուց ավելի. առավել քան մեկ տարի «Լիդիան» ընկերության աշխատակիցներին և շինարարական տեխնիկան թույլ չեն տալիս մտնել ենթադրվող հանքի տարածք, մարդիկ բազմիցս պառկել են էքսկավատորների առաջ։ Շատերը պահակետերից չեն հեռանում օրեր շարունակ։

  • Շիրակ Բունիաթյան. Ամուլսարը մեր հայրենիքն է, և վերջ
    2019-09-09 14:15

    Ամուլսարի մուտքերը կբացվի երկու դեպքում։ Այս մասին facebook-ի իր էջում գրել է բնապահպան Շիրակ Բունիաթյանը:

  • Ծառուկյանը՝ Ամուլսարի հանքի շահագորման մասին
    2019-09-09 14:12

    Ամուլսարի շահագործման հարցում պետք է հաշվի առնվի ժողովրդի կարծիքը, եթե կլինի ժողովրդի համաձայնությունը, կբացեն, եթե չի լինի, թող չբացեն: Այս մասին, այսօր՝ սեպտեմբերի 9-ին, ԱԺ-ում լրագրողների հետ զրույցում նշեց ԲՀԿ խմբակցության ղեկավար Գագիկ Ծառուկյանը:

  • Փաշինյան. Ամուլսարի հանքի շահագործումն արգելելու որևէ իրավական հիմնավորում չունենք
    2019-09-09 12:27

    Առնվազն այս պահի դրությամբ մենք չունենք Ամուլսարի հանքի շահագործումն արգելելու որևէ իրավական հիմնավորում։ Բայց հասկանալի է նաև, որ մենք չենք կարող հաշվի չառնել մեր հանրության շրջանում առկա անհանգստությունները, ֆեյսբուքի ուղիղ եթերի քիչ առաջ ասաց ՀՀ վարչապետ Նիկոլ Փաշինյանը։