2019-10-02 20:57
Марина МКРТЧЯН
0
ԲՌՆԱՃՆՇՈՒՄՆԵՐ ՆԱԽԱՏԵՍՎԱԾ ԵՆ ՅՈՒՐԱՔԱՆՉՅՈՒՐԻ՛ ՀԱՄԱՐ
Միանման սխեմայով
Մարդու իրավունքների խորհրդարանական մշտական հանձնաժողովի նախկին նախագահ Էլինար ՎԱՐԴԱՆՅԱՆԸ օրերս արձանագրեց, որ Հայաստանը մտել է համընդհանուր բռնաճնշումների փուլ, երբ քրեական գործերը հարուցվում են առանց պատշաճ հիմքերի և միանման սխեմայով։
Սկզբում ընտրվում է կոնկրետ անձ, գլխավորապես՝ նախկին բարձրաստիճան պաշտոնյաների թվից, այնուհետ հորինվում է դրվագն այդ անձի մասնակցությամբ, հաջորդ փուլում հայտնվում է Սիլվա Համբարձումյանը, կամ նրա գործառույթները կատարողները, և կանխահայտ սուտ ցուցմունքների վրա սարքվում է գործը։ Վարդանյանն ընդգծեց, որ բռնաճնշումները կրում են պատժիչ բնույթ, իսկ դրանց մասշտաբներն այնպիսին են, որ ոչ ոք չի կարող ապահովագրված լինել. ցանկացած մարդ կարող է հայտնվել քրեական գործով մեղադրյալի դերում։
Նրա խոսքերով, այդպիսի հեռանկարից ապահովագրված չեն նույնիսկ նրանք, ովքեր այսօր ծափահարում են հեղափոխությանը, որը, Վարդանյանի համոզմամբ, ընդամենը իշխանափոխություն էր։ «Թշնամանքի մթնոլորտը միայն խորանում է, ցանկացած ոք, ում կարծիքը չի համընկնում վարչապետի դիրքորոշմանը, տեղնուտեղը հայտարարվում է հեղափոխության թշնամի և նախկին իշխանության աջակից»,-արձանագրեց Վարդանյանը։
Ո՞ր շարասյունից է Սեֆիլյանը
Ասում են, որ 88 պատգամավորներից բաղկացած «Իմ քայլը» խմբակցությունը որոշակի ժամանակից ի վեր բաժանված է 90 մասի։ Այս կատակի մեջ ավելի շատ ճշմարտություն կա, քան կարող է թվալ առաջին հայացքից։
Ակնհայտ է, որ խմբակցությունը բաժանված է մի քանի մասի, և դրա ղեկավարին վաղուց արդեն չի հաջողվում մեկտեղ հավաքել բոլոր պատգամավորներին մի շարք հարցերի վերաբերյալ համատեղ որոշումներ մշակելու համար։ Այս իրավիճակում Տեր-Պետրոսյանի շրջապատն ու «Սասնա ծռեր» կուսակցության ղեկավարությունը ցուցադրում են Նիկոլին, որ իշխանության իրական նեցուկը կարող են լինել միայն իրենք, այլ ոչ թե պատգամավորներն ու «Քաղաքացիական պայմանագիր» կուսակցությունը։
Այդ ուղղությամբ ամենից շատ ջանում է Ժիրայր Սեֆիլյանը։ Օրերս նա նորից կրկնեց այն թեզիսը, թե Կրեմլը ջանքեր է գործադրում, որ ազատվի Փաշինյանից։ Որպես օրինակ Սեֆիլյանը վկայակոչեց Վերին Լարսի իրավիճակը և «Կրեմլի» հինգերորդ շարասյան «ջանքերը»։ Ճիշտ ժամանակն է հարցնել. իսկ ո՞ւմ շարասյունն են ներկայացնում մեր երկրում ահաբեկիչների կուսակցության առաջնորդներն ու գաղափարախոսները։ Սեֆիլյանի ողջ ասուլիսը բացարձակ հրահրանք է և կոպիտ փորձ՝ խաղալու Փաշինյանի հույզերի վրա, նրան բացասական վերաբերմունք ներշնչելու Ռուսաստանի նկատմամբ։
Իրենց դեմ «խաղ չկա՞»
Տեր-Պետրոսյանի ժամանակների ՀՀՇ-ի փառապանծ ավանդույթների վերածնման մասին է վկայում, մասնավորապես, «Իմ քայլը» խմբակցության պատգամավորներից մեկի սկանդալային հայտարարությունն այն մասին, թե «լեգիտիմ խմբակցության դեմ խաղ չկա՛, և եթե խմբակցությունը պահանջել է ինչ-որ մեկի հրաժարականը, դա պետք է անհապաղ կատարվի»։
Խոսքը Սահմանադրական դատարանի նախագահ Հրայր Թովմասյանի հրաժարականի մասին է՝ այն անհեթեթ փաստաթղթի հիման վրա, որ օրերս հորինեցին խորհրդարանում։
Ինչպես տեսնում ենք, ՀՀՇ-ի գլխավոր կարգախոսը, թե «մեր դեմ խաղ չկա՛», վերածնվում է աչքներիս առաջ, ընդ որում՝ ոչ միայն խոսքերով, այլև գործով։ Հեղափոխության թշնամիների դեմ պայքարի կարգախոսի ներքո կիրառվող բռնաճնշումներն արդեն համընդհանուր բնույթ են ստացել։ Այսօր ավելի հեշտ է նշել նրանց, ում դեմ առայժմ քրեական գործ հարուցված չէ, քան թվարկել նրանց, ում ներկայացված են մեղադրանքներ, քանզի լեգեոն է նրանց անունը։ Ամենից շատ մեղադրանքներ ներկայացվել են «Մարտի 1»-ի գործով։
Փաշինյանն արդեն այդ գործը լիովին բացահայտված է հայտարարել այն պատճառով, որ «զինվորներին բերել են ու ստիպել կրակել պատուհանների տակ վարձկանների պես»։ Երկրորդ նախագահի փաստաբան Հայկ Ալումյանն այդ առնչությամբ հիշեցրեց, որ Սահմանադրությունը թույլ է տալիս օգտագործել զինված ուժերը անվտանգության նպատակով։ «2008թ. մարտի 1-ին փողոցներում տանկեր չկային, փոխարենը դրանք կային 1996 թվականի նախագահական ընտրություններից հետո, այսինքն 23 տարի առաջ։ Եթե իշխանությունը դա համարում է հանցագործություն, ապա ինչո՞ւ այդ կարծիքը չի տարածվում 23-ամյա վաղեմության իրադարձությունների վրա»,- հարց տվեց փաստաբանը։ Նրա խոսքերով, «Մարտի 1»-ի գործը չի կարող համարվել բացահայտված, քանի դեռ չկա գլխավոր հարցի պատասխանը. ո՞վ, ի՞նչ հանգամանքներում և ո՞ւմ հրամանով է սպանել 10 մարդուց յուրաքանչյուրին։
Ոչ մեկին չի հավատում, բոլորին կասկածո՛ւմ է
Նիկոլը ոչ մեկին չի հավատում ու բոլորին կասկածում է այն բանում, թե իր ոտքի տակը քանդում են և փորձում «ջարդել իր ողնաշարը»։ «Մարտի 1»-ի գործով ներկայացված մեղադրանքների մեծամասնությունը դե-յուրե զուրկ է դատական հեռանկարից, իսկ Ռոբերտ Քոչարյանը, ինչպես ընդունում են բոլորը, կալանքի տակ է պահվում առանց իրավական հիմքերի։
Տվյալ փուլում իրեղեն ապացույցների կեղծման մեղադրանք է ներկայացվել մի խումբ անձանց, ներառյալ նախկին գլխավոր դատախազ Գևորգ Կոստանյանին և նախկին ոստիկանապետ Ալիկ Սարգսյանին։ Համանման մեղադրանք է ներկայացվել նաև հանգուցյալ Գևորգ Մհերյանին՝ ոստիկանապետի նախկին տեղակալին։ Քննությունը 11 տարի անց մտադիր է ապացուցել իրեղեն ապացույցների ոչնչացման և կեղծման փաստը։ Ինչպես տեսնում ենք, իրավական անօրինության ծայրը չի երևում, իրավիճակը հիշողության մեջ վերակենդանացնում է Տեր-Պետրոսյանի կառավարման տարիները…
Փաշինյանին թվում է, որ եթե ինքը մրոտի բոլորին, ովքեր չեն ցանկանում վնգստալ իր դռան տակ, ապա այդպիսով նվազագույնի կհասցնի իր պաշտոնազրկման հավանականությունը։ Իրականում ինչքան ավելի ծավալուն են բռնաճնշումները, այնքան կատաղի կլինի դիմադրությունը։ Իշխանությունը չի կարող երկար շարունակել նույն ոգով. չէ՞ որ ոչ մի բռնաճնշում չի խանգարի մարդկանց հարց տալ Նիկոլին. որտե՞ղ են ժողովրդին խոստացած 50 հազար նոր աշխատատեղերը։
Ոչ մի իրական շարժ չկա, կյանքը թանկանում է օրըստօրե, աշխատատեղերը կրճատվում են, գործազուրկների բանակն աճում է։ Այս խորապատկերին բռնաճնշումները նպատակ են հետապնդում վախեցնել ժողովրդին, ստիպել նրան լռել։ Այդպես էր էներգոտեռորի տարիներին, որը Տեր-Պետրոսյանի իշխանությունն օգտագործում էր սեփական ժողովրդի դեմ՝ որպես հնազանդեցման գործիք։ Ինչպես հայտարարեց հասարակական գործիչ Նարեկ Սամսոնյանը, մի քանի ամիս անց երկրի բոլոր քաղաքացիները պիտի պատրաստ լինեն անցնել քրեական գործերով՝ «արդարության նիկոլավարի վերականգնման» համատեքստում։
Սամսոյանը հիշեցրեց Լոս Անջելեսում Փաշինյանի արած արտահայտության մասին, թե իբր՝ Սերժ Սարգսյանն ու Միքայել Մինասյանը անցնում են քրեական գործերով և նրանց մեղադրանքներ են ներկայացված։ Ստուգմամբ պարզվեց, որ վարչապետի խոսքերը սուտ են, բայց Սամսոյանը համարում է, որ այդ անձանց վերաբերյալ համապատասխան հրահանգներն արդեն տրված են։ Նրա խոսքերով, այսօր պետկառավարման ողջ համակարգը սպասարկում է վարչապետի ընտանիքի շահերը…
Բռնաճնշումներ նախատեսված են յուրաքանչյուրի՛ համար։
ПОСЛЕДНИЕ ОТ АВТОРА
-
2024-11-21 10:0919-20 ноября 2018 г. город Мартуни отмечал 190-летний юбилей. Выступая с трибуны одного из торжественных мероприятий, Пашинян заявил: "Организовавшая революцию политическая команда выполнила все обязательства перед народом. Мы говорили: выразите свою волю на улицах и площадях, и мы превратим эту волю в реальность. Мы это сделали! Сказали, что будем вести непримиримую борьбу с коррупцией, сегодня это обязательство в полной мере выполнено!"
-
2024-11-19 09:23Главный инструмент массового оболванивания – это подмена основополагающих понятий. С первого дня травли командира легендарной 5-й бригады генерала Манвела Григоряна (19 ноября исполнится 4-я годовщина его смерти) по надуманному обвинению в краже солдатского пайка "Голос" предупреждал о том, что первыми врагами Пашиняна являются генералы Победы.
-
2024-11-18 09:11Позиция РФ на предстоящих (внеочередных или очередных) парламентских выборах в РА будет отличаться от позиции 2018 г. и 2021 г. К такому выводу военного эксперта Давида Джамаляна привело недавнее заявление Службы внешней разведки РФ, которое, по его словам, было адресовано не властям, а армянскому обществу. Заявление, напомню, содержало предупреждение о том, что США ведут армянский народ к самоубийству. Если Кремль снова пойдет по пути сохранения марионеточного режима в РА, то, по оценке эксперта, это станет наивысшим проявлением недальновидности российской политики!
-
2024-11-16 09:47Спустя считанные дни после жестокого подавления последней акции движения "Сопротивление" (3 июня 2022 г. на улице Прошяна), по личному распоряжению Пашиняна, полицейские, применившие неправомочное насилие по отношению к участникам уличных протестов, были представлены к наградам. Им вручили медали и денежные премии, а еще поощрили повышением по службе. На видеокадрах многие видели сцену удушения малиновым беретом участника акции.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։