Последние новости
2020-04-16 16:39
0

«ԱՄԵՐԻԱԲԱՆԿԸ» ԿԱՌԱՎԱՐՈՒԹՅԱՆ ՀԱԿԱՃԳՆԱԺԱՄԱՅԻՆ ԾՐԱԳՐԵՐԻ ՇՐՋԱՆԱԿՆԵՐՈՒՄ 200 ՀԱՅՏ Է ՍՏԱՑԵԼ

0
Telegram

«Ամերիաբանկը» միացել է կառավարության վարկային բաղադրիչ ունեցող հակաճգնաժամային ծրագրերի իրականացմանը և այսօրվա դրությամբ 200 հայտ է ստացել՝ ընդհանուր ավելի քան 12 միլիարդ դրամի: Այս մասին այսօր առցանց մամուլի ասուլիսում հայտնեց «Ամերիաբանկի» մանրածախ բանկային գործարքների գծով գործադիր տնօրեն Արման Բարսեղյանը։

Նրա խոսքերով՝ ներկայում արդեն հաստատվել են ավելի քան 4 միլիարդ դրամի հայտեր: «Չնայած այն բանին, որ միջոցառումների ծրագրերը սկսվել են ընդամենը մեկ շաբաթ առաջ, հետաքրքրությունը դրանց նկատմամբ մեծ է: Վստահ եմ, որ նախապատրաստական աշխատանքներից հետո հայտերի ներկայացման տեմպերը կմեծանան: Ծրագրերն իսկապես պահանջարկ ունեն, և դրանք կօգնեն մեզ հաղթահարել կորոնավիրուսային համաճարակի բացասական տնտեսական հետևանքները», - ասաց Բարսեղյանը: Նա ընդգծեցեց, որ բանկը մասնակցում է չորս ծրագրերի, որոնցից երեքը ունեն վարկային բաղադրիչ: Բարսեղյանը մանրամասն ներկայացրեց ծրագրերից յուրաքանչյուրի համար վարկեր տրամադրելու պայմաններն ու չափանիշները:

Բարսեղյանի խոսքերով՝ կառավարության միջոցառումների առաջին ծրագիրը նախատեսված է Հայաստանում գրանցված բոլոր տնտեսվարող սուբյեկտների և անհատ ձեռներեցների համար, բացառությամբ ֆինանսական կազմակերպությունների և շահումով խաղերի կազմակերպիչների:

Վարկերը նախատեսվում են ծախսերի վեց ուղղություններ ֆինանսավորելու համար: Այսպես, վարկը կարող է օգտագործվել աշխատավարձերը, հարկերը, տուրքերը և այլ պարտադիր վճարների համար, բայց առավելագույնը երեք ամսվա ընթացքում։ Նաև վարկային միջոցները կարող են օգտագործվել հումքի և սարքավորումների ներկրման/ձեռքբերման համար, միակ պայմանն այն է, որ և՛ հումքը, և՛ սարքավորումները պետք է օգտագործվեն բացառապես Հայաստանի տարածքում արտադրանք տալու համար:

Միջոցները կարող են ուղղվել նաև կոմունալ ծախսերի վճարման, ինչպես նաև սննդամթերքի և դեղորայքի ներմուծման համար՝ դրանք պարտադիր երկրում իրացնելու պայմանով: Բարսեղյանը ընդգծեց, որ վարկային միջոցներ կարող են տրամադրվել նաև այդ ոլորտներից միանգամից մի քանիսի համար:

Ծրագրի հնարավորություններից օգտվելու համար ընկերությունը պետք է համապատասխանի մի քանի չափանիշների՝ առնվազն 1 տարվա գործունեություն, հարկային և վարկային լավ պատմություն: Սա նշանակում է, որ ընկերությունը վերջին մեկ տարվա ընթացքում չպետք է ունենա վարկերի ժամկետանց վճարներ, ինչպես նաև չմարված հարկային պարտավորություններ՝ 2019 թ․ դեկտեմբերի 31-ի դրությամբ:

Ներկայացնելով միջոցառումների առաջին ծրագրի շրջանակներում պետական աջակցության ձևը՝ Բարսեղյանը նշեց, որ օգնության երեք ձև է նախատեսված՝ համաֆինանսավորում, վերաֆինանսավորում և սուբսիդավորում: «Համաֆինանսավորման դեպքում բանկը կհաստատի վարկի գումարը, իսկ կառավարությունը կհամաֆինանսավորի 20-50% զրոյական տոկոսադրույքով, դրանով իսկ կառավարությունը նվազեցնում է վարկի ընդհանուր պարտավորության արժեքը: Վերաֆինանսավորման դեպքում բանկը ստանձնում է վարկի ամբողջ գումարի ֆինանսավորումը, իսկ կառավարությունը վերաֆինանսավորում է գումարի 50-100% -ը՝ դրանով իսկ բանկերին հնարավորություն ընձեռելով իջեցնել տոկոսադրույքը: Իսկ սուբսիդավորման դեպքում վարկերի տոկոսները մասնակի կամ ամբողջությամբ սուբսիդավորվում են պետության կողմից», - տեղեկացրեց նա: Վարկերը հիմնականում կտրամադրվեն ազգային արժույթով, սակայն նաև բացառություններ են նախատեսված: «Կախված վարկառության նպատակներից, միջոցները կարող են նաև արտարժույթով տրամադրվել», - տեղեկացրեց նա: Վարկի առավելագույն գումարը 500 միլիոն դրամ է, առավելագույն ժամկետը ՝ 24 ամիս: Վարկերը կտրամադրվեն միայն անկանխիկ ձևով, շեշտեց նա:

Բարսեղյանի խոսքերով՝ հակաճգնաժամային երկրորդ ծրագիրը ուղղված է գյուղատնտեսական ոլորտին: Ծրագրով նախատեսված վարկառության նպատակները կարելի է պայմանականորեն բաժանել երեք խմբի: Վարկ կարող է տրվել գյուղացիական տնտեսությունների հնարավորությունների զարգացման և արդիականացման, ոռոգման ժամանակակից համակարգերի ներդրման, խաղողի և մրգատու այգիների հիմնման, հակակարկտային ցանցերի ձեռքբերման, գյուղատնտեսական հումքի ձեռքբերման, անասնաբուծության կարիքների ֆինանսավորման, գյուղատնտեսական տեխնիկայի և սարքավորումների ձեռքբերման համար:

Միջոցառումների երկրորդ ծրագրով առաջադրված պահանջները գրեթե նույնն են, ինչ առաջին ծրագրի դեպքում՝ լավ հարկային և վարկային պատմություն: «Առնվազն 1 տարվա գործունեության պահանջը այստեղ չկա», - ասաց նա: Այս ծրագրի համար պետական աջակցության ձևերը տրամադրվում են համաֆինանսավորման և սուբսիդիաների տեսքով: Վարկերի այս տեսակը տրվում է ինչպես դրամով, այնպես էլ արտարժույթով: Վարկի առավելագույն գումարը 1,8 միլիարդ դրամ է`12-96 ամիսով: «Ժամկետները ավելի շատ կախված են վարկի նպատակից», - ասաց նա:

Ինչպես հայտնեց Բարսեղյանը, միջոցառումների երրորդ ծրագրի շրջանակներում տնտեսվարող սուբյեկտներին օգնություն է ցուցաբերվում Ներդրումների աջակցման կենտրոնի միջոցով: Այս ծրագրից կարող են օգտվել վերամշակող արդյունաբերության, հանրային սննդի, լոգիստիկայի, զբոսաշրջության, ծառայությունների, առողջապահության, նախադպրոցական կրթության, սպորտի, զվարճանքի և ժամանցի, շինարարության ոլորտում աշխատող ընկերությունները։ Վարկ կարող է վերցվել աշխատավարձերի, հարկերի, տուրքերի և պարտադիր վճարների վճարման, հումքի ձեռքբերման, կոմունալ վճարների և վարձավճարների վճարման համար: Որպեսզի վարկ տրամադրվի, տնտեսվարող սուբյեկտները պետք է համապատասխանեն հետևյալ չափանիշներին՝ տարեկան շրջանառությունը պետք է լինի 24-500 միլիոն դրամ, ունենան լավ հարկային և վարկային պատմություն: Վարկերը տրամադրվում են դրամով՝ 2019 թվականի շրջանառության 10%-ի չափով, առաջին երկու տարվա համար 36 ամիս ժամկետով, զրոյական տոկոսադրույքով, երրորդ տարվա համար տոկոսադրույքները կկազմեն 12%:

Ինչպես տեղեկացրեց Բարսեղյանը, վարկի հայտը կարող է ներկայացվել բանկի առցանց հարթակի միջոցով՝ sme.ameriabank.am: «Մեր հաճախորդները, ովքեր օգտվում են ինտերնետ-բանկ համակարգից, կարող են հայտն այդպեց ներկայացնել: Կարելի է նաև դիմում ուղարկել «Ամերիաբանկի» էլեկտրոնային փոստի հասցեին», - ասաց նա՝ հավելելով, որ բոլոր երեք տարբերակները առանց բանկ այցելելու հայտ ներկայացնելու հնարավորություն են ենթադրում: Հայտի հետ մեկտեղ անհրաժեշտ է նաև ներկայացնել հարկային հաշվետվություններ, տեղեկանք ՊԵԿ-ից՝ հարկային պարտավորությունների կատարման վերաբերյալ, հնարավոր է նաև այլ փաստաթղթեր՝ բանկի պահանջով: Բարսեղյանը շեշտեց, որ «Ամերիաբանկի» թիմը ձգտում է առավելագույնս թեթևավնել ֆինանսական գնահատման ընթացակարգը՝ օպերատիվություն ապահովելու համար: «Մեր այն հաճախորդների դեպքում, որոնք վերջին տարում դիմել են վարկ ստանալու համար, կօգտագործվի առկա ֆինանսական գնահատականը և վերլուծությունը: Դրանց բացակայության դեպքում մենք կկողմնորոշվենք հարկային հաշվետվությունների ցուցանիշների վրա: Դե, իսկ մինչև 5 միլիոն դրամ վարկերի դեպքում հնարավոր կլինի օգտվել մեր սքորինգային համակարգից », - ընդգծեց Բարսեղյանը:

Основная тема:
Ամերիաբանկ

Теги:
Ամերիաբանկ

    ПОСЛЕДНИЕ ОТ АВТОРА

    • АМЕРИАБАНК НАЗВАН ЛУЧШИМ БАНКОМ АРМЕНИИ В СФЕРЕ НЕДВИЖИМОСТИ ПО ВЕРСИИ EUROMONEY
      2024-11-29 12:15

      Америабанк признан лучшим банком Армении в сфере недвижимости по версии международного финансового издания Euromoney, став первым в стране, кто удостоился этой награды. Премия «За заслуги на рынке недвижимости» присуждается за выдающиеся достижения в сфере коммерческой недвижимости иподчеркивает не только финансовые успехи и высокое качество обслуживание клиентов, но и стремление совершенствовать отрасль с использованием передовых технологических решений и инициатив в области устойчивого развития.

    • ЛУЧШИЕ ИСТОРИИ ЛЮБВИ
      2024-11-29 11:42

      Лусине Алексанян, книга которой вышла в этом году в Лондоне, была номинирована на присуждение престижной британской премии Hertfordshire Press Award за выдающиеся достижения в области формирования и продвижения литературного наследия стран Евразии в международном пространстве. Ее книга - абсолютный победитель Суперкубка литературного конкурса Open Eurasia 2023, года и вновь приковала к себе внимание международных экспертов в номинации "Best Love Story".

    • АРДШИНБАНК ЗАВЕРШИЛ СДЕЛКУ ПО ПРИОБРЕТЕНИЮ ЭЙЧ-ЭС-БИ-СИ БАНКА АРМЕНИЯ
      2024-11-29 09:00

      ЗАО «Ардшинбанк» объявляет о завершении процесса приобретения 100% акций ЗАО «Эйч-Эс-Би-Си Банк Армения» (HSBC Армения). После завершения сделки и процесса интеграции, продолжавшегося почти 10 месяцев, 29 ноября текущего года HSBC Армения был переименован в «Ардшининвестбанк». Банк официально будет приветствовать клиентов HSBC Армения со 2 декабря текущего года, сохранив действовавшие ранее условия обслуживания и перечень услуг, с добавкой множества привилегий.

    • АРДШИНБАНК НАПРАВЛЯЕТ 120 млн ДРАМОВ ВО ВСЕАРМЯНСКИЙ ФОНД «АЙАСТАН»
      2024-11-28 16:23

      28 ноября проходит 27-й ежегодный телемарафон, проводимый Всеармянским фондом «Айастан», в ходе которого Ардшинбанк объявляет о пожертвовании 120 миллионов драмов на укрепление и развитие нашей страны.

    ПОСЛЕДНЕЕ ПО ТЕМЕ