Բոլորը քննարկում են, թե ինչ տպավորիչ, տիպիկ նիկոլավարի «քաշեց» Հայաստանի վարչապետն իր արտգործնախարարին Արցախի հարցով ՄԱԿ-ի Անվտանգության խորհրդի նիստի ժամանակ։ Արարատ Միրզոյանը ՄԱԿ-ի Անվտանգության խորհրդի անդամներին ներկայացրնում էր փաստեր, որոնք հիմնավորում են Արցախում էթնիկ զտումներ իրականացնելու Բաքվի նպատակը։ Ադրբեջանի ԱԳ նախարար Ջեյհուն Բայրամովը հակադարձեց՝ հղում անելով Նիկոլ Փաշինյանի այն հայտարարությանը, թե Լեռնային Ղարաբաղի քաղաքացիական բնակչությանը սպառնացող անմիջական վտանգ չկա... Հայտարարությունը Հայաստանի վարչապետն արել էր Հանրային հեռուստաընկերության եթերում՝ Անվտանգության խորհրդի նիստի մեկնարկից երկու ժամ առաջ։

Արցախի դեմ Ադրբեջանի նոր հանցավոր ագրեսիայի երկրորդ օրը ԶԼՄ-ներում սկսեցին տեղեկություններ հայտնվել այն մասին, որ որպես բնակիչների տարհանման համար հումանիտար միջանցք բացելու պայման՝ Բաքուն պահանջում է իրեն հանձնել մի քանի հարյուր արցախցիների՝ ըստ ներկայացված ցուցակի: Իսկ «Հրապարակ» թերթը, հղում անելով ՀՀ ԶՈՒ-ում իր աղբյուրին, հայտնեց, որ ցուցակը բաղկացած է ամբողջ 30 000 անունից. ոչ միայն պետական, ռազմական և հասարակական գործիչների, այլև սովորական բնակիչների, 18-75 տարեկան տղամարդկանց, որոնց Ադրբեջանում անվանում են «ահաբեկիչներ»:

Երկու խոսք ՄԱԿ-ի Անվտանգության խորհրդի երեկվա նիստի մասին։ Ո՛չ մի պետություն Ադրբեջանից չպահանջեց զորքերը հետ քաշել առնվազն սեպտեմբերի 19-ի դրությամբ եղած ելման դիրքերը, ինչն էլ միայն կարող էր հայերին նվազագույն բավարար հիմքեր տրամադրել պապենական հողերում և տներում իրենց կյանքը շարունակելու համար։

Արցախը մենակ է մնացել։ Ռուս խաղաղապահները գրեթե չեն կատարում իրենց պարտավորությունները, ժողովրդավար Արևմուտքը երես է թեքել մեզնից, երես է թեքել նաև Հայաստանը։ Այս մասին Reuters-ի հետ զրույցում ասել է Արցախի նախագահի խորհրդական Դավիթ Բաբայանը։

Եվլախում ավարտվել է Արցախի և Ադրբեջանի պատվիրակությունների հանդիպումը, հայտնում են ադրբեջանական լրատվամիջոցները։

Արցախի պաշտպանությամբ ապահովվում էր Հայաստանի անվտանգությունն ու անկախությունը: Այս մասին այսօր՝ սեպտեմբերի 21-ին, «Եռաբլուր» պանթեոնում լրագրողների հետ զրույցում նշեց ԱԺ «Պատիվ ունեմ» խմբակցության պատգամավոր Տիգրան Աբրահամյանը:  

Ահա այսպես, մեր աչքի առաջ մարում է հայկական Արցախի հազարամյա պատմությունը։ Մենք եզակի ժողովուրդ ենք, իսկապես եզակի. հանգիստ նայում ենք, թե ինչպես են մեզ սպանում։ Փոխարենը, ինչպես ասում է վարչապետը, չենք տրվում սադրանքների։ Ամեն ինչ նորմալ է։ Աննա Հակոբյանը խոստացել էր, չէ՞, որ շուտով Արցախում ևս փառատոններ կլինեն։ Դե ահա, «փառատոնները» եռում են։

Իրավիճակն Արցախում շարունակում է սարսափելի մնալ։ Արցախի բնակավայրերի բնակիչներից առավոտյան ժամը 9:00-ի դրությամբ ստացված տվյալներով՝ հանրապետությունում չեն դադարում հրետակոծությունները տարբեր ուղղություններով:

ՀՀ–ն պատրաստվում է վավերացնել Հռոմի ստատուտը։ ՌԴ–ն այդ հարցի հետ կապված բողոքի նոտա հղեց ՀՀ–ին։ Փաշինյանը, սակայն, հայտարարեց, որ փաստաթուղթը վավերացվելու է լիարժեք։ Խնդրի իրավական և քաղաքական հնարավոր հետևանքների մասին Sputnik Արմենիան լսել է մասնագետների կարծիքները։