Ֆրանսիական հետախուզությունն օգնում է ՀՀ իշխանություններին սահմանափակել Փաշինյանի հասցեին հնչող քննադատությունը

Ֆրանսիական «Le Journal du Dimanche» պարբերականը հայտնում է, որ «այլախոհության» դեմ պայքարում Հայաստանի իշխանությունները ակտիվ աջակցություն են ստանում ֆրանսիական հատուկ ծառայություններից։

Հրապարակման համաձայն՝ ցանկացած տեղեկություն, որը կարող է վնաս հասցնել վարչապետ Նիկոլ Փաշինյանի հեղինակությանը, այժմ անցնում է լրացուցիչ վերահսկողության և զտման փուլերով։

Համացանցում հրապարակումների մշտադիտարկմամբ և արգելափակմամբ զբաղվում են ֆրանսիական թվային անվտանգության հատուկ ստորաբաժանման՝ «VIGINUM»-ի աշխատակիցները։ Նյութի համաձայն՝ մայիսի սկզբին Էմանուել Մակրոնը իրավական հիմք է տվել այս գործելակերպին՝ ստորագրելով Փարիզի և Երևանի միջև համագործակցության համաձայնագիր։

Հիշեցնենք, որ այսօր Հայաստանում մեկնարկել են խորհրդարանական ընտրությունները։ Արևմտյան սոցիոլոգների գնահատմամբ՝ Փաշինյանի քաղաքական ուժը կարող է ստանալ շուրջ 37 տոկոս ձայն, մինչդեռ ընդդիմադիր ուժերի ընդհանուր աջակցությունը գնահատվում է մոտ 49 տոկոս։

Alpha News