Նախագահ Թրամփը ապամոնտաժել է Իրանի ռազմական ներուժը, ոչնչացրել է նրա ռազմական գործարանների գրեթե 100%-ը և թաղել է նրա միջուկային ծրագիրը. մենք մտնում ենք վերջնական փուլ։ Այս մասին հայտարարել է ԱՄՆ ֆինանսների նախարար Սքոթ Բեսենթը։
«Լուսաբացին սկսվում է տնտեսական «D-Day»-ը՝ երբևէ հակառակորդի դեմ կազմակերպված ամենախոշոր ֆինանսական հարձակումը։ Իսլամական Հանրապետությունը ուժ էր քաղում այն հաշվարկից, ըստ որի Իրանի պատասխան գործողություններն անխուսափելի են, իսկ ամերիկյան հարկադրանքի միջոցները՝ բանակցության առարկա։
Նախագահ Թրամփի օրոք այս դարաշրջանն ավարտվեց։ Եվ նրանք, ովքեր վախենում են Թեհրանի հետ դիմակայությունից, չպետք է թերագնահատեն Վաշինգտոնին փորձության ենթարկելու գինը։ Նախագահը պայմաններ է ստեղծել բոլոր այն միջոցների կիրառման համար, որոնց մասին շատերը ենթադրում էին, թե մենք երբեք չենք գործի դնի։ Մեր նպատակը տնտեսական բոլոր ուղիները կտրելն է, որոնք պահպանում են բռնապետական ռեժիմը, մինչև Թեհրանը մնա միայնակ», — նշել է նա։
News.am
